Asteburu honetan gelditu barik ibili gara… asperdurari ez diogu tarterik eman!
Ostiralean, kanpoko giro ederra aprobetxatuz, Gazte lekuko mahai jolas eta mahai kirolak kanpora atera genituen. Futbolinak bereziki, arrakasta handia izan zuen eta gogotsu ibili ginen partidak bota eta bota guztiz ilundu eta freskatu arte.
Zapatuan, hainbeste gustatzen zaigun sukaldaritza saio bat egin genuen. Kreppeak egiten trebatu ginen; bai gazi, zein gozoak. Ze goxoak!!!
Domekan ostera, “EKIN Emakumeak” -ekoen bisita izan genuen. Leire Pascual hurbildu zen Gazte lekura eta indarkeria matxistaren inguruan gure usteak eta ikuspuntuak konpartitzera gonbidatu zigun. Oso hausnarketa politak irten ziren, bidelagun aparta izan zen Leire!
Eta azkenik, asteburuari amaiera borobila emateko, gorputzak astindu genituen gogoz!!! Dantzan ibili ginen Wii dancean!
Esan dizuegu, tope ibili garela!
Aupa Eskoitzako Gazte lekua!!!
