Usaetxeko 9. urteurrena zela eta, bertara joateko gonbidapena jaso genuen santamainako ludotekari zein haurrek. Usaetxeko zenbait haur eta hezitzaile gerturatu ziren gurera eta beraien ospakizunaren berri eman ziguten.
Era horretara, Santamainako lagunok asanblada baten bitartez jaialdirako zer sukaldatu adostu genuen. Bilgune horretan, madari eta melokotoizko batidoak egitea adostu genuen.
Beraz, ostegunean, haurrekin batera auzoko denda batean erosketak egin eta batidoak egiteari ekin genion. Arginano bezain sukaldari trebeak ditugu Santamainako ludotekan!!!!
Eguna iritsi zenean, ludotekan batu eta zenbait lagun gerturatu ginen Usaetxera. Bertan batidoak eta beste ludoteketan prestatutako jakieak dastatzeaz gain, jolasten, abesten eta elkarrekin gozatzen ibili ginen.
ZORIONAK ETA URTE ASKOTARAKO USAETXE!!!!
