Negua geurera heltzeaz bat, euria eta hotza dira nagusi. Eta Santamasak ere gainean ditugu bere talo eta txistorra usain gozoekin. Guk ere, mintzapraktikako partaideok, Zahar-Berri programari bultzada emateko asmoz, txistorra pintxoak salgai jarriko ditugu. Honekin batera, sagardoa eta ardoa ere eskainiko ditugu. Jaian bertan elkar ikusiko dugulakoan, ondo pasa!
Udal euskaltegiko Urrategi, Saioa eta Miren. Eta berbalaguna Ana bere senarrarekin.
Zahar-Berriko programako kideok, azaroaren 31n, astebukerako irteera egin genuen. Goizean goiz Aramaioko udaletxera hurbildu ginen. Bertako bi gidariren laguntzaz “Aramaioko ikerketa zentroa eta ekonomatoa” ezagutu genituen. Hona hemen, Juan Carlos Lasagak, bertan ateratako hainbat argazki polit.
Zahar-Berriko ekintza bateratuak (Bergara, Aretxabaleta eta Eskoriatza)
Aramaiko ekonomatoaren aurrean.
Bigarren ekintza, azaroaren 29an, Ikerketa eta berrikuntza zentrua eta ekonomatoa bisitatzeko aukera daukazue. Bisitak ordu 1 eta 30 min. iraungo du. Eta lehengo sektorea XXI. mendean suspertzeko martxan jarri berri duten proiektuaren inguruan arituko zaizkigu. Hain zuzen, elikaduraren zubirautzaz hitz egingo digute. Animatzen bazarete, izena emateko deitu AEDra 943 77 12 28 edo zaharberri@aedelkartera idatz diezagukezue. Prezioa: 4€/pertsonako.
2014ko ikasturteko afari merixendan, berba-lagunak solasean
Ongi etorri Zahar-Berrira! Mintzapraktikako ikasturte barri honetan ere, euskararen mundua hobeto ezagutu dezazun, hainbat ekintza interesgarri prestatu ditugu. Alde batetik, asteburuko ekintzak izango dituzu eta beste alde batetik euskaltegiko ekintzak.
Bestalde, oraindik ere mintzapraktikan izena eman ez baduzu, oraintxe dago aukera bikaina. Gainera, astero mintzapraktika egitea gutxi dela baderatzozu, ondorengoa proposatzen dizugu: Egunero 30 minutuz, hiru-lau hilabetetan zehar, zure euskara maila hobetzeko programa barri bat martxan daukagu. Aprobetxatu, animatu, bara eta lotu euskarari!
Debagoienean, mintzapraktika programako ikasturte barria hasi dugu. Urritik aurrera, programa zabal, aberasgarri eta interesgarri bat eskainiko dizuegu. Zerbitzu honen helburu nagusia, bizitzako arlo guztietan euskararen erabilera sustatzea da. Gainera lagun giroan, euskara praktikatzeko aukera izango duzue.
Bestalde, hiztun jatorren premia daukagu. Hau da, zehazki, euskaltegiko ikasleei, euskara herdoildu zaien ikastolako ikasle ohiei, gurasoei bidean laguntzeko, boluntarioak behar ditugu. Hiztun berri hauek, euskara praktikatzeko, hobetzeko beharra dute, eta inguru euskaldunak ezagutzeko nahia ere bai. Anima zaitez, euskararen normalizazioaren alde egin nahi baduzu! lagun giroan oso ondo pasako dugu eta!
Ekintza osagarriak: gainontzeko herrietako mintzalagunekin, irteerak, afariak, kirol ekintzak, Mintza eguna, Dragoi jana…
Horrela, mintzapraktika programan izen ematea zabalik duzue. Hiztun berrientzako, urteko kuota 10€takoa da.
Informazioa / Kontaktua: AED elkartea / Pablo Uranga behea, 4 / 943 77 12 28 / 695 786 852 / zaharberri@aedelkartea.com
2014ko ekainaren 4an, AEDn, udako postre hotzen lehiaketa ospatu dugu. Emozioa ez zen falta izan, eta benetan txalotzekoa izan da talde bakoitzak eginiko lana. Hona, hemen goizeko eta arratsaldeko irabazleen errezeta goxoak !!
“limoizko musa”
– Osagaiak:
– Nola egin:
EgileaK: Manoli, Iosune, Esti, Ivana, Amaia, Piter eta Iñaki.
“Kopa berezia”
– Osagaiak:
– Nola egin:
Egileak: Mariaje, Arrooba eta Javi
Maiatza bukaeran, Urkabustaitzen (Araba), Mintza Eguna jai handia ospatu genuen, mintzapraktikan ari garen lagunak elkartzeko ospakizun garrantzitsua. Bada, Euskal herri osoko 260 berba lagun elkartu ginen, Arrasatetik hamazortzi lagun. Eguraldi freskoa egin zuen arren egun ederra pasa genuen.
Lehenik, bertako gazteek joale eta txalapartarekin ongi etorria egin ziguten, eta hamaiketako goxo batekin lagunduta, egun eder honi hasiera eman genion. Batzuek Beluntzako ur jauzietara mendi ibilaldi zoragarria egin zuten, beste batzuk jolas Mintzodromoan primeran ibili ginen bitartean. Ondorengo kale-jira musikatu, herri bazkari eta erromeriak borobildu zuten egitaraua. Eskerrik asko, beraz, Izarrako herriari, bereziki bertako gazteriari, eta bertaratu zinetenoi!
Hemen daude loturak:
Jaso ditugun argazki guztiak: https://www.flickr.com/photos/topagunea/sets/72157644115866450/
Mintzalagunen beste zenbait argazki (Etxalarko irteera tartean), albumetan:
http://www.mintzalaguna.org/argazkiak/
Bideo artxiboa (azken hirurak Mintza Egunekoak dira): http://www.mintzalaguna.org/bideoak/
Antzerkia (lehen zatia): https://www.youtube.com/watch?v=WNrit7eAvBE&feature=youtu.be
Antzerkia (bigarren zatia): https://www.youtube.com/watch?v=NKuFx-kkL5o&feature=youtu.be
2014ko maiatzaren 11n, Senperara joateko animatu nahi zaitugu. Egitarau luzea prestatzen ari dira, urtero legez, Iparraldeko ikastolei laguntzeko. Tiketak AED-ren egoitzan eskuragai dituzu (Pablo Uranga 4, behea). Bazkide ez direnentzat 12 eurotan, eta elkarteko bazkideentzat 10 eurotan.
Izen-emateko epea: maiatzaren 7a
Egunak luzatu eta epeldu ahala, denoi gustatzen zaigu kanpora irtetea. Gainera, hilabete honetan ekintza kulturalen eskaintza oso zabala izango dugu, besteak beste, Izarran (Urkabustaitz) ospatzekoa den Mintza Eguna. Jakingo duzuenez, jai hau euskaltegietako ikasle eta mintzapraktika kide, lagun eta irakasle guztiei zuzendua dago. Gorbeialdeko mintzalagunek pozik hartu dute Mintza Eguna antolatzeko proposamena, eta egun osoko egitaraua prestatzen ari dira. Bertaratu nahi duen ororentzat Debagoienatik autobus bat antolatuko dugu joan-etorria egiteko.
Zita maiatzaren 31n izango da… eta momentuz hori baino ez dizuegu aurreratuko! Bazkarirako txartelak maiatzaren hasieran jarriko ditugu salgai 17€an, AED elkartean.
Egun honetan Biteri plazara lagun asko gerturatu zen. Zahar-Berriren aldeko jendeak ekintza oso ondo jaso zuen, euskarazko liburu oso onak ere bazeuden eta. Batzuk mauka ederrak erosi al izan zituzten. Eskertu beharra daukagu, liburuak AEDra ekarri dituzten jende guzti-guztia eta beraien ezkuzabaltasuna.
