Aste honetan eguraldi eguzkitxua izanik kanpo espazioan jolasteko aprobetxatu dugu, izan ere espazio ezberdinek ematen dituzten onaruz gozatzea gustatzen zaigu.

Hori horrela, ludoteka inguratzen dituen kanpo espazio ezberdinetan izan gara. Besteak beste, unikoko plazan, aldai parkean, auzoetako ortu ezberdinetan … Hala ere, betiko espazio horietaz gain asteazkenean astoko parkean izan gara.

Bertan arratsalde osoa naturarekin harremanetan aritu gara, zuhaitz ezberdinetan igotzen hain zuzen ere.

Ondorioztatzeko, egunero
kotasunean erabiltzen ditugun kanpo espazio gehienek belar eta zuhaitz presentzia urria daukate. Era horretara, haurrek astoaren parke honetan gustura asko aritu dira berain beldurrak, oreka, nahiak … indartzen eta garatzen.

Oraindik Arrasateko ludotekak ezagutzen ez dituzula? Ostegun honetan aukera paregabeak dituzu! Zeinekin geratzen zara?

Aste hauetan, bazkideen artean asanblada egin eta ludoteka bakoitzak bere proposamenak luzatu dituzte.

• Usaetxeko ludotekan: Jaialdia egingo dute. Abestu, dantzatu eta ONGI PASATZEA dute helburu!

• Okendoko ludotekan: Masaje tailerra. Eskuak erabiliz elkar zaintza eta lasaitasuna landuko dute! Animatu!

• Santamainako ludotekan: Wii dance! Banaka, binaka, hirunaka edo taldean… aukera ezberdinak eta guztiak baliagarriak lagun artean ondo pasatzeko!

Badakizue, zuen zain egongo gara. Animatu parte hartzera!

Azken aldian izan ditugun arratsalde gris eta euritsuei, irribarrez eta kolorez erantzuten saiatu gara. Haurren nahi eta beharrei erantzunez dinamika eta jolas ezberdinak eraman ditugu aurrera, ludoteka barruan zein kanpoan, Usaetxeko plazan bertan zein inguruko beste plaza batzuetan ere.

Aipatu bezala kolore apur bat jartzen ahalegindu gara, aurpegi margoketako margoak hartu eta elkarri margotzera ekin diogu arratsalde askotan.

Beste batzuetan aldiz, gure irri eta algarez bete ditugu inguruko plazak. Guztion artean erabaki izan dugu nora joan eta zein jolasetan jolastu. Une politak igaro ditugu elkarrekin!

Ikasturte honetan ere, gure ludotekaren urteurrena ospatu dugu. Azken asteetan aurreprestaketak egiten aritu gara: apaingarriak, ikuskizunen entsegua, azken momentuko muntaiak…

Eta honen ondorioa izan da pasatu genuen arratsalde zoragarria!!

Honez gain eskertu beharra daukagu Txomin eta Oihanen aurkezpen lana!

Benetan sekulako iniziatiba, desparpajoa eta motibazioa duzue!!

Segi horrela eta mila esker Okendoren urteurrenaren parte izan zineten guztioi!!!

Aurreko astean asanblada bat egin ondoren proposamen ugari eduki genituen ate irekietarako. Proposamen guztiak begiratu ondoren, pelikula bat ikustearen aukera izan zen aukeratua.

Ikasturte honetan berria da ekintza hau eta umeak gogo handiarekin hartu zuten filmaren ideia. Eta aukeratua……. PIPI GALTZALUZE!! arazo teknikoei aurre eginez, guztiok pipi galtzaluze ikusi genuen.
Okendoko urteurrena gertu dugunez, beste asanblada baten bitartez bizkotxo pare bat egitea erabaki genuen. Beti bezala, urteurrenak ospatzeko merendola goxo bat egiten dugu guztