Astian Bartzelonan egon gara nahiz eta Bartzelona ikusi dogunik ezin esan. Bulegoren bat, hotela, telebista bi… ikasi dot oinguan be, ze telebistagintzan merkatu oso bat dago Kataluñan. Bai erakunde, herri, elkarte… danak dare sinistuta zelako garrantzitsua dan hedabidegintza hizkuntziarendako.
Egun biko juan-etorrixa izan da autuan eta gidari ona izan dogu: Tomtom. Hizkuntza asko dakixen GPSia da TomTom. Listua da oso, eta humanuon kontrara, konfundidu ezkero badaki belarrixak bajatu eta bidia berriz markatzen; radarren parian bizkortxo bazoiaz txillixuak etaratzen dittu; infomaziño asko emoten dau: zenbat kilometro, zenbateko abiaduran zoiazen, kalien izenak, herrixak… Edarra katxarrua!
GPS euskalduna
Gure GPSiak ez zekixen euskeraz… Baiña egin dau euskaltegiko ikastarua TomTom-ek: GPSrako ahotsak grabatzen egon gara Iturri, Narbaiza, Amatiño eta laurok, lau blogari. GPSian nere ahotsa astuna izango da seguruen… Beste hiru ahots euskaldun be badaukazuz aukeran, hala eta be: ehun metro aurrera, hurrengo biribilgunian ezkerretara, segi zuzen-zuzen, eutsi ezkerrari (bai, laurok sartu giñuan hau aginduau zein eutsi eskumari), hartu ferryxa…
Oh.: Teleatlas dauken GPSietan, Arrasate-Gasteiz autobidia egindda agertzen da. Humanuon moduan egin dau kale erakundiei kasu egittiarren. Bertsiño barrixan autobiderik ez, ondio ze konturatu dira erakundiei kasu egin bihar jakuela baiña ez beti 🙂
Argazkixa Narbaizaren Flickr-etik hartu dot. Hor garenak: Ezkerretara Amatiño eta Leire; Eskumatara Iturri eta bixok.
A! zeuk be euskeratu zeinke zure tom-toma,
eibar.org-ko portadan txukun-txukun jarri dabe zelan egin eta baitta materixala be.
Narbaiza? zelako arrarua egitten jatak, izango dok bestien abizen edo
gatxizena jarritta, neri be halan tokazten zala. Egixa dok, neskori
izenaz, eta mutilleri abizenaz, sarrittan. Politikamente korrektua izan
haiz, linia editoriala izango dok, eztok?
Egixa esateko entzutzen bajuat “Narbaiza” beti etortzen jatak “a la
pizarra” eta irakasle bat ni larri jartzen ikasi barik negualako!
hortaz, erne jartzen nok.
Lagun batek be adarra joteko esaten jestak: “Narbaiza, ze pasatzen da?”
b
Baiña detaillia eskertzen deuat, Arantzabal.
A! Eutsi ezkerrari!! Ni eutsi ezinda nabik-eta
Gaur egun nahiko ondo erakusten digute errepidetako panelek nora joan gaitezkeen, baina beharrerako gps.a primeran dago