Quantcast

Aza 09

1950eko hamarkadan, zarzuela Arrasaten: David eta Juan Arzamendi

Webgune honetan bertan zein Goiena-n aipatu dute 1950eko hamarkadan zarzuela izan zela Arrasaten. Hala ere, badakigu zarzuela herrian egiteak bi erantzule garbi dituela: David Arzamendi (hemen eta hemen, besteak beste)  eta Juan Arzamendi (elkarteko pianojole Eduardo Arzamendiren aita) anaiak.

Ari gara ikerketa lanetan, ea nondik nora hasi ziren, zertan ibili ziren eta beste hamaika kontu jakin nahian, baina honako argazkian azaltzen direla aprobetxatuz, beraien lana eskertu eta Arrasateko musikazale guztientzako inspirazio iturria dela aitortu nahi genuen.

Ea datu gehiago ematerik dugun laster batean!

Argazki orokorra

La Tabernera del Puerto, 1957

Aza 08

@goiena -ko artikulua

Gaurko Goienako alea berezia izan da guretzako. La Tabernera del Puerto obrari tartea egiteaz gain, 1957ko eta 2000ko argazkiak txertatu dituzte. Baita Mertxe Salaberriri egindako elkarrizketa hunkigarria ere!

Goienaren egile eskubideei esker (CC-BY-SA 3.0) ostiraleko alea hementxe txertatu ahal dugunez, aukera probestu nahi genuen, merezi duelakoan! Mila esker!

Hala ere, aipamen berezia egin nahi genieke artikuluan ageri ez diren Tere Gonzalez elkarteko zuzendariari eta Javi Burgos eszena zuzendariari. Sarri bakarlariek hartzen dute protagonismoa, baina beraien ilusiorik eta lan gogorrik gabe ez litzateke hau guztia posible izango. Ez-eta jostun (Cati Andrés eta bere taldekideak), elkarteko pianojole (Eduardo Arzamendi), dekoratu egile (Ana Cristina Zabala eta bere taldekideak) eta koruko partaide guztien lan ordu eta ilusiorik gabe ere.

2013-11-8-egubakoitzekoa573-pdf

Aza 05

Sarrerak BIHAR salgai / Entradas a partir de MAÑANA

Sarrerak bihar jarriko dira salgai Arrasateko Udalaren webgunean, Kutxanet-en eta Amaia Antzokian.

Las entradas se pondrán a la venta mañana en la web del Ayuntamiento de Arrasate, Kutxanet y en el Teatro Amaia.

Aza 04

Zarzuela Arrasaten. Juan Arzamendiren artikulua

Ikertzen eta dokumentuak biltzeko gogoz gaude Izaskun Murgia Elkarte Lirikoko partaideok, eta argazki zaharrez gain dokumentu bat topatu digu Mertxe Salaberrik. Orriren bat faltan duen arren, Juan Arzamendi zenak idatzitako dokumentua txertatu dizuegu, Arrasaten taularatutako obrak laburbiltzen dituena.

Zoritxarrez ez dugu jakin non argitaratu zen artikulua, eta beraz, copyright-a ez duela esperota, blogeko egile eskubide berberekin txertatzea erabaki dugu.

Autorea: Juan Arzamendi

Dokumentua: Zarzuela Arrasaten

Aza 01

1957ko bitxikeria

Entsegua izan dugu gaur, eta atzo webgunera igotako argazkiei buruz aritu gara. Fijatu zarete 3. argazkian presio-eltze bat dagoela? Itxura denez, garai hartan presio-eltzeak (olla exprés) oso preziatuak ziren. Horregatik, urte hartan protagonistari eltzea oparitu zioten lore sorta beharrean!

Lapikoa?

Presio-eltzea!

Urr 31

La Tabernera del Puerto Arrasaten: 2013, 2000 eta… 1957an!

Badakizue guztiok ez dela lehen aldia La Tabernera del Puerto ederra Arrasaten dugula. Izaskun Murgia Elkarte Lirikoaren lehen obra izan zen 2000. urtean, baina ez zen lehengo aldia izan. 1957. urtera jota, maiatzaren 4an Gurea Zinema-n taularatu zen. Baditugu protagonisten izenak ere!

  • Marola: Mª Visi Coto
  • Juan de Eguia: Jose Mari Mendizabal (elkarteko kide den Joserra Mendizabal-en aita; aurten “Simpson”)
  • Leandro: Fernando Aranburu
  • Simpson: Nicolas Agirre
  • Chinchorro: Simon Arregi
  • Abel: Libe Iñarra (elkarteko kide den Mertxe Salaberri-ren ama; gure “Antigua”)
  • Antigua: Marichin Villar
  • Verdier: Luis Mª Maidagan

Koruan, berriz, Parrokiako abesbatza. Gasteizko orkestra izan zen musikaren arduradun, Jesus Aranbarri-ren zuzendaritzapean. Pianoan Juan Arzamendi, elkarteko kide eta pianojole den Eduardo Arzamendi-ren aita. Juanen anaia David Arzamendi aritu zen, berriz, zuzendari lanetan. Zeinen txikia den mundua, aizue…

Eta hementxe argazki batzuk, Mertxe Salaberrik emandakoak!