Zenbat Amanda dagoen munduan barrena, Txilen eta Txiletik kanpora.

Atzo Manchester United taldearekin egon ziren Atacaman herioren atzaparretatik ihes egindako 33 meatzariak. Miraria lortu zuen Piñerak eta lau haizetara zabaldu. Telebistako aurkezleak txisteak egiten ditu langile horien inguruan, esanez beharginak aldi berean Real Madrileakoak, Bartzelonakoak, United-koak… direla.

Kartzelan erreta hil diren 81 txiletarren senideak ez dira agertu. Akaso ez zaie futbloa gustatzen. Akaso albistean ez zuten lekurik. Akaso porrotak ezkutatzea komeni da.

Inbidia partitu ziren mahaian denetarik zegoen, baina espainiarrak gehiago zeuden.

Duela gutxi, iragan asteartean, euskal izeneko neska batek “hablame en cristiano” erantzun zidan bere okindegian ogi bat euskaraz eskatu nionean Nafarroan.

Beraiek hizkuntza bat dute eta guk bi. Beraietako gehienek kultura bakarra ezagutzen dute, guk behinik behin gutxienez bi.

Pobrezia ezin dute agoantatu. Horregatik nahi gaituzte gu ere pobretu, guztiok hizkuntza bakarra dezagun: eurena.

Julen Assange (kartel polita dago Euskalherria.infon) ez da izango bakarra cable-ak argitaratuko dituena.

Adierazpen askatasunarekin konprometiturik, blog xume honetan ere Arrasateko albiste harrigarriak (ber)argitaratuko dira. Albiste batzuk zaharrak, beste batzuk berri-berriak.

Hau irakurri eta gero, mundua aldatuko da. Munduko herritarren arteko harremanak aldatu dira. Hala esan zuen atzo Baumanek Donostian.

Arrasate shall be the wonder of the world.

http://goiena.net/albisteak/1074770310/
http://sustatu.com/1291291159
http://mondraberri.com/mondraberri/contenidos.item.action?id=5686363&menuId=7109426&onlypath=true

Eusko Jaurlaritzak kultura bonoak atera ditu bigarren urtez.

Izan ere, bankuak laostia dira. Egun batean egon daitezke krisiak sortzen eta hurrengoan kultura sustatzen. Laister bautizo osteko bazkariak ere bertan egingo ditugu!

Ezin ziren liburutegietan jarri salgai bonook, bankuetan jarri behar zituzten…

Arrasaten BAZ ere banku bat zegoen lekuan dago. Akaso horregatik izango da itxuraz banku baten horren antzekoa.

Bankuek kultura bultzatzen dihardute hortaz, baina euren kapitalismoaren kultura.

Hurakan omen zen Maala Kaleko barberoa XX. mende erdialdean. Gaur egun Zubiaga bitxitegia eta erloju denda dagoen etxe aldamenean ei zegoan. Ez dut jakiterik izan nongoa zen, baina ez zen arrasatearra eta kasik ziur euskalduna ere ez.
Bertara joaten ziren gizonak, hurakanengana, berriketan egin eta ilea moztu eta atontzera.
Politena da zergatik deitzen zioten hurakan. Ilea guraizeekin mozten ari zela, putz eta putz aritzen zen sorbaldetan eta bularrean metaturiko ileak kentzeko.
Ze politak diren metafora herrikoiak.

Eskoriatzan aditua Beñat Gaztelumendi eta Erika Lagoma bertsolariei…

“Zaindu dezadan zilbor hestea
eta ez nire zilborra
sabel berean bizi daitezen
itsasoa eta lehorra”.

Udalatxeko harrobia ustiatzeko arazorik ez du ikusten Jaurlaritzako ingurumen sailak eta onespena eman dio Cantera de Campanzar enpresaren egitasmoari. Goienako albistean jartzen duenez gobernu autonomikoarentzat barne harrobiaren ideia “berritzailea” omen da, “paisaiari egiten dizkion kalterik nabarmenenak eliminatu” egiten
dituelako, eta baita ere “landareei eta faunari” egiten dizkion
kalteak ere.

Udal gobernuak debekatua zuen jarduera aurretiaz eta zigor prozedura martxan jarria dauka.

Niri zirrara txarra utzi dit gorputzean albisteak. Iruditzen zait ez gabiltzala ingurumen harrobi ona jorratzen.

Larunbat goizez, Info 7ren aldeko eguna Arrasaten.

Ttan-ttakunaren oihartzuna, saldaren usain berpiztailea eta irratiko esatarien karpa.

Udaletxeko arkupeetan, istorio eta historia askodun harlauzen gainean Amaia, Miren, Jone eta Itziar aurpegiak margotu eta eskulanak egiten.

Zenbat irribarre sortuko zituzten dagoeneko Arrasateko eta Euskal Herriko haurrengan? Mila? Hamar mila? Arrasatearron hatzamar guztiak batu beharko genituzke kontua eraman ahal izateko.

Barne produktu gordina neurtzeko diru hotz eta sentimendu gabea erabiltzen da.

Ze prezio dauka irribarre batek? Burumakur gaudenean urreak lez, edo gehiago. Eta hau hala bada, lau neska hauek sortzen duten aberastasunak ez du parekorik.

Eskerrik asko!!!

Aurreko astean egon ginen arrasatear batzuk, gutxi xamar egia esan, plazan Marokoar gobernuaren astakeriak salatzeko. Txalo bat deialdia egin zutenentzat.

Aste honetan emakumeek pairatzen duten indarkeria salatzeko eguna dela eta, hori da gai zentrala webgune, egunkari, irrati eta telebistatan.

Hurrengo astean, euskararen egunak kapitalizatuko ditu medioetako arreta guztiak eta politikoen adierazpenak.

Zer pasako zaie burutik sahararrei, emakume jazarriei eta euskaldunei beraien gaineko fokoak itzaltzen direnean?

Larunbateko azokan, Seber Altuben, baserritar bati entzuna:

“Sagar arbola haundi bat jausitte ikusiot, sagar larregi emun dittulako aurtenguen!”.

Hori baino metafora sakonagorik…