Debagoieneko Telebista (GOITB) ordura arte Arrasate Telebista (ATB) zenaren bideari jarraituta sortu zen.
Goiena hedatzear zegoela eta ordura arteko herri telebista izatetik bailara osora zabalduko zela-eta, elkarte bien nortasun korporatiboa egitea erabaki zuen Goienak. Niri eskatu zidaten elkartearen eta telebistaren irudia lantzea.
Goienaren logoarekin hasi nintzen, gero hura oinarri bezala baliagarria izango zelakoan telebistarena egiteko. Lanek luze jo zuten, eta, artean, telebistaren hedatzea atzeratu egin zen. Momentu bat iritsi zen irudi grafiko osoa bukatuta zegoela, baina oraindik Arrasate Telebista izenarekin eta itxurarekin emititzen zela.
Azkenean, 2000. urteko maiatzaren hasieran GOITBren irudi grafikoa kaleratu genuen: prentsa aurkezpena, furgoneta margotuta, mikrofonoak jantzita, telebistako promoak eginda, paperak inprimatuta…
Handik egun gutxira, maiatzaren 22an, EITB-k ere bere irudi berria aurkezteko jaia egin zuen; gogoratuko duzue, akaso, gala hura: Félix Linares James Bond papera hartu nahian, ordura arte sekretuan gordeta zegoen (!) logo berria CD batekin agertzen zela telebistan…
Aitortu behar dut gure artean ere ikusmina sortu zuela logo berriaren aurkezpenak; izan ere, aurreko ETBren txoritxoa Arrasateko diseinu talde batek egina zen, JJK diseinu taldeak, hain zuzen.
Kontua da aurkezpen hura igaro eta handik bi astera-edo gutun bat jaso genuela GOITBn. Gure logoa eurenaren plagioa zela eta ezin izango genuela erabili! Gainera, EITBko abokatuek gure kontra egingo zutela adierazten ziguten.
Amenazozko bigarren gutun bat ere jaso genuela uste dut, baina azkenean ez zen ezer gertatu. Erantzun genituen gutunok eta gure bideari lasai asko jarraitu genion.
Hemen, logo biak bata bestearen ondoan. Gurea zaharragoa dela ez daukat inongo dudarik, hala ere, antzekotasuna ez da horrenbesterakoa, ala?
Ba nere ustez logua ez da hain antzerakua. Hombre, batera ikusten badittuzu, ba logikua da pentsatzia plagio bat dala. Baña esaten dozun bezela, zeuek lehenau kalerau baziñuten, orduan plagiua zeñena da??? De todas maneras herri mailako telebista bati, pentsatzen zebena eittia ezin da eiñ. Gañera denunzia ta guzti… No coment.
Bai, bitxikeria da plajioarena. Nire ustez be ez diran hain antzerakoak, behrbada koloreetan, eta batez be urdinean. Zalaketarena pixkabat agresiboa dala uste dot, eurek aholkularitza juridiko bat izango dabe zihurrenik eta zuek normala dan moduan, ez. Ez dauka zentzu haundirik. Enpresa munduan ezagutu izan dodaz izenen kopiak eta azkenen borondate ona badago berba egiten konpontzen dira holako arazoak. Gutxitan iristen dira tribunaletara.
Ba, egia esan, lehenengo sustoa pasatu eta gero guk anekdota moduan hartu genuen gertatutakoa.
Idatzi genuen gutuna asalduz GOITBren logoaren kontua noiztik eta nondik zetorren (urtebete lehenago erabiltzen zen Goienaren logoa oinarri bezala hartuta, telebistan koloreak sortzeko sistemaren kolorean gehitzetik: RGB koloreak, hau da, berdea, gorria eta urdina). Ez genion garrantzi handiagorik eman… gero, bigarren gutunarekin, apur bat harritu egin ginen, baina jaramonik ez egitea erabaki genuen.
Ez dakit zergatik baina, uste dut gu baino urduriago EITBkoak jarri zirela.
Nik, benetan denbora-espazio txikian koinzidentzia moduko bat eman zela, uste dut. Beste barik.
Eta orain, beste egi oso bat kontatuko dizuet. Aurkezpen-gala horretan gonbidatu moduan egon zen pertsona batek deitu zidan gau horretan, urduri, etxera, esanez: “Zu, EITBkoek logotipoa kopiatu egin dizuete. Zelako narru sendoa!”. Osea ke, begira, nola diren gauzak!
Apa Goio!
Berandu xamar bidaltzen dut iruzkina, baina hortxe doa nire ustez dauden antzerakotasunak (dekonstrukzioa lanetan sartuta, jeje):
Guzti hauek oso erlatiboak suertatzen dira. Nire ustez, zuk diozuna da…”denbora-espazio txikian koinzidentzia moduko bat”, ez besterik. Herrialde txiki honetan bi hedabidek logoa epe txikian atera ta horrela suertatu dira gauzak.
Zerbait izatekotan, ikusi besterik ez dago lehen
zein sortu zen, eta horrek argitu lezake dena. 🙂