Arrasateko udal ludoteketan Euskara indartu nahian, ekimen berria egitea proposatu diegu ludotekako erabiltzaileei aste honetan eta gustura onartu dute.

Usaetxen, asteazkenean hasi ginen “ nik ere euskaraz” lemarekin txapak egiten. Txapa dezente egin genituen euskaraz egiten duen orori oparitu ahal izateko.

Atzo, osteguna, eguraldi bikaina egin zuenez, Erguineko parkera irteera egin genuen eta bertan zeudenei euskaraz egiteagatik txapa bana oparitu genien. Oso gustura hartu zuten eta ideiagatik zoriondu gintuzten.

Nola ez, parkean jolasteko aukera ere izan genuen, bertan zeudenak ere animatu zirelarik gurekin jolastera.

Eskerrik asko euskaraz egiten duzuen guztioi, jarraitu horrela!!!

Maiatzeko azkenenko astea iritsi da Santamainako ludotekara eta asteko egun eguzkitsu bakarra aprobetxatuz, asteartean ate irekiak zirela eta ortu ingurura irten gara sukaldaritza egitera.

Bertara behar genuen material guztiak atera ondoren, osagaiak zerrendatu  eta ludoteka goian dagoen dendara joan gara erosketak egitera 9 bat lagun.

Osagai guztiak eta eskuak garbitu eta gero  guztion artean, txokolatezko tarta egin dugu. Azkenik tartatxoari sabelean lekutxoa egin diogunean borobilean jarri eta guztiok txoko tartaz gozatu dugu!! ummmmm ZE GOXOA!

Badatoz Maiatzean ere ate irekiak egiteko egunak Arrasateko udal ludoteketan. Gogoratu egun hauetan bazkide ez direnak ere ludotekako ekintzetan parte hartzeko aukera dutela.

Gaur asteartea, Maiatzak 27, Santamaiñan txokolatezko pastel goxoa egingo dute zein sukaldari onak diren erakutsiaz.

Bihar asteazkena, Maiatzak 28, Usaetxen guraso batek dantza ikastaroa eskainiko digu gure gorputzak dantzan jarri ditzagun.

Etzi osteguna, Maitzak 29, Okendon hawayar festa ospatuko dugu.

Animatu eta zatoz parte hartzera!!!

Kurtsoa bukatzera doan honetan eszenatokiari azken ikutuak eman dizkiogu, eta laster amaituta izango dugu!!

Haurrekin batera, hasiera batean etxetik ekarritako pote desberdinekin fokoak burutu genituen, sprayekin margotuz. Ondoren Udaletxeko langileekin batera instalazio elektrikoa nola burutu adostu genuen eta okumen zati bat ekarri ziguten bertan fokoak jarria ahal izateko.

Denbora tarte baten ludotekako partaideok, okumenean zer marrazki jartzeko, proposamenak egin genituen eta ondoren bozkaketa bitartez marrazki bat aukeratu genuen, ederra marrazkia!!

Eta gaur egun, marrazki hori poliki-poliki egur zatian islatzen gabitza, gure artisten esku zoragarriekin batera!

Espero dugu aurtengo ikasturtea bukatzerako, fokoak gure ludotekako parte izango direla, eta jaialdi erraldoi batekin ongi etorria emango diogu gure eszenatokiaren azken ikutu honi!

 Hilabete batzuk badira Usaetxen ortua prestatu eta letxugak eta marrubiak landatu genituela. Egunero ardura hartu dugu gure barazki eta frutak ureztatzeko eta mimotxoak ematearen ondorioz, itxura paregabeko letxugak eta marrubiak atera zaizkigu.

Guraso, bazkide zein hezitzaileak oso pozik geunden lortutakoarekin. Beraz, aste honetan asanblada batekin erabaki dugu letxugekin zer egin. Saltzen jartzeko ideia atera zen, baita zozketa bidez etxera eramatearena ere… baina azkenean guztioi gustatu zitzaigun ideia bat izan genuen: TRUKE AZOKA egitea.

Zer emango zeniguke letxuga batengatik? leloaren izenpean, letxuga etxera eraman nahi zuen edonork parte hartu zezakeen eta trukean, tomateak, gazta, azeitunak, ogia, sagarrak… eman.

Atzoko eguna heldu zen eta guraso zein bazkide ugari gerturatu ziren trukea egin eta merienda goxoa dastatzeko asmoarekin.

Argazkietan ikusi daitekeen bezala, gogotsu aritu ziren haurrak eta primeran pasatu genuen beroari aurre egiteko janari freskoak jaten.

Haurrak oporretan zeudela eta, ekintza bereziak eraman genituen aurrera. Aurrez beraiei zer egin nahiko zuten galdetu eta hiru ludoteketako haurrak elkartu eta ederki gozatu zuten!

Herri kirolak egin zituzten….

Eskaiolazko esku lanak…

Karapaixo goxo goxoak egin eta jan…

Abestu eta dantzatu ere gustura egin zuten!!

Eta aste gozaga honekin bukatzekoSanta Barbara parkean Altxorraren bila jolastu ziren altxorra topatu arte…

DATOZEN HILABETEETAN ERE HORRELA GOZATZEN JARRAITUKO DUGU!!

Apirilak 11, ostiralean Santamainako urteurrena ospatu genuen. Urteurrenetan egiten dugun legez Arrasateko 3 udal ludoteketako haur eta gazteak elkartu ginen bertan.

Aurrez nola ez, ludoteka bakoitzean egun horretan dastatzeko merendolarako janari ezberdinak prestatu genituen: Usaetxen sandwichak, Okendon txokolatezko tarta eta Santamainan magdalenak eta txokolatezko txanponak.               

Santamainara iritsi ginenean jolas ezberdinak zituzten prest bertako erabiltzaile eta hezitzaileak eta hauek egiten primeran pasa genuen.

   Jolasak egin ostean merendolarekin gozatu eta tripa bete genuen.

Arratsaldea ondo bukatzeko bukaeran jolas ezberdinak egin genituen haurren nahien arabera.

Datorren urtean ere urteurrena ospatzeko prest egongo gara!

ZORIONAK SANTAMAINAKO LUDOTEKARI!!

Kaixo lagunok,

Apirilaren 22tik 25era bitartean ekintza bereziak egingo ditugu 3 ludoteketako haurrak elkartu eta arratsalde paregabeak pasatuko ditugularik.

Kartelean ikusiko duzue aste dibertigarria pasatzeko proposamena! Eguraldiaren arabera ekintzak moldatuko ditugu.

  Oharra: eguraldi txarra eginez gero Ludoteka bakoitzean eramango dira aurrera ekintzak.

Animatu parte hartzera!!

Santamañako haurrek luzatutako nahia eta eginiko lanketa kontatzera gatoz!

Sarritan ludotekako eraikineko kanpokaldeko espazioa erabili ohi dute haur dexentek. Bertan beraien “mendia” eskalatzen,

berriketan eta hainbat jolasetan aritzen dira gustora asko.

Baina modu ziurrean eta lasai jolastu ahal izateko, oztopo batekin topatzen ginen.  Izan ere, eraikinaren ondoan dagoen aparkaleku haundiaren zatitxo bat da.Espazio horrekiko interesaren inguruan hitzegin dugu beraiekin, baita bertan egon ahal den arriskuaz ere.

Horrelako berriketaldi batean, haurrentzako babestutako tokia izatea proposatu ziguten. Izan ere, ortua eta ludoteka lotzen dituen zatitxoa da eta espazio honekin lotu ezkero pasoa erosoagoa izengo zela zeritzoten.

Beraien nahia eta interesa kontuan izateko asmoz, haurrei, egin beharrekoen inguruan galdetu eta segituan proposamenak botatzen hasi ziren…

Eskaera udaletxera luzatzea proposatu zuten eta hau burutzeko ideiak botatzeari ekin zioten. Argazki ugari atera genituen, espazioa zehazki adierazi ahal izateko,

Eskaera gauzatzeko ideiak zerrendatu genituen,

Arratsaldea deskribatu zuen bertso bat ere asmatu eta abestu zuten!

Eskaera isladatzen zuten kartelak diseinatu

eta eremua sinbolikoki adierazteko asmoz, sokatxo batean zintzilikatu genituen gure nahia adieraziz eta bide batez eramua markatuz.

Egun batzutako lanketaren ondoren, eskutitza  idatzi eta udaletxera bidali genuen!

Eta…egun gutxi pasata…

Eremutxoa marra horiz markaturik eta aparkatzeko debekua adierazten zuen seinalea topatu genuen gure txokotxoan!!!

Haurrak  pozez zoratzen  helarazi zieten berria  hezitzaileei, hauek bertaratzen ziren bitartean!

Orain marra horiak zelai errerako sarea bilakatu dira!!!

Emozioak tarteko, eginiko lanketaren emaitzaz eta ametsei heltzearen garrantziaz hitzegin genuen beraiekin!

Santamañako haurren nahia entzutea eta gauzatzea eskertzek asmoz, argazki eder batzuk atera genituen!!!

HAURREN AMETSAK EGI BIHURTZEN LAGUNTZEARREN, MILA ESKER!!!

Txatxilipurdiko udaleku irekietan izena emateko epea zabalik dago jadanik. Maiatzaren 9a baino lehen eman beharko da izena Txatxilipurdiko egoitzan: Nafarroa Etorbidea 23 edo eta web gunearen bitartez: www.txatxilipurdi.com

.ANIMATU ETA EMAN IZENA!!! Udan ere ezin hobeto pasatzeko lagun giroan euskaraz jolastuz.