Urria hasieran, gaztelekuari itxura aldaketa berri bat ematen hasi ginen. Boulderraren gela esaterako, urdinez margotu dugu. Bertan itsasoko gaia landu nahi dugu, hots, olatuak, urpekontzia eta itsasoarekin loturik dauden irudiak margotu nahi ditugu, gelak itxura lasai eta inspiragarri bat eduki dezan.
Gaztelekua berritzeko asmoz, stencil-a landu dugu. Xabik hezitzaileeoi eta gazteeei marrazkia karteletan proiektatzen, bisturiarekin mozten eta behin plantila eginik, paretan spray-arekin margotzen erakutsi zigun.
Bestalde, karaokea eta afari-merienda eduki dugu. Gazteak arratsaldea euskal-kantak abesten igaro ondoren, tortila patata, azeitunak, palomitak…jan zituzten.
