Askotan euskararen erabileraz gabiltzanean aipatzen dugu: Hiriburuetan herrietan baino gutxiago egiten da, eta oso zaila da hauetan euskara entzutea eta bla, bla, bla.
Telebilbao telebistako erreportaje bat jaso dugu www.karrajua.org helbide interesgarrian, ezin esan kalitatezko erreportajea denik baina bitxia bai. Zer iruditzen zaizu?
Lehenik eta behin, arraroa egiten zait Telebilbao horrela zerbait majikoa balitz bezala euskaragatik arduratzea. Hori diot, euskarazko edukirik ez dagoelako telebistan (zero patatero).
Bestalde, Bilbo euskaldun gehien dagoen udalerria da Euskal Herri osoan (absolutuki hitz eginda) baina argi dago hiri guztiz erdalduna dela eta euskaldun horientzako zerbitzu falta larria dagoela euskaraz.
Bideoan aitatzen diren gauza batzuk (doan euskaldundu, euskaldunduko duen eskola baten aldarrikapena…) beharrezkoak direla uste dut, eta bide batez, Bilboko udalak (Euskal Herriko udal askoren antzera) ez dut uste behar eta ahal den beste egiten ari denik bere esparruan euskara sustatzeko.