Euskaltegiko Ekintzen barruan, datorren apirilaren 17an, ostegunez, “Munduan barrena bizikletaz” lemapean, Diapositiba emanaldia antolatu dugu. Munduan zehar hainbat urtean bizikletan ibili den Gasteizko Lontxo izango da gure artean. Berak bi ikuskizun eskainiko dizkigu: Bata goizez, eta bestea arratsaldez. Lehenean, bost kontinentetan zehar ateratako argazkiak ekarriko dizkigu; bigarren saioan berriz, Europa eta Afrikakoak izango dira ikusgai.
Emanaldiok leku ezberdinetan burutuko dira. Goizeko !0:00tan izango den emanaldia AED-k duen txokoan izango da. Arratsaldeko 6etan izango dena ostera, Kulturateko Areto Nagusian izango da.
