Gure gorputza, gure erabakia: abortatzeko eskubidea orain!

Espainako Gobernuak, Gallardon Justizia ministroaren bitartez eta Eliza katolikoak familia eredu tradizionala, patriarkala eta heteronormatiboa indartu nahi du eta bide horretan haurdunaldiaren borondatezko etetea legez kanpo utzi nahi dute.

Horretarako, moralitatean oinarritutako eztabaida etikoetan korapilatzen gaituzte, eta errealitateari buruzko datuak manipulatzen.

Haurdunaldia etetea erabakitzen duten hamar emakumetik bederatzik, haurdun geratu nahi ez dutelako erabakitzen dute. Haurdun daudela jakin eta ia berehala hartutako erabakia da: abortuen %97,7a lehenengo 14 asteetan praktikatzen dira eta hauen %54a lehenengo 7 asteetan. Adinari dagokionez, %60a 18-30 urte bitartekoak dira eta %37a 18-25 urte bitartekoak.

Abortatzea, beraz, ez da inkontzienteki eta kapritxoz hartutako erabakia, baizik eta modu kontzientean hartutakoa.

Badakigulako gure gorputzekin eta bizitzekin zer egin nahi dugun, askeak garelako. Gure gorputzez, gure sexualitateaz, gure bizitzez nahi dugun bezala gozatzeko eskubidea dugulako.

ABORTUA GAUR EGUN: Epekako legea:

SEXU OSASUN ETA UGALKETA eta HBE* LEGEA (2010ean jarri zen indarrean)

PP-k EZARRIKO DUEN LEGE BERRIA:

2013/12/20 lege proiektua onartu du.

Lehenengo 14 asteren barruan emakumeak libreki abortatu dezake; bere erabakiz. Hortik aurrera penalizatua dago. Haurdunaldia eteteko epeak kendu eta 2 egoeratan baino ezin izango da abortua praktikatu:

1.             Emakumearen osasuna arriskuan egonez gero. (Nork erabakiko du arriskua dagoen ala ez?

2.             Bortxatua izanez gero. (Nork erabakiko du bortxatuak izan garen ala ez?)

(Fetuaren malformazioa ez da haurdunaldia eteteko baldintza izango).

14 eta 22 aste bitartean 3 baldintzen arabera eten dezake haurdunaldia:

1.             Emakumearen osasunarentzat kaltegarria izatea.

2.             Fetua bideragarria ez denean eta malformazio kasuetan.

3.             Bortxaketa kasuetan.

Adin txikikoek ez dute behar gurasoen baimenik. Adin txikikoek gurasoen baimena izan beharko dute.
Sexu hezkuntza eta haurdunaldien prebentzioa aurreikusten da legean. Fetuaren eskubideak emakumearen eskubideen gainetik jartzen ditu.
HBE zentro pribatuetan praktikatzen dira, zentro publikoak deribatua ere.  

* HBE: Haurdunaldiaren borondatezko etetea.

 

ABORTUAREN PENALIZAZIOAK ZERA DAKAR:

•   ABORTATZEA = DELITUA.

•   Beste herrialde batera joanez abortatu ahal izango dutenak baliabide ekonomiko handiak dituztenak izango dira.

•   Ez gaitu gure gorputzaren, bizitzaren, sexualitatearen eta amatasunaren gaineko pertsona autonomotzat hartzen. Erabaki hauek politiko eta epaileen esku gelditzen dira.

•   Legeari intsumisioa egiten badiogu: bortizkeria kode penalaren forman etorriko zaigu, edota abortu klandestino gisa, gure osasuna eta bizitza arrisku larrian jarriko digularik.

•   Emakumeok ama izatera behartzen gaituzte, hori baita beren ustetan emakumeok gizarte honetan bete behar dugun papera. Indarkeria sexista izanik, hartara behartzen gaituzte.

Informazio gehiago hemen: abortatzekoeskubidea.blogspot.com

Facebook: abortatzekoeskubidea

APIRILAK 5 DENOK IRUñARA!!!!

Apirilaren 5ean Iruñan, arratsaldeko 17:30etan, Euskal Herriko Mugimendu Feministak deituta, gure gorputzetan erabakiak guk hartzearen aldeko eta Gallardoiren abortu lege erreformaren aurkako manifestazio nazionala egongo da. Oñatitik autobusa jarriko dugu bertara joateko. Kolore guztietako feminismoak eta milaka herritar batuko gara aho batez lege honi ezezko borobila emateko… eta ozen aldarrikatuko dugu: GURE GORPUTZA , GURE ERABAKIA!

OÑATIKO SARE FEMINISTA

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude