Eskerrik asko zuen laguntzarengatik!
Goienak behar zaituztela-eta kanpaina berezia egin genuen azaro-abenduan. Eskualdeko hainbat pertsona ezagun agertu ziren Goienako hedabideetan: Goienako hedabideen
kontsumitzaileak, kirol eta kultura esparruetakoak, Goienako langileak… Euskarazko eta bailarako hedabideen premiaz eta hauek lagundu beharraz ohartaraziz eta Goiena Klubeko kide egitera animatuz.
Lerro hauek dira Goienako proiektua bultzatzeko prestutasuna agertu duzuen guztioi eskerrak emateko. Zuen ekarpena ezinbestekoa da guretako eta bultzada ederra aurrera egiteko. Izan ere, kanpainak sekulako arrakasta izan du. Debagoiendarren konpromisoaren eta eskuzabaltasunaren berri bageneukan. Eta kanpaina honekin baieztatu egin dugu eskualde hau euskalduna eta euskaltzalea dela.
Mila-mila esker guztioi!
