Gaztetxokoak

Egun zoragarria gaurkoa! Iragarpenek euria egingo zuela zioten arren, gaurkoan errespetatu egin gaitu, eta pentsatutako plana aurrera atera da.

Goizeko 11etan abiatu gara San Andres-ko autobus geltokitik Eskoriatza aldera bidegorritik.

Eskoitzara iritsi aurretik, geldiunea egin dugu tirolinadun parkean, eta bertan etxeko paint-ball-a burutu dugu. Ur pistola batzuez baliaturik, hiru talde egin ditugu.

Talde bakoitzak kolore desberdineko koloranteaz tindatu du bere ura, eta guda hasi da! Kamiseta zuriek kolorez ziriztindurik bukatu dute!

Izerdiak bota eta gero, parkean bertan bazkaldu dugu, eta gero, Eskoriatzara abiatu gara. Bide batez, bertako GazteLekua ezagutu dute gazteek.

Bertan jolas desberdinetan ibili eta gero, autobusa hartu eta buelta egin dugu berriz Arrasatera.

Egun paregabea!

Heldu da uda, eta udarekin batera UDAIXE!

Ekainaren 20an Udaixen izena eman zutenekin afari-bileratxo bat egin genuen. Bertan erabaki genuen eguneroko ekintzen programazioa. Nahiz eta taldea osatuta egon, oraindik ere bada aukera banakako ekintzetan izena emateko.

Horretarako Txatxilipurdiko edo Gazte Bulogoko Bulegotik pasa eta izena eman besterik ez da egin behar. Ekintza bakoitzak 3€-ko kostua izango du. Uztailaren 9an egingo den espeleologia irteerarako plazak jada beterik daude.

Gaurkoa izan da ikasturte honetako Udaixeko lehen ekintza.

Arratsaldeko 5etan elkartu gara biteriko enparantzan. Bertatik abiatu gara Erguineko Gazte Txokora, KulturAten pelikula bat aukeratu eta afarirako osagaiak erosi eta gero.

Erguineko gaztetxokoan jolasean ibili gara pixkatean, eta gero sukaldaritzari ekin diogu! Denon artean izugarrizko perretxiko tortila eta pizza goxoak sukaldatu eta irentsi ditugu!

Dena txukundutakoan, Gazte Txokoa ilundu dugu eta pelikula ikusi dugu lagun giroan.

Ederto pasa dugu lehen egunean! Biharko ere plan ederra daukagu, Eskoriatzara goaz egun pasa!

Animatu parte hartzera!

Uda giroa somatzen da dagoeneko Erdiguneko gazte gunean, gazteak oso aktibo eta alai dabiltza eta gauza mordoa egin dugu bi asteburu hauetan.

Duela bi aste, jai gogoa asetzeko, dantzari egin genion tartea oholtzan. Wii-a jarri genuen martxan, eta baita harek gu ere. Barre mordo egin eta izerdia bota genuen dantzan!

Beste gazte batzuek margotzeko gogoa adierazi zuten, eta haiek diseinatutako mural bat egin zuten GazteGuneko paretetako batean.

Futbolinean, hankapalotan, arbelean marrazten,… eta beste hainbat gauzatan ere ibili ginen!

Asteburu honetan ere gauza mordoa egin genituen!

Ostiralean, AED-ko Ttak! taldearen jaialdia izan genuen GazteGune kanpoko plazan, taldearen izen bera daramana. Bertan, gure gazteez gain, Ttak! taldeko partaideak eta baita AED-ko gazte taldeko hainbat kidebildu ginen.

Arratsaldea girotzeko asmoz, musika atera genuen kanpora, mural bat marraztu genuen pareta baten, eta bukatzeko, merienda egin genuen lagun artean!

Asteburuan zehar, mural horrekin jarraitu dugu, eta martxan izan dugun beste ekintza bat zirko tailerra izan da. Zirkoko material desberdiank eraman genituen Erdigunera, eta gure gazteek haiekin une politak igaro dituzte.

Beste alde batetik, irteera bat egin dugu Elosuko aterpetxera. Gazteenen ideia eta gogoari helduz, gaba bat pasatu genuen Bergarako auzo honetan.

Irteeran, eguraldia lagun izanik, ur-jolasez osatutako ginkana, master chef leihaketa, Sua! mahai jolasa,… egin ditugu. Izugarri ondo pasa dugu irteeran, eta aurrerantzean beste gauza batzuk antolatzen jarraituko dugu!

Aupa gaztiak! Animatu eta parte hartu!

Urtero bezala, udaberriko oporrak pasa eta gero, lehen hezkuntzako seigarren mailako ikasleei Erdiguneko GazteGuneko ateak ireki dizkiegu.

Gazte hauentzat dena berria da eta oso aktibo datoz, beraz, izugarrizko asteburu polita izan dugu honi esker! Gauza mordoa egin dugu!

