Ia zergatik ez dudan ekartzen blogera Goiena paperean argitaratutako artikulua… ba horratx! Goiena paperean eta goiena.net -en argitaratua zegoen:
“Euskaltzale”
Izan naiz ni ere tribuzale, jendea tribuetan sailkatuzale.
Taberna hauetan dabilelako, kamisetak halakoak, motxila estiloa, zapatak, orrazkera, musika tipoa… Eta sailkatu. Gurea da, ez da, zer da gurea, zer da gu…
Lehen errazago egiten nuen sailkatzeak ez dit orain balio. Egon naiteke tribu honetan gaur eta bestera salto egin gero. Edo izan daiteke tribu handiago batean birziklatu ditudala motxilero hippyak eta ondo lisatutako alkandoradunak.
Jarraitzen dut tribukerietan; orain, euskaltzaleen tribuko den edo ez sailkatzen dut, inkontzienteki egiten dut. Niri bost zein tabernatara sartzen den eta ilea makinarekin edo artaziekin mozten duen. Badugu garaia tribua handitzeko.
