Unibertsitatetik bueltan, autobusean, medikuntzako ikasle biren artekoari adi-adi jarraitu diot. Aitortzen dut, kotilla hutsa izan naiz. Baina elkarrizketak merezi zuen. Batek medikuntzako bigarren ikasturteari ekin dio aurten, hasieratik gaztelaniaz egitea erabaki du, batxilergoa eta aurreko eskolaldi guztia euskaraz egin bazuen ere. Are gehiago, harrituta dago, bigarren mutilak, unibertsitatean lehenengo ikasturtea duenak, euskaraz egitea erabaki duelako. \u201cPara qu\u00e9 vas a estudiar en euskera?\u201d bota dio halako baten. \u201cEuskal Herrian bizi gara, beste nonbaiten biziko bagina hango hizkuntza egitea legez\u201d. Baina ez da konforme geratu lehenengoa eta atzera bota dio: \u201cnola esaten da clav\u00edcula? Lepauztaia? En vez de decir clav\u00edcula con lo f\u00e1cil que es!\u201d.<\/p>\n
Tarte bat hartu dute biek anatomia eskolako izen zail horrek gogoratzen. Gaztelaniaz ikasten ari denak izen guztiak ondo zekizkielako harrituta zegoen bigarrena; ia nolatan zekizkien galdetu dio eta lehenengoak harro batxilergoan euskaraz ondo ikasi zituela eta jakin badakizkiela, baina orduan bota du: \u201cbaina guk eztogu hola itxen berba!\u201d.<\/p>\n
Eta horixe egin du bere ikasketa hizkuntza aukeraren maxima. Hau da, medikua hasiz gero gaixoari era horretako berbekin, inork ez duela ulertzeko gaitasunik.<\/p>\n
Pentsamendura etorri zaizkit lehen mailako futbolarien lesioei esker ikasi ditugun ikasi arazi dizkiguten, izen zientifiko horiek guztiak eta, puntuan egon naiz elkarrizetara gehitzeko, baina berehala eutsi diot berriro \u201cbaina guk eztogu hola itxen berba\u201d horri.<\/p>\n
Orduan, eta guk ez badugu horrela berba egiten, zergatik ikasi gaztelaniaz? A, bai, guk horrela egiten dugulako hizketan.<\/p>\n
<\/p>\n","protected":false},"excerpt":{"rendered":"
Unibertsitatetik bueltan, autobusean, medikuntzako ikasle biren artekoari adi-adi jarraitu diot. Aitortzen dut, kotilla hutsa izan naiz. Baina elkarrizketak merezi zuen. Batek medikuntzako bigarren ikasturteari ekin dio aurten, hasieratik gaztelaniaz egitea erabaki du, batxilergoa eta aurreko eskolaldi guztia euskaraz egin bazuen … Jarraitu irakurtzen