Heldu da azken asteetan entsaiatzen ibili garen Antzuolako dantzak plazaratzeko ordua. Nahiz eta batzuk beste batzuk baino juerga gehiago egin, denok gaude prest elegante jantzita dantza egiteko. Alardea kalean gora joan da, eta udaletxe azpian dantzariak gertu, plaza erdira irten eta Makil txiki eta Arku dantza egitera. Berriz ere arkupetara sartuta, lehen jarduna lixto. Joan da alardea plazan behera, denak erritmo berean eta irripartsu. Berriz ere gure txanda, oraingo honetan Zinta dantza egitea tokatzen da. Lehendabizi kapitaina eta kapitainak egin ostean besteok. Aurten abesbatzaren laguntza izan dugu kantuan egiteko, hemendik eskerrak ematea tokatzen zaigu. Zinta dantzari amaiera on bat emateko usoak hegan irten dira. Azken dantzari hasiera eman aurretik, alarde osoa plazan kokatu da, kapitainak deskantsurako deia egin eta bagoaz berriz plazara. Oraingo honetan Makil handiak esku artean. Antzuolako Trokeo dantzak osatzeko azkena. Trokeo dantzak amaituta, zortzikoaren txanda. Txistulariak deia jo eta abian dira dantzariak plaza guztia betetzera. Abesbatzarekin batera, zortzikoaren bigarren zatiari ekin diogu. Publikoaren txaloak jasota guztiak irribarretsu eta gustura egindako lanarekin. Hunkigarria izan da aurtengoa, Josebak Alardeko kapitain postua utzi baitu, eta guk osatu ohi dugun zubitik pasako den azken aldia izan da. Mila esker guztiagatik, Joseba!
Joseba eta Oinarin
Makil handiak
Antzuolako Zortzikoa
Utzi erantzuna