Zenbat batzar egin ete giñuzen Juan Martin Elexpururen elkartian… Elgetara be etorri ziran bera eta Mikel Basabe ezker abertzalia beste modu batera egituratu bihar giñuala azaltzera.
Juan Martinen moduan bide luze honetan hasieratik sinistu zebenek badake, badaukagu, zer ospatu Aralarren emaitzakin. Lorpen haundi bat egin dogu: ezkerrekuak eta abertzaliak gazenon artian etorkizuneko oinarrixak barneratuta dauka gehiengo batek, denbora kontua da ezker abertzaliak bere osotasunian horrekin bat egitia: ezkerra, abertzalia, eskubide zilegiak lortzeko bakarrik bide zilegiak erabiltzin aldekua.
Hauteskundien balorazinuen artian nabarmendu neuke Juan Martin Elexpuruk Argian egindakua. Hemen osorik:
EAJk
irabazi ditu hauteskundeak. Ibarretxek, hobeto esanda, beragatik izan
ez balitz askok aspaldi bilduta izango baitzituen bere bulegotako
trasteak. Azken hauteskunde lokaletan jipoia jaso zuen alderdiak, eta
harrezkero ere kontsultaren txapuzak eta ustelkeria kasuek ez dute asko
hobetu bere irudia. Baina “kanpotarrak agindu bihar joskuek ala etxian?
Ez, mekauen dio!” erreakzioak eta lider sendo batek salbatu du beste
behin ere.
Lider sendoa, PSE-EEri falta izan zaiona
irabazteko. “Oraingoan bai” izan zitekeen beren lema, eta eurak uste
baino motelago ibili arren, oso litekeena da Raxoiren zapoak eta Diezen
sugeak gustura irenstea, aita botereak eta ama aberriak sakrifizio hori
merezi duelakoan.
Alderdi txikiak amildegiaren ertzean egon ohi dira hauteskunde
bakoitzean. EAk garesti ordaindu ditu bere barne kaosa eta bakarrik
joateko ausardia. Subiranotasunaren bandera astindu du urduri, ezker
zein eskuin abertzaleko boto batzuk erakarriko zituelakoan, baina
bereak uxatzea besterik ez du lortu, gehienak beren ama alderdira eta
zenbait Aralarrera joango zirenak.
Ezker Batuarentzat ere dramatikoak izan dira hauteskunde hauek.
Madrazo oso saiatua da baina lartxo gustatzen zaio boterea, eta
poliki-poliki barrutik desegin zaio alderdia, eta “ezkerra soilik” nahi
duen boto askok nahiago izan du PSEra edo Aralarrera emigratu.
Batasunaren ordezko D3Mrekin injustizia itzela egin da: legez kanpo,
jazarriak, liderrak espetxean…, halako egoera batean ez dira txarrak
ia ehun mila boto. Baina gogoratu beharra dago Herri Batasuna 14
parlamentari ateratzera heltzen zela eta atzoko botoekin 7 lortuko
zituela. Politika gupidagabea da, eta bizkarrean daraman motxila astuna
azkar lagatzen ez badu, ez da zaila etorkizuna igartzea.
Ez eskatu niri Aralar epaitzerakoan hotza izateko. Itziar Aizpuruari
entzuten nion PNVren laguntzari esker egin duela gora. Alderdia
jaiotzen ikusi dugunok badakigu zer den ez egoitza, ez diru, ez
militante, ez ezer, basamortua zeharkatzea, ordura arteko irizkideen
begirakuneak jasanez, eta mehatxuak ere bai inoiz. Hanka-sartze
dezenteak ere izan dituen arren bere ibilbidean, begi-bistakoa da ezker
abertzale zibil eta zabalaren egitasmoa sustraitzen ari dela Mendebal
alde honetan, lehenago Iparraldean eta Nafarroan bezala.
Amarruaren goraipena, iruzurrari txaloa
Ilusio eskenatokian, antzezten ari da
Dekoratuen artean, itxuraren logika
Nahastearen inperioak, hil du errealitatea
Poesia.
Jon Odriozola Periodista
Resemantizar la semántica
(…)
Ahora es moda decir que es falso que la izquierda abertzale no está
representada en el Parlamento vascongado: ahí está, con un par, Aralar.
¿Y qué es Aralar? Pura cosmética paniguada que vive, políticamente, del
cansancio y la fatiga humana de mucha gente que ve que pasa el tiempo y
no se vislumbra una salida al llamado «conflicto vasco». Un exutorio,
también, de malas conciencias. No son ni vanguardia ni retaguardia de
nada: simplemente oportunistas que se aprovechan de los costes humanos
que deja la larga lucha por la independencia de este país. Coste que
ellos, esnobs educados y elegantes, no están dispuestos a asumir.
Personajes que piensan que, cuanto más sufra este pueblo, su parte más
sana y concienciada, más personas se cansarán y eso les dará la razón a
ellos. No la represión, sino las consecuencias de la represión. (…)
http://www.gara.net/paperezkoa/20090317/127499/es/Resemantizar-semantica
Hurrengo asteetan landuko ditugun ildoak zehaztu ditugu gaur: erabakitzeko eskubidearen alde indarrak batu, krisiari erantzunak adostu eragile sozialekin, gobernu berriak hezkuntza eta euskarari dagokionean hartu ditzaken erabakien aurrean jarrera irmoa azaldu eta herri honek bizi duen sufrimenduaren zurrunbiloari amaiera emateko pausuak eman.
Aralar da etorkizuneko ezker abertzalearen, ezker abertzale berriaren, oinarriak zehaztu dituena. Ezker abertzaleak bere osotasunean barneratuta ditu oinarri hauek.