Primeran ibili gara aste bukaeran Otxagabia aldean. Eñaut, Altube eta Oto fin ibili dira bizikletan. Larrau gainean ateratako argazkiak dituzue ikusgai, eta aurpegira begiratu besterik ez dago sufritzea ere tokatu zitzaiela ikusteko. Trankil, gustuko dute bizikleta gainean sufritzea. Gainera, azkar pasatzen zaie. Ikusi bestela hirurek gaina egin ostean ateratako argazkia. Satisfazio aurpegia esaten zaio horri!
Laguntzaileak ere gustura ibili ginen. IratiExtrem txiki egin zuten Anderrek eta Urtzik. Ondoren eta goiza Otxagabian umeendako ipinitako puzgarrietan ibili ostean Larrau gainera igo ginen akonpañante guztiak eguerdi alderako. Tripa bapo betetzea izan zen lehenengo egitekoa. Gero, errepide bazterrean ipini ginen Elgetako zebrak noiz iritsiko zain. Lehenengo Eñaut agertu zen, eta apur bat beranduago Oto eta Altube ia parean.
Argazki gehiago flickr-n.
Animo, hurrengoa Quebranta!
