Gaztetxokoak

Kaixoo, Kaixooo!!!!!!!!!!!!!!

Aste bukaera honetan, erdi guneko gazte txokoan, denetariko jarduerak egin ditugu. Alde batetik, Krepak sukaldatzeko aukera izan dugu eta horrez gain, inauterietarako karroza ere prestatu dugu.

Baina, bikote baten bisita ere izan genuen gure artean larunbatean. Izan ere, bizikletan bidaiatzea erabaki duten bikote bat izan genuen bidaien kronikei buruz hitz egiten. Bikote honek, beraien esperientziak kontatzeaz gain, bidaiatzeko beste modu bat erakutsi ziguten. Beraz, esan beharrik ez dago, anima zaitezte zuek ere modu desberdin batzuetan bidaiatzen, hartu zuen bizikletak eta proba itzazue bidaiatzeko modu berriak!!!!

Astebukaeran ikusiko garaaaa!!!!!

Bi hezitzaileak beste auzo batekoak garenez, auzoan zehar ibilbide gidatu bat egiteko proposamena luzatu genien gazteei. Ideia gustatu eta gidari rolean sartuz “Tour” Turistiko bikainaz gozatzeko aukera izan genuen, auzoko denda zein bitxikeri mordoa azaldu zizkiguten, ederki aritu ginen.

Nom Servium taldearen muralari amaiera eman diogu hile honetan zehar. Arte lanari argazki batzuk atera eta hauek taldeko partaideei  bidaltzeko asmoa dugu orain.

Euskaltegiko ikasleen bigarren bisita izan dugu otsailean. Herriko jai eta ohitura ezberdinak azaltzen dituen hainbat bideo erakutsi genizkien eta nola ez, gure gazteak aurkezle lanetan aritu ziren beste behin.

Guraso batek etxeko sofa gazte txokora ekartzeko proposamena luzatu zigun eta guk baiezkoa eman genion. Hortaz, bere etxera joan, sofaren atalak hartu, gazte txokora ekarri eta guztion arten muntatu genuen auzo lan atseginean. Kasualitatez, guraso hau erabiltzaile ohia izandakoa zen eta bere garaiko zenbat bitxikeri kontatu zizkigun denon harridurarako.

Eguraldiak onera egin duela aprobetxatuz, kanpo espazio gure egiteko erabakia hartu dugu. Baloi eta jolas ezberdinen bidez auzoko kale eta plazetan zehar aritu gara gure alaitasun eta bizi poza kutsatzeko asmoz.

Amaitzeko, hezitzaile baten urte betetze eguna ospatu dugu. Txalaparta eta Djembe ikastaroa zein merendola goxo-goxoaz gozatu genuen.

Inauteriak!!!

Zapatuan saltsa ederra izango dugu herrian eta baita Gaztetxokoetan ere! Urtero lez, desfilera irtengo gara gure mozorro eta karrozarekin! baina, jaia ez da hor amaitzen… Gazte bazkaria egingo dugu Gaztegunean!

Animatu eta etorri Gaztetxokoetara tiket bila… azkar ibili, barik gelditu aurretik!

Ekintza desberdinak egiten aritu gara aste bukaeran zehar erdiguneko gazte txokoan. Izan ere pareta batzuek garbiketa bat behar zuten eta horiek muralekin bete ahal izateko, lehenik eta behin paretak zuriz margotzen aritu gara. 

Bestalde, gure neskak, gimnasia taldeko txapa eta giltzetakoak egiten aritu dira, Espainikao txapelketara joateko diru laguntzak lortu ahal izateko. Beraz, kaletik hauek saltzen ikusten badituzue, ahal izanez gero eman iezaiozue zuen laguntzatxo txikia.

Gainera, inauteriak ere gerturatzen ari dira eta egun horretarako planik ez badaukazue gaztetxokoan bazkari bat egitea erabaki dugu, beraz, anima zaitezte. 

Eman diezaiogun bizia gure herriari eta gazte txokoari!!!!

Ekintza desberdinak egin ditugu egun guzti hauetan zehar. Sukaldaritza saioak atsegin ditugu, horregatik ostegunero errezeta desberdinak egiten ditugu!! Gainera proiektu bezala ohikoak ez diren errezetekin esperimentatzen hasi gara, eta hauek arbel batean diseinatzen ditugu!!

Bestalde, gure gazte txokoa atontzeko eta eguneratzeko asmoz mural berri bat egiten hasi gara. Egin nahi genuen marrazkia photoshop-arekin editatu eta pareta apaindu dugu.

Gainera pinponean ere asko ibiltzen gara eta baita mahai jolas desberdinetan ere.

Giro polita daukagu Erguinen, beraz, animatu eta etorri gurekin arratsaldeak pasatzera!!  

Lagunak maitatu behar direnez, mimo dosi ederra jaso genuen Gazte Txokero eta TTakeko kide guztiok! Pozez eta alaitasunez hemendik eta ikasturte amaiera arte pare bat egun berezi ospatuko ditugu alkarrekin!

Aupa Arrasateko euskal gazterixia!!!

Kaixo kaixo lagunok!!!!

Jada, inauteriak gerturatzen ari dira eta herriko gazte batzuk hasi dira beraien karroza prestatzen. Zuek ere karrozaren bat egiteko ideia baldin badaukazue gerturatu zaitezte gazte txokora eta bertan egiteko aukera izango duzue. 

Honela, inauteri egunean gure herriko kaleei kolore eta giro berezia emateko aukera izango baitugu.

Beraz, animatu eta gertura zaitezte erdiguneko gazte txokora eta Gora Inauteriak!!!!

Azken aldian Musakolako Gazte Txokoa bizi-bizirik dago!
Gazte pila bat dabiltza bertan eta ekintzarako gogotsu!
Azken boladan denetik egiteko parada izan dugu.

Hotzari aurre egiteko guk geuk ekoitzi ditugu bufandak, eskuekin gainera!; sukaldaritza saioak, nola ez, egon dira; karnabaletarako jantziak ere kustomizatzeko tartea izan dugu; hainbeste gustuko ditugun mahai jolasetan jolasten ere pasa ditugu arratsaldeak; mahai jolas erraldoi bat ere sortu dugu…

Energia sortzailea Musakolan!!! Aupa!!!

Guardar

Guardar

Ueeepale!
Urtero lez, ESKI ETA SNOW IRTEERA antolatu dugu Valdezcarayra!

Martxoaren 4an izango da eta izen ematea, hurrengo asteartean, OTSAILAREN 7an irekiko dugu!

Hurbildu Gazte Txokoetara eta informatu zaitez!

Guardar

Kaixo Kaixo lagunok!!!!!

Astebukaerarako planik gabe?? Pasa zaitezte Arrasateko erdiguneko gaztelekutik eta utzi asperraldia alde batera. Astebukaera honetan, futbolin eta mahai jolas txapelketa desberdinak ospatu genituen. Horrez gain, krepak egiteko aukera ere izan genuen. 

Gainera, laster inauteriak izanik, gazte kuadrila batzuekin mozorroak eta desfilerako karrosak nola egin prestatzen hasi gara.

Beraz, anima zaitezte gaztelekura gerturatzera eta arratsalde on bat pasatzera!!!