1989ko Karnabalek hartu euen 10. zenbakiko portadie.
Lau orriko reportaje fotografikuen, mondrauetarrek ibilli euen danetariko disfrazak erakutsi zittuen Press-ek.
Enrike Alonso mondrauetarra Makatzena Eskolan hasi zan ziklismuen, 11 urtekin.
Afizionauetan, Bizkaiko Bira eta beste hainbat prueba irebazi zittuen eta 1988an fitxau euen Zahor taldiek. Orduen emun euen profesionaletarako saltue.
Ziklista onak euzen taldien, eta gatxa euken Españako Vueltako 9kuen sartzie: Van Brabant, Suykerbuyk, Juan Tomas Martinez, Ocaña…
Lasterketa gogorrak gustetan jakon, menditsuek, eta baitte bueltak be. Esprintetarako, barriz, ez euken abilidade haundirik. Hala be, lelengo urtie euken profesionaletan eta baekixen oso-oso gatxa zala destaketie.
Negu aldien, mendixen ibilli, atletismue, igeri egin… beste gauza batzuk egitten zittuen. Eta, inportantiena, denporie ataraten euen Enpresa Zientziak ikesteko be! Haren ziklista gustokuenak Marino Lejarreta eta Pedro Delgado zien.
Jose Mari Balanzategi Aizkora persona ezagune zan ordureko Mondrauen. Urtiek eroien udaletxien lanien, eta jentiek zelan tratetan euen preguntaute, hauxe erantzun euen: “Denetik dago. Batzuk oso haserre etortzen dira, beste batzuk errespetu handiarekin tratatzen zaituzte, baina guk denak atenditu behar izaten ditugu”.
“Saltsa guztietako perejila”. Holan definiduten euen bere burue. Hori bai, txikitten udaletxien sartziek bilddurre emuten eutzen: “Sartu eta berehala irten nahi izaten nuen”.
Karreterak, rotondak, barientiek, trena… orri biko reportajien, trafikuen arazue aztertu euen. Kuriosue da, baiñe trenak Santa Agedan geltokixe eukiko euela entzuten zan…
Hainbat albiste inportante orri bakarrien: Udalak Amaya antzokixe hartu, Atxabaltako Basotxo jubilauen etxie inaugurau eta Mondraueko gaztetxien gaiñeko gorabeherak… Jon Sarasuak, barriz, Atxabaltako Karnabalen gaiñien egin euen berba, txino-dantza eta holakuek aittatute.
Enkuestie gaztetxien gaiñekue izen zan. Danak ados euzen, biherrezkue zan gaztetxie eukittie Mondrauen.
(10. zenbakixe / 1989-02-10)