Gaztegunean daukagun material ia guztia erabili dugu; futbolina, pinpona, ordenagailuak, hankapaloak, djenbeak, mahai jolasak, … Saltseatzen izugarri ondo pasa dugu!

Sukaldea ere erabili genuen, eta taldetxo batek proposatuta, oso azkar egiteko txokolatezko bizkotxoa sukaldatu genuen. Sukaldari apartak ditugu, bai bizkotxo ederra!

Beste taldetxo baten nahiei erantzunda, atzeko gelan pelikula emanaldia eskeini genuen; “Oxido y hiero” izan zuten gazteek ikusgai.

Oholtzari ere eman genion erabilera. Ostiralean gazte bat kitarrarekin agertu zen gurera, eta adore eta talentuz gainezka oholtzan izugarrizko ikuskizuna eskaini zigun! Artista itzela!

Domekan berriz ere erabili genuen, beste ikuskizun bat eskeintzeko: Erdaldun Berrien Kluba! Ederto pasa genuen bakarrizketako protagonista den Irantzuren gogoetak entzuten! Izugarrizko barreak egin genituen!

Datozen asteak ere halako aktiboak eta ekintzaz beteak izango dira, beraz, animatu eta parte hartu!

Joan zen asteburuan Musakolako auzotarrek San Isidro jaiak ospatu zituzten.

Izugarrizko arrakasta izan ohi duten jaiak dira hauek, eta nola ez, gaztetxokoak bertan egon ginen giro alaitzen!

Jendetza izugarria mugitzen dute auzo honetako festek, eta baita gazte mordoa ere. Gerturatu zen guztion gusturako ekintzak antolatu genituen.

Ostiralean Bat Irabazteko leihaketa antolatu genuen. Talde mordoxka batek hartu zuen parte minutu bateko froga hauek gainditzen, eta inguruan ikuslegoa ere gogotsu ibili zen animatzen!

Jolasak burutu eta gero, ohitura diren txokolate eta boiloak banatu genituen.

Gauean, Musakolako gaztetxoko pareko plazatxoan afaria egin genuen gazteentzat. 40 gazte baino gehiago bildu ginen bertan. Itzela!

Zapatuan ere lehia egin genuen; goizean futbolin eta pinpon txapelketekin, eta arratsaldean antolatutako ginkanarekin.

Goizean, Musakola auzoa gaitzat hartuta, gazteekin grafitti eder bat margotu genuen gaztetxoko kanpoko horman.

Oso une atseginak izan ditugu aurtengo Musakolako jaietan!

Aste hauek ere horrela jarraituko dute! Animatu eta parte hartu!

Sukalderik izan ez arren eta eguraldi onak bultzatuta frutekin egindako irabiatuak egin genituen San Andreseko gaztetxokoan.

Igande honetan Antzerkia izango dou Gaztegunean. Arratsaldeko 19:00etatik aurrera Erdaldun berrien kluba antzezlana.

UDAIXE  2014

Aurten ere Arrasateko Gaztetxokoek uztailean ateak itxi eta Udaixe egitasmoari utziko diete lekua.  Aurtengo Udaixe  bi zatitan banatu dugu;

Uztailak 1-11

Alde batetik lehen bi asteetan gauzatuko diren ekintzak ditugu. Aurreko urteetan ez bezala, ekintza hauek izen ematen duten gazteekin batera zehaztuko ditugu, honetarako izen eman duten gazteekin batera afari bilera bat egingo da ekainaren 20an.  Udaixeko lehen zati honetako izen emateak 20 euroko kostua izango du.

Uztailak 14-17

Udaixe 2014ko bigarren zatia Lizaragaraten gauzatuko da, bertan taldekako abentura jolas bat gauzatuko dugu 3 gau eta 4 egunetan. Abentura irteera honetan izen emateko ere 20 euro ordaindu beharko dira.

Izen ematea: Udaixeko bi aukeretan edo bietako batean izena emateko, eskuorria bete eta matrikulako diruarekin batera ekarri beharko duzu, Gaztetxoko, Gazte Bulego edo Txatxilipurdiko bulegora.

Asteburu honetan ederto pasa dugu lagun arteko giroan Erdiguneko GazteGunean!

Eguraldi ona egin du, beraz, kanpora atera dugu gaztetxokoa! Musika eta sofak kanpoan izan ditugu, plazatxoan baloiarekin nahiz beste jolas batzuetan jolasean ibili gara, … Izugarri atsegin dugu giro onarekin kalean jolastea!

Gazteen eskakizunei erantzunda, karaokea ere izan dugu asteburuan. Gure gazteen artean badaude abestea atsegin dutenak, eta hauekin oso ondo pasatu genuen!

Asteburu hau pasa zena bezalako ona edo hobea izango da! Animatu parte hartzera!