IKASTURTEKO AZKEN ATE IREKIAK

Kaixo lagunok! Zer moduz zabiltzate?

Ikasturte amaiera iristear dago eta ostegun honetako ate irekiak azkenak izango direnez, ekintzez beteko ditugu gure hiru ludotekak! Animatu eta parte hartu, zure zain izango gara!

 

  • Usaetxeko ludoteka: Etxeko plastilina
  • Okendoko ludoteka: Mendi ibilaldia (San Kristobalera igoera eta Monterronen jolasak)
  • Santamainako ludoteka: Kontzertua eta eguraldiak lagunduz gero… ur jolasak!

 

GOZA ETA MAITA DEZAGUN GURE JATORRIA!!!

Iritsi zen udaberria eta honekin batera kanpora irtetzeko gogoa. Urte osoan zehar irtetzen arren, urtaro honetan eguraldiak gehiago laguntzen du eta jertsea ludotekan utzita kanpora irtetzen gara ahoan eta bihotzean euskara daroagula.

Gehien irtetzen garen espazioa Monterron da. Bertan, naturaz gozatzeko aukera paregabea dugu eta hori da gaur egun gure bizitzetan behar dugun osagairik  oinarrizkoena ezin baitugu ahaztu nondik gatozen. Gainera bertan, gure beldur eta limiteei aurre egiten diegu horretarako naturak eta espazio irekiek ematen dizkigun aukerak aprobetxatuz.

Honetaz aparte espazioak eskaintzen dizkigun baliabide ezberdinak aprobetxatuz, txabolak egiten, zirkuitu ezberdinetan lasterka, joko sinbolikoan, harrapaketan, bertan dagoen jendearekin harremanetan etab luze batean jarduten dugu arratsalde osoan zehar.

GOZA ETA MAITA DEZAGUN GURE JATORRIA!!!

Ziorla poztasunaren erregina!

Gogotsu gaude astebukaera heltzeko, dakizuenez Ziorlako jaiak datoz eta Santamainako ludotekatik ere festa horretako parte izan nahi dugu.
Horretarako, aste honetan asanbladaren bitartez jai horretan zein tailer edo ekintza egin nahi ditugun adosten aritu gara.

 

 

 

 

 

 

 

 

Bozkaketaz- bozkaketaz hurrengo ekintza hauek izango dira ostiralean arratsaldeko 17 etatik 19.00 ak arte.
– Aurpegi margoketa.
– Elementu naturalekin sorkuntza.
– Balance bike-ak.

Eguraldi euritsua eginez gero, ekintzak moldatu egingo dira.


Arratsaldea ondo amaitzeko

gaztetxokeroek txokolate goxo- goxo batera gonbidatuko gaituzte!

Beraz, irakurle maiteok gerturatu eta denon artean giro paregabea lortuko dugu!

Eguzkiaz gozatzen!

Eguraldi ona hasi dela aprobetxatuz, Arrasateko gune berdeez gozatzeko aukera paregabea izan dugu.

Arratsaldero bezala, ludotekan elkartu eta denak batera Santa Barbararantz abiatu ginen. Bertaratzeko beste bide bat erabili genuen, Santa Barbarak eskaintzen dizkigun txoko desberdinak ezagutu eta esploratzeko asmoz.

Bertako Dragoia agurtu ondoren, eta Arrasateko kondaira haur ahotik entzun eta gero, jolas desberdinak egin genituen.

 

 

 

 

 

Arratsaldea bukatzeko, bertan dagoen futbol zelaira jaitsi ginen, haurrek ala eskatuta. Bertan aldapak eskalatzen, futbolean, soka saltoan… aritu ginen jolasean. Ordua iritsi zenean ludotekara itzuli ginen pozik eta irrifartsu!

 

 

OPORRALDITXOAN BIZITAKOA EDERRA ETA EZBERDINA IZAN DA GURE LUDOTEKETAN:

Ekintza bereziak izan ditugu, oporraldi labur hauetan, eta hiru ludotekak batera bizipen politak izan ditugu elkarrekin.

Lehenengo egunean, asteazkenean, irteera zoragarria egin genuen Arrasateko Udala auzora. Goizean, hamaiketako gainean genuela, udalaruntz abiatu ginen, ttipi-ttapa Erguin auzotik aldapan gora! Bideetan naturaz gozatzeko aukera izan genuen baita auzoan aurkitu genituen animaliez ere.

 

 

 

 

 

 

 

 

 

 

 

Ostegunean, sukaldari txapela jantzi eta azoka plazan pizza goxooo goxoak egin genituen elkartu ginen talde jendetsuak.

 

 

 

 

 

 

 

 

Azken egunean berriz, autobusera igo eta Debagoienan barrena Eskoriatzako tirolinadun parkera joan ginen bertan arratsaldea pasatuz.

Apirileko ate irekiak!

Kaixo, kaixo!

Udaberriko opor hauen ostean, hemen gara berriro, ludoteketan martxa hartzeko prest!

Hilabete bukaeran gaude eta maiatzari ongi etorria egin aurretik…. ATE IREKIAK ospatuko ditugu ludotekan! Animatu eta bisitatu ditzagun Arrasateko ludotekak!

EKINTZA BEREZIAK:

Usaetxeko ludoteka: Sukaldaritza tailerra

Okendoko ludoteka: Urtebetetze festa

Santamainako ludoteka: Irrati tailerra

Pakistaneko postre goxoaz gosazatzen!

Kaixo kaixo!!!!!

Aurreko astean, ostegunean hain zuzen ere ate irekiak izan genituen. Arratsalde polita izateaz gain, tripa postre goxo batekin bete genuen. Ludotekako haur baten ama ludotekara gerturatu zen eta Pakistaneko postre goxo- goxo bat egin genuen guztion artean.

Postre goxo hori egiteaz gain, Pakistan herrialdeari buruz hitz egin genuen, bertako ohiturak eta kultura ezagutuz. Egia esan haurrek interes handia erakusteaz gain, haiek ere Euskal Herriko ohitura eta kanta ezberdinak erakutsi zieten.

Bukaeran, borobilean jarri eta postreaz gozatzeko tartetxo bat izan genuen.

 



Eskerrik asko Sana eta hurrengo arte!

Usaetxen ere KORRIKAren alde!

Hilabete honetako ate irekiak KORRIKA hasierarekin batera tokatu zenez, egitarau polita proposatzeko aprobetxatu genuen.

Ludoteka ohi baino lehenago zabaldu genuen. Arratsaldeko 16:45etarako ateak ireki, eta bertako haur eta gurasoekin batera, KORRIKAren hasiera zuzenean ikusi genuen proiektorearen laguntzaz.

Behin KORRIKA hasita, ludoteka kanpoaldea apaintzeko letra erraldoiak margotzen aritu ginen, poliki-poliki BATZUK leloa osatuz. Azkenik, ZIRKORRIKAren giroan murgiltzeko, eta gure zirko propioa sortzeko, ziburua, slack-line-a eta baloi erraldoia atera genituen. Horrela, gustora aritu ginen malabaristarena, funanbulistarena, akrobatarena… egiten, finean gu ere Korrikaren eta Euskararen ilusioz bustitzen!

Ika ika ika, laster dator KORRIKA!!

OSTEGUNEAN, ATE IREKIAK LUDOTEKETAN!

Kaixo lagunok!!

Hilero bezala, ostegun honetan ludoteketako ate irekiak ospatuko ditugu. Zerbitzu bakoitzean ekintza ezberdinak burutuko dituzte. Hona hemen eskaintzak!

  • Usaetxeko ludotekan: KORRIKA 20 jaialdia zuzenean.

 

  • Santamainako ludotekan: Pakistaneko jakiak. Beste herrialde bateko janari goxoak prestatu eta jateko aukera izango dute.

 

  • Okendoko ludotekan: Ibilalditxoa. Ludotekatik hasi, Monterronera eta handik San Kristobal inguruak bisitatuko dituzte. Euria eginez gero, sukaldaritzako saioa egingo dute ludotekan bertan.

 

 

 

3-12 urte bitarteko bazkide ez diren haurrek ludotekaz gozatzeko aukera izango dute egun horretan. Animatu!

 

Arrazakeriaren kontra 365 egun

Martxoaren 21ean Arrazakeriaren aurkako nazioarteko eguna ospatu zen munduko leku ezberdinetan. Arrasaten ere zenbait ekintzaz gozatzeko aukera izan genuen eta ludotekako kideak herriko plazara bertaratu ginen.

Bertan, Dorleta Kortazar eta Lander Juaristiren eskutik aniztasunarekin loturiko ipuinak entzun genituen eta ondoren aurre iritzi eta zurrumurruez beteriko harresia apurtu genuen. Harresiaren beste aldean 12 hizkuntzatan; “5 kontinente, milaka kultura, zero muga” zegoen idatzita.

ARRAZAKERIAREN AURKA URTEKO EGUN GUZTIETAN! LANKIDETZA ETA ELKAR EZAGUTZAREN ALDE!