Kixmi blogaren lehen urterako gida

uebermenschazkena

Honako zerrenda KIXMIren inguruko ikerketan lehen urtean
aurkitutakoaren laburpen gisa erabil dezakezue, edo, estekak erabilita,
gida bezala, eremu ilun honetan sartu-irtenak egiteko.

    1. XX. mendearen amaieran minbiziak jota hilzorian zegoen margolari
      batek azken koadroa egin zuen. Irudian margotu zuen azken gauza KIXMITRON hitza izan zen.

kixmitron2

    1. Ameriketako Estatu Batuetako musikari batek Jainkoaren tximino bat naiz
      abestu zuen. Kantarekin bideo bat egin zuen. Bideoan txinpantze bat
      gurutze batean kulunkatzen zen, eta Jesukristoren lekua hartzen zuen
      Azken Afarian.

Image47_2

    1. Idazle batek KIXMI botere totalitarioaren errepresentazioa dela
      idatzi zuen. Inperioaren gezurra salatzeko hereseek erabilitako formula
      bat da KIXMI, tren batean esan zidanez.

Alberto1

    1. Botere gosearen zentzugabekeria tximinoen bidez irudikatu zuen zine zuzendari batek, Lope de Aguirre protagonista duen pelikula batean.

AGUIRRE

    1. XX. mendearen hasieran tximino buruz apainduriko gurutze bat aurkitu zuen lurperaturik AEBetako idazle batek Hego Kalifornian, hango indioek egina, omen.

MONKEY

    1. Hegoafrikako artista batek giza-tximinoak eta ikonografia kristaua erabili ditu Apartheid-a salatzeko.

alexander

    1. Irakurle batek tximino panpinak gurutziltzatu zituen, argazkiak egin eta bidali egin zizkidan, erronka gisa edo.

ETSAI1

    1. Imitazioaren bitartez, tximino bat gizaki bihurtu eta gizakia baino gizakiago izatera heldu zela kontatu zuen idazle batek.

KAFKA

    1. Egipton tximinoak jainko izan zirela azaldu nuen. Thot jainko babuinoak Jesukristorekin duen parekotasuna aztertu nuen.

EGIPTO1

    1. Artista batek Bilboko Guggenheim museoa suntsitzeko kanpaina abiatu zuen. Museoaren hondakinak tximino orrolarien bizileku bilakatuta irudikatu zituen.

oihanaheimazkena

    1. Gizakiaren eboluzioaren une batean mutazio genetiko batek
      mintzaira garatu zuen, eta mutazio berak eragiten dizkio psikosiak
      gizakiari. Teoria hori ikertzen dabilen psikiatrak esan zidanez,
      gizakia tximino eskizofreniko gisa defini daiteke.

Crow

    1. XVI. Mendeko grabatugile baten ikonografian tximinoak duen sinbologia aztertu nuen, eta beste tximinoaren amabirjina bat aurkeztu nuen.

ap-ssart-chimp

    1. Hanuman
      Indiako jainko-tximinoaren berri eman nuen. Mendebaldeko mitologiako
      hainbat pertsonaiaren aitzindaria izan zitekeela azaldu nuen, besteak
      beste Jesukristo eta Superman.

uebermenschblog2

    1. XVI. Mendeko Italiako margolari batek Inkisizioarekin izaniko
      arazoen berri eman nuen. Besteak beste tximino bat sartu zuen
      Jesukristoren Azken Afarian, eta inkisidoreei ez zitzaien oso egokia
      iruditu. Margoan tximinoa aurkitzeko lehiaketa antolatu nuen, eta irakurle batek eraman zuen saria (gorila bat, nola ez).

eccetximu4

    1. Azaroaren 27an Eliza Katolikoak San Buda eguna
      ospatzen duela kontatu nuen. India eta Mendebaldearen artean mitoak
      nola trukatu diren agertzeko adibide bat da San Josafaten istorioa.
    2. Kristautasunaren historiaz munduan dagoen aditu handienetako batek zera esan zidan hitzez hitz: Jesukristo plagio hutsa da.

deschner

    1. XX.mendeko artearen abangoardian Picassok eta beste hainbat tximinok izaniko garrantzia azaldu nuen.

congo

    1. Gizakien eta tximinoen DNA ikertu dituen zientzialari korear batek
      azaldu zidanez, txinpantzeak hurbilago daude gizakietatik beste
      tximinoetatik baino, eta Homo generoan sailkatu beharko lituzkete.

SOOJINYI

    1. Tximinoak pertsona gisa erretratatzen dituen argazkilari baten istorioa kontatu nuen, eta tximinoen pasioaz mintzatu zitzaidan artista.

1045244396_1

    1. Kixmi euskal mitologian elementu arrotza dela esan zidan antropologo batek, eta ikerketa hau ezerezean geratzeko arriskuaz ohartarazi ninduen.

Hartsuaga

Zerrendan ez daude mezu guztiak, edonola ere. Artikulu guztiak ikusteko, hemen klikatu, eta elkarrizketak ikusteko, hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude