Gaur eguna luzatzeko biharrarekin jaiki naiz ohetik. Jaiki be halako baten. Dutxau, kioskotik pasau, pare bat periodiko erosi eta herrixan naranjazko zumo naturala emoten daben tabernara fan, Espaloira. Zumua, kafesnia eta musika ona. Gaur aspaldi entzun barik neukan Quebec jarri dau tabernarixak. Jartzen danian asmatzen dau bai. Mezu hau idazten nenguala ikusi dot zazpi euruan erosi leikela Internetez disko eder hori. Armosua denboran luzatu da eta lagunekin raba batzuk jateko denboriakin egin dau bat. Marianitua, handik hondartzara, euzkixa ezkutau arte Saturraranen… Eta ondio be gaba luzatu guran… Pizzak jan, pasio motza… Eta oin mezu hau idazten. Opor eguna amaitzeko 8 minutu falta dira.
Cittaslow
Eguna luzatzen nenbillela akordau naiz goizian El País-en irakurri doten artikuluakin. “Vivir despacio para vivir mejor”. Hiri geldo moduan definitu dabe bere herrixa Mungiak eta Lekeitiok. “Bizi kalitatearen aldeko udalen sarian” sartu dira. Eta artikulua irakurri arren be ez dotsat ikusten bi herrixoi Euskal Herriko beste hamaika herri baiño motibo gehixagorik zerrenda txiki horretan egoteko. Cittaslow-ren gaiñeko informaziño billa jo dot sarera, oso slow barritzen daben bloga be irakurri dot, baiña hau irakurri eta antzar egunarekin akordatzia bat izan dira.
Ufff, zelako herri trankillian bizi naizen “asociación española de cittaslow, ciudades lentas” zerrendan agertu ez arren.
