Gaztetxokoak

martxoak 29 arratsaldeko 18:30etatik aurrera. Arrasateko gaztegunean

Aste honetan kontzertu polita izan dugu erdigunean. Eta kontzertu dagoen bakoitzean egiten dugun moduan irratia martxan jarri genuen! Gazte tentsioan Sustrai!

http://www.goear.com/listen/327a204/sustrai-taldeari-elkarrizket

Arrasateko gaztetxokoetatik irteera antolatu dugu udaberriko oporraldirako. Apirilaren 22-23-24 eta 25ean Askizura joango gara bertan 4 egun igarotzera.

Udaberriko egonaldi honetan parte hartzeko eman izena gaztetxoko edo gazte bulegoan.  Izen ematea 5o euro izango da eta plazak mugatuak dira. Zumaia eta getariako kostaldea ezagutzeko eta ondo pasatzeko aukera paregabea!

irteera datozen gazteen gurasoekin bileratxo bat egingo dugu.

Joan zen zapatuan, Martxoaren 8an, Emakumeen Nazioarteko Eguna izan zen, eta Erdiguneko Gazte Gunean ospatu egin genuen! Eguraldi apartak lagunduta, kanpoan egin genuen asteburu gehena.

Txapa tailerra erabili genuen emakumeen aldeko mezuak nahiz historiako emakume garrantzitsuen irudiak zituzten txapak egiteko. Gero, taldetxo bat kalean zehar joan zen txapa hauek banatzen!

Arratsaldeko azken orduak, behin eguzkia gordeta, barruko mural bat berrizteko aprobetxatu genuen. Murala ere emakumeen alde!

Domekan ere egun paregabea egin zuenez, hasieran sofak kanpora atera eta berriketan ibili ostean, monterronera joatea erabaki genuen. Oreka-zinta jarri genuen bi zuhaitzi lotuta eta oso gustura ibili ginen!

Joan zen asteburuan inauteriak ospatu genituen Erdiguneko GazteGunetik.

Ostiralean, mozorroei zein karrozari azken ukituak ematen ibili ginen, eta zapaturako dena prest utzi genuen, biharamunean izango genuen egun aparterako prest!

Zapatu goizean Erdigunea ireki genuen, bertan mozorrotu eta aurpegiak pintatu, karroza montatu,… desfilerako prestatu ginen!

Eguraldi kaxkarra izan arren, pregoia ikusten joan eta herriko kaleetatik egiten den desfilean partehartu genuen!

Behin desfilatuta, eta kaleko giroaz gozatuta, bazkari goxoa egin genuen GazteGunean lagunartean! Bazkald ondoren jolasean ibili ginen bertan!

Izugarri ondo pasa ditugu inauteriak!

Gaztetxokoetan hiru aurpegi berri izango ditugu Martxoan zehar, Andoni Otxandiano, Aitor Agiriano eta Andoni  Altuna Huheziko  ikasleek, gazteak eta musikaren arteko harremana aztertuko dute gure zerbitzuetan. Honetarako Gaztetxokoetako Musikodromo proiektuarekin bat egin eta ekintza ezberdinak antolatuko dituzte gaztetxoein batera. Kontzertuak, musika irratsaioak, musikarekin lotutako mahai jolas erraldoia, Zuk baietz Saioa…

Ze entzuten dute guregana etortzen diren gaztetxoek, zein harreman dute musikarekin? nola entzuten dute? eta euskarazko musika? CDan, mugikorrean, ordenagailuan..? Zeintzuk dira erreferenteak? MTV, Euskadi Gaztea edo Itxungi irratia?

Ohian Vegarekin irrati saioa egin genuen aste bukaeran erdigunean. Gazteek elkarrizketatu zuten. Gazte tentsioaren beste saio bat!

hemen entzuteko aukera:

http://www.goear.com/listen/934b5c0/ohian-vegari-elkarrizketa-gazte-tentsioa

Aurreko asteburuan gonbidatu berezia izan genuen Erdiguneko GazteGunean, Oihan Vega! DJ ezagunarekin disko festa itzela izan genuen!

Bertan bilditako gazteek izugarri ongi pasa zuten dantzan, Oihanek emandako jarraibideei kasu eginez. Erritmo dantzagarriz busti zen Gaztegunea!

Dantzan hasi aurretik, gazteek, irrati tailerraz baliatuz, elkarrizketa egin zioten gonbidatu bereziari, eta bere lanaren eta beste hainbat konturen inguruan zituzten kezkak erantzun zituzten.

Beste alde batetik, inauteriak bertan ditugu, eta gazteek haien mozorroekin lanean jarraitu dute azken ukituak emanez.

Gainera, alanbregintza tailerra ere eraman genuen, eta batzuk animatu ziren zenbait gauza sortzera.

Datorren asteburuan, inauteriak izanik, Gaztegunean bazkaria egingo dugu. Animatu partehartzera!

Aurreko azteburuan izugarrizko plan ona izan genuen Erdiguneko GazteGunean, bertso-afaria izan genuen!

Atxabalta eta Arrasateko bertso eskolako kideak etorri ziren gurera, eta gonbidatu berezia izan genuen: Alaia Martin!

30 lagun baino gahiago bildu ginen bertso eta afariaz disfrutatzeko asmotan, eta ederki egin ere! Bertso eskolako kideek hainbat ariketa desberdin proposatu zizkioten Alaiari bertsotan egiteko. Oso bertso saio original eta dibertigarria. Gainera, gazteek ere bertsontan egin zuten!

Bertso afariaz gain, asteburu honetan, inauterietako azken kontuak egiten ibili dira gazteak. Dantzak eta pinponak ere arrakasta handia izan du!

Asteburu honetan Ondo pasa pasatu gabe bideo lehiaketaren sari banaketa izango dugu, ostiralean. Zapatuan berriz, Oihan Vega etorriko da bixitan, eta disko festaz gozatzeko aukera izango dugu! Animatu!