{"id":6,"date":"2013-06-01T14:21:51","date_gmt":"2013-06-01T13:21:51","guid":{"rendered":"http:\/\/blogak.goiena.eus\/pedalka\/?page_id=6"},"modified":"2013-06-26T16:24:37","modified_gmt":"2013-06-26T15:24:37","slug":"aurkezpena","status":"publish","type":"page","link":"https:\/\/blogak.goiena.eus\/pedalka\/","title":{"rendered":"Aurkezpena"},"content":{"rendered":"

J\"2012-07-13<\/a>ulen Iriondo Martinez de Zuazo dut izena, 1979ko abenduaren 11n O\u00f1atin jaioa. Askotan pentsatzen dut ze zortea dugun hemen, bizi izatea egokitu zaigun toki honetan \u2013Euskal Herriaz ari naiz\u2013, bizi izateagatik. Itsasoa bertan, mendia ere bai… Mendian eta bizikletarekin nagoenetan etortzen zait sarri burutapen hori: \u201cZe zortea hona bizikletarekin etortzeko modua izatea\u201d, pentsatzen dut nire artean. Atsegin dut mendia, eta atsegin dut bizikleta, eta bien arteko batuketa zer esanik ez. Bizikleta batetik bestera mugitzeko, bizikleta kirola egiteko eta bizikleta bidaiatzeko.\u00a0 Gauza ederra da bizikletaz bidaiatzea. Gorputzak eta bideak eskatzen duten erritmora, denbora denean ikusten, denbora denean sentitzen, denbora denean bizi izaten. Eta ze ondo sartzen den egunaren amaierako garagardo hori! Lau alditan \u2013oraingoz\u2013 egin dut bidaia bizikletarekin, traste guztiak gainean, alforjetan, hartuta, errepidetik \u2013trasteak garraiatzeko zerbitzua hartuta beste zenbaitetan ere bai mendiko ibilbideetan\u2013. 2000ko hamarkadan Euskal Herriko itzulia egin genuen aurrena koadrilan; Zilarraren Bidea \u2013Sevilla eta Santiago artean\u2013 ondoren koadrilako Joseba eta Gorka lehengusuarekin; Josebarekin Pirinioak gurutzatu genituen beste batean, etxean hasi eta Mediterraneo itsasora arte. Hamar egun inguruko bidaiak guztiak. Zenbait urtez, ganbaran gordeta izan ditut, ordea, alforjak \u2013bizikleta ez\u2013, baina 2012ko udan suertatu zitzaidan beste bidaia bat egiteko aukera. Aurreko urte batean oporretan mendian ibiltzera joanda \u2013oinez batez ere\u2013 izan nuen.<\/p>\n

 <\/p>\n

La Route des Grandes Alpes deituriko ibilbidearen berri<\/h3>\n

Thononen \u2013Leman lakuaren ertzean Genevatik gertu\u2013 hasi eta Mentonen \u2013Mediterraneo itsasoan Niza ondoan\u2013 amaitu, ia 700 kilometro, frantziar Alpeak alderik alde zeharkatuz, nahi den moduan, autoz, motorrean… edo BIZIKLETAZ! Eta erabaki nuen alforjei hautsa kentzea. Uztail erdian, hamar egunez Alpeetan, neu bakarrik. Joan nintzen eta egin nuen. Eta ze gozatua! Joan nintzen, egin nuen eta baita grabatu ere g\"2012-07-17<\/a>ainera! Izan ere, kamera eraman nuen bidelagun. Ibilbidea grabatu, pasatutako bide eta mendateak eta ikusitako paisaia zoragarriak irudietan hartu eta bidean topatutako hamaika lagun interesgarrirekin berba egiteko aukera eman zidan kamerak: ni moduan zebiltzanekin, lekuko jendearekin, oporretan zeudenekin, abentura zaleekin… Eta kamerarekin hartutako hori telebistaz \u2013eta baita sarean ere\u2013 emateko aukera izatea ere gauza ederra izan da, bizipena nahi izan duten denekin konpartitzeko modua izan baitut Goienaren bitartez \u2013bertan egiten dut lan\u2013, Pedalka saioarekin. 30 minutu inguruko hamar atal egin ditugu \u2013Monika Montero eta Larraitz Zeberioren laguntzarekin\u2013 Alpe Handien Ibilbidean batutako materialarekin, eta asterik aste bat eman. Orain, ikus-entzunezko material hori guztia blog honetan batzea pentsatu dugu, informazio gehiagorekin, inork kontsulta eginez edo inoiz pedalak emanez gozatu nahi balu ere.<\/p>\n","protected":false},"excerpt":{"rendered":"

Julen Iriondo Martinez de Zuazo dut izena, 1979ko abenduaren 11n O\u00f1atin jaioa. Askotan pentsatzen dut ze zortea dugun hemen, bizi izatea egokitu zaigun toki honetan \u2013Euskal Herriaz ari naiz\u2013, bizi izateagatik. Itsasoa bertan, mendia ere bai… Mendian eta bizikletarekin nagoenetan etortzen zait sarri burutapen hori: \u201cZe zortea hona bizikletarekin etortzeko modua izatea\u201d, pentsatzen dut nire<\/p>\n