Gaztetxokoak

Gu hor egongo gara, zuek etorriko zarete???

Kaixo, kaixo!

Begira Goienan zer irakurri ahal izan genuen …

Gazte txokotan gazte musika taldeek badute lekua!

Eskerrik asko, Peru Atxa!

Asteburu hau ere jendetsua izan da eta ekintza desberdinak egiteko aukera izan dugu. Hiru egunetan zehar, betiko moduan, futbolinean, pinponean, mahai jolas zein wii dancean sutsu ibili gara.

Bestalde, zapatuan, ginkana antolatu genuen eta Arrasatetik zehar proba desberdinak egiten ibili ziren talde desberdinak.Gainera, hankapalotan ere ibiltzeko aukera izan dugu.

Asteburua ondo bukatzeko asmoz, igandean bidaien kronika izan genuen. Iker etorri zen Saharara egindako bidaiaren berri kontatzera. Oso interesgarria izan zen bere esperientzia entzutea eta Saharako errefuxatuen berri jakitea. Eskerrik asko Iker!!

Asteburu honetan ere ekintza desberdinak izango ditugu. Animatu eta parte hartu!!

Pasa den astean zuen, gazteen, presentzia eskertzen dugulako hiru sarrera bikoitz zozketatu genituen Ken7ren kontzerturako.

Zozketa baina, ez zen ehuneko ehunean zoriaren esku utzi! Gaztetxokoetan jolastea gustatzen zagunez, zozketan parte hartu ahal izateko, asmakizun bat asmatu beharra zegoen!

Hauxe zen … :

SEGIDA HONETAN ZEIN DA HURRENGO ZENBAKIA?

57963-57956-57949-57942- ???

Eta bai, 57935 zen! Aurreko zenbakia -7! jaja!

Ba hementxe jolasean parte hartu zuten eta zozketan sarituak izan ziren gazteak!!! Aupa zuek!!!

Udaberriko oporretatik bueltan, urtero lez, urte honetan DBH 1.mailara pasatuko diren gazteei Gaztetxokoetako ateak irekitzen dizkiegu.  Ba… beldur barik, lotsa barik, ondo pasatzeko gogo askorekin eta  jende berria ezagutzeko irrikaz hurbildu dira Arrasateko nerabe pila!!! Hori da jarrera, bai horixe!!!

Begira aste honetan musakolan zertan ibili diren: mahai jolasetan, kanpoko espazioan jolas ezberdinak egiten, asanblada txiki bat ere egin dute eta pareta bat margotzen hasiak dira jada! Ze ona!

Gora Gaztetxokoak!

Aste Santutako oporrak bukatu dira eta jadanik Lehen Hezkuntzako 6.mailan dauden gazteak gazte txokoetara etortzen hasi dira.

Asteburu hau ekintza eta jendez beterik izan dugu Erdiguneko Gazte Txokoa. Gaztetxo berriak etorri direnez, gazte lekua erakutsi diegu eta elkar ezagutzen hasi gara.

Wii dancean ederki ibili gara asteburu guztian zehar, arratsaldero dantza batean ibili gara lotsa alde batera utziz!

Gainera futbolinean eta pinponean etengabe jolastu dugu. Mahai jolasek ere arrakasta izan dute asteburu honetan eta mota desberdineko jolasak ezagutzen ibili gara.

Asteburua ondo bukatzeko, igandean, gazte txokoko gazte batzuekin batera LH6ko gazteentzat argazki ginkana bat antolatu genuen. Primeran ibili ziren Arrasatetik zehar proba desberdinak egiten.

Asteburu honetan ere ekintza desberdinak izango ditugu!! Ondo pasatzea nahi baduzue animatu eta parte hartu gurekin batera!!

Asteburu honetan ere gelditu barik ibili gara! Oso aktibo gabiltza erdigunean eta planak alde guztietatik sortzen zaizkigu!

Beti bezala mahai jolas, futbolin, pinpon, dantza eta hankapaloak arrakasta izugarria izan dute. Asteburuan gelditu barik ibili gara hauekin.

Tailer bat ere izan genuen, xaboigintza hain zuzen ere. Bakoitzak kolore, forma eta usaina aukeratu eta xaboiak sortzeko aukera izan genuen, gero etxera eraman ahal izateko. Asteburu guztian ibili gara gustura saltsan!

Gainera, domekan eski irteera izan genuen. Tlde polita bildu ginen goizean goiz Garibaiko autobus geltokian egina edurretan pasatzeko asmoz. Suerte handia izan genuen eta eguraldi paregabeak eguna borobildu zuen. Ederto pasa genuen lagun artean eskiatzen!

Asteburu honetan alanbregintza tailerra izango dugu, sormena erabiliz alanbreaz eginiko bitxiak sortzeko. Beraz, ANIMATU ETA PARTE HARTU!

Udaberriko oporretan, gu Gaztetxokotan! Eta zu???

Erdiguneko Gazte Gunean oso argi daukagu generoen parekidetasunean sinesten dugula, eta Martxoaren 8a gertu izanik, Emakume Langileen Nazioarteko Eguna, asteburuan gaia landu dugu.

Larunbatean tribial feministara jolasten ibili ginen. Emakumeak gizarteari alor guztietan egindako ekarpenez jabetu ginen, eta gure ezjakintasunari arrazoia jarri genion: ez ditugu historiako emakume garrantzitsuak ezagutzen orain arte haiek egindako ekarpenek ez dutelako errekonozimendurik izan.

Domekan berriz, Esaldi bat emakumeen alde, Txapa bat emakumeen alde ekintza egin genuen; Emakumeen eskubideen aldeko hainbat txapa zeuden, eta hauek lortzeko emakumeen aldeko esaldi bat eskatzen genuen. Oso sortzaileak dira gazteak, eta izugarrizko mezu polit pila batu genituen. Aupa zuek!

Azken aldian mahai jolasek izugarrizko arrakasta izaten dute. Asteburu honetan ere etengabe ibili gara aurreko gelan nahiz atzekoan jolasean; sua, banboleo, speedcups, matrakan,…

Dantzan eta kantuan ibiltzea ere ohiko ekintza bihurtu da, eta asteburu hau ezta atzean geratu. Koreografiak kopiatzeaz gain, asteburu honetan zunba eta bachata ikastaroak izan ditugu gure gozamenerako!

Pinpon, futbolin eta hankapaloek ere ezin dute hutsik egin, afizio handia dago.

Asteburu honetan xaboigintza tailerra izango dugu. Norberak egindako xaboia etxera eramateko aukera izango da, beraz, ANIMATU ETA PARTE HARTU!

Aurreko asteburuan jende pila bildu ginen Erdiguneko Gazte Gunean, eta ekintza gogoz gainera! Gauza pila egin ditugu!

Pinpon palak egiteko tailerrarekin jarraitu dugu, gazteak haiek egindaka pala sortzeko gogoz ibili dira eta. Trebeak dira benetan eta oso sorkuntza originalak lortu zituzten.

Mahai jolasak ere asko gustatzen zaizkigu eta etengabe ibili ginen lagun artean haiekin jolasean. Izugarrizko barreak egiten ditugu!

Dantzan eta kantuan ere ibili ginen oholtza inguruan, dagoen giro alaiaren erakusgarri. Futolin eta pinponak arrakasta beti bezala. Eta ekintza gogoz gabiltzanez, gazte talde bat irteera bat antolatzen hasi zen.

Guzti honetaz gain, zapatu eta domekan film bana izan genituen ikusgai; “El niño del pijama de rayas” eta “Naufrago”.

Asteburu honetan ere ekintza gogoz gatoz, beraz, ANIMATU ETA PARTE HARTU!