Abendua hilabete luzea izan da Gaztelekuan, ohikoa baino egun gehiagotan izan baitugu zabalik. Hori horrela izanik, era ezberdineko ekintzak egiteko aukera izan dugu.
Hala ere sarritan kuttunenak elkarrizketa sakonak izaten dittugu
Kaleidos mahai jokoarekin hasi genuen hila, gazteen adimen eta hizkuntz trebetasunak xaxatuz arratsalde oso batez aritu ginen jolas honetara.
Honako irudi hau da horren adibide. Ea “G” hizkiarekin hasten diren zenbat hitz aurkitzen dittuzuen irudian!
Bigarren asteburuan Durangoko azokara joatekoak ginen, baina autobusen konbinazioa horren xelebre izaki, bertan behera gelditu zen azokako plana eta gaztelekuan pasa genuen arratsaldea.
Igandean ordea Wii txapelketari eman genion tartea, eta Don Kin Kong, Sony Joku Olinpiarretan edo Wii Dance bezalako jokuekin aritu ginen nor baino nor.
Gabonetako opari jarioa gero eta gertuago zetorkigula eta… oparigintza taillerrak izan genituen gaztelekuan. Zer hobeto etxekoei norberak eginiko eskulan bat oparitzea baino!
Hori dela eta, Xaboigintza eta Bonboigintza taillerak egin genituen.
