Bilboko Aste Nagusian izan nintzen atzo. Euria egin ez duen egun bakarra izan zenez, eta azken aurreko eguna zenez, jende mordoa zebilen handik eta hemendik. Migel Boseren kontzertua ikustera ere gerturatu ginen Botika Zaharrera, eta han ere lekurik barik egon ginen. Hura jendetza! Denak, pentsatzen dut, ez zirela Boseren zaleak izango eta kurioso asko egotez gainera, aurtengo jaietan aterik egon den kontzertu bakarra izateak zerikusia izan zuela uste dun han batu zen jendetzarekin.<\/p>\n
Baina, horrez gainera, gaur bertan San Mamesen jokatzen den Athletic-Osasuna derbyaz aritu ginen. Hiru bizkaitarrekin nintzen eta ia ni, gipuzkoarra, izanik, noren alde egingo nuen jakin nahi zuten. Egia esateko, futbolaz, jokoaz, ez dut batere entenditzen eta futbol zelaian, San Mamesen, egon izan naizen arren hainbat aldiz, giroak erakarrita hurbiltzen naiz horrelako “saraoetara”. Hortaz, eta jakinda lagunak zirikatuko nituela, Osasunaren alde egingo nuela esan nien lagunei.<\/p>\n
Banekien! Realekoek beti egiten du Athleticen kontra! esan zidan lagunak. <\/p>\n
Agian, bai ezta? Gipuzkoa eta Bizkaiaren arteko lehia horretan, jadanik maila berean jokatzerik ez dugunez, ba bigarren aukera: bizkaitarren kontra jokatuko duenaren alde egin behar! Lagunak zioen berak ezingo lukeela hori egin; lehenengo Athleticekoa eta gero Realekoa dela, gertukoena, eta gero\u2026
Gero zer? Osasuna ala Alaves? <\/p>\n
Ez ginen inora heldu, jakina. Beno, ni bai: lagunak zirikatu nituen! <\/p>\n","protected":false},"excerpt":{"rendered":"
Bilboko Aste Nagusian izan nintzen atzo. Euria egin ez duen egun bakarra izan zenez, eta azken aurreko eguna zenez, jende mordoa zebilen handik eta hemendik. Migel Boseren kontzertua ikustera ere gerturatu ginen Botika Zaharrera, eta han ere lekurik barik egon … Jarraitu irakurtzen