{"id":1353,"date":"2026-05-06T03:36:04","date_gmt":"2026-05-06T02:36:04","guid":{"rendered":"https:\/\/blogak.goiena.eus\/osatzetik-arintzera\/?p=1353"},"modified":"2026-05-06T03:43:33","modified_gmt":"2026-05-06T02:43:33","slug":"malenkonia","status":"publish","type":"post","link":"https:\/\/blogak.goiena.eus\/osatzetik-arintzera\/2026\/05\/06\/malenkonia\/","title":{"rendered":"Malenkonia"},"content":{"rendered":"\n
\"\"<\/figure>\n\n\n\n

Aurreko domeka goizean, guardiatik bueltan, Arrasatetik Zarautzerako tartea ohiko moduan egin nuen, irratia lagun.<\/u><\/a> Amaren eguna zela eta, entzuleek proposatutako abestiak pintxatzen ibili ziren, norberaren amei dedikatuta. Jakina, amataz gogoratu eta zein kanta dedikatu niokeen pentsatuz joan nintzen A-8an gora (edo behera). Eta jakina, bat baino gehiago etorri zitzaizkidan burura. Triniren gustuko abeslari eta taldeen artean Mocedades, Paloma San Basilio eta Ainhoa Arteta zeuden, baina kantu bakar bat aukeratu behar izanez gero, ABBAren “Chiquitita”<\/u><\/a> izango litzateke (irratiko entzule batek ere hautatu zuena).<\/p>\n\n\n\n

Txikitako oroitzapenak ekartzen dizkit oroimenera, 1970-80ko hamarkada urteak, Madrilen eta Valladoliden bizi izan ginenak. Han ospatu genituen Errealeko bi ligak eta Athleticeko beste biak. Diaspora hartan 1987ko Kopako final haren lekukoak ere izan ginen, oraingo 2026ko honetan egon diren aurkari berdinekin, emaitza eta txapeldun berarekin. Zirkulu oso bat, orduan gurasoekin ospatutakoa orain Pello eta Aiora seme-alabekin eta Maider emaztearekin.<\/p>\n\n\n\n

Bestela, malenkonia hitza irakurri dut gaurko egunkarian, Carlos Garaikoetxearen heriotza<\/u><\/a> dela eta:<\/p>\n\n\n\n

\u00abMalenkoniarako joera bat, bizi guztian iraun didana, eta musikan, literaturan eta denean erromantizismoaren zalea izatera eraman nauena. Alde positiboen artean, berriz, existentziaren ikuspegi transzendentea, nahiz eta fedearen eta arrazoimenaren arteko borroka unamunotar horrekin izan, agnostizismoaren eta fedearen arteko talkan. Fededuna naiz, eta eskatzen dut arrazoimenarekiko borroka horretan federa makurtu nadila\u00bb.<\/em><\/p>\n\n\n\n

Horrela idatzi du Elixabete Garmendia<\/strong>k, Garaikoetxearen hitzak transkribatuz. Urte haietan, txikiak ginela, irratian lehendakaria hizketan ateratzen zela, gure aitaren ahotsa entzuten genuela iruditzen zitzaigun, zinez antzekoak zirela. Fisikoki ere ukitu bat zeukaten. Gainera, Carlosen jarraitzailea zen Alberto. Eta goiko pasartean deskribatzen denarekin bat zetorren, arlo espiritualean. Bai eta ni ere, urteekin, gero eta gehiago.<\/p>\n\n\n\n

Gure etxean ere norbait miretsia zen, hainbat eta hainbat familiatan bezala. Eta egun hauetan ere dolu kolektibo moduan antzematen ari naiz. Dolu kolektibo malenkoniatsua. Egia esan, Herri moduan pertsona gutxik eragin ahal izan duten maila honetako sentimendu partekaturik. Esanguratsua iruditu zait gaur goizean Arrasaten, kontsultan, paziente batek gaia ekarri izana. Ez da batere ohikoa kontu politikorik ateratzea, baina hau ziur aski politikatik askoz haratago dago. Eta esanguratsua begitandu zait arratsaldean, Zarautzen, pareko bizilagun batek ikurri\u00f1a bat paratu izana xingola beltzarekin.<\/p>\n\n\n\n

1980 eta 1985 artean egon zen Ajuria Enean, eta bitarte hartan ABBA<\/strong>k “Super Trouper”<\/em> (1980) eta “The Visitors”<\/em> (1982) albumak kaleratu zituzten, Mocedades<\/strong>ek “Desde que t\u00fa te has ido<\/em>”\u00a0(1981), “Amor de hombre<\/em>”\u00a0(1982), “La m\u00fasica<\/em>”\u00a0(1983), “La vuelta al mundo de Willy Fog<\/em>” (1984) eta “15 a\u00f1os de m\u00fasica<\/em>” (1985, zuzenean). Bernardo Atxaga<\/strong>k “Etiopia”<\/em> (1983) eta “Bi anai”<\/em> (1985) argitaratu zituen, eta Arantxa Urretabizkaia<\/strong>k <\/strong>“Maitasun magalean”<\/em> (1982), “Aspaldian espero zaitudalako ez nago sekula bakarrik<\/em>” (1983) eta “Albaniaren konkista”<\/em> pelikularako gidoia (1983). Alan Parker<\/strong>rek “Fame”<\/em> musikala zuzendu zuen (1980), Hugh Hudson<\/strong>ek “Chariots of Fire”<\/em> (1981), Steven Spielberg<\/strong>ek “E.T.”<\/em> (1982), Monty Python<\/strong>ek “The Meaning of Life”<\/em> (1983), Wes Craven<\/strong>ek “A Nightmare on Elm Street<\/em>“<\/em> (1984) eta Robert Zemeckis<\/strong>ek “Back to the Future”<\/em> (1985).<\/p>\n\n\n\n

Etorkizunerako itzulera, nostalgia ote? <\/p>\n","protected":false},"excerpt":{"rendered":"

Aurreko domeka goizean, guardiatik bueltan, Arrasatetik Zarautzerako tartea ohiko moduan egin nuen, irratia lagun. Amaren eguna zela eta, entzuleek proposatutako abestiak pintxatzen ibili ziren, norberaren amei dedikatuta. Jakina, amataz gogoratu eta zein kanta dedikatu niokeen pentsatuz joan nintzen A-8an gora (edo behera). Eta jakina, bat baino gehiago etorri zitzaizkidan burura. Triniren gustuko abeslari eta taldeen artean<\/p>\n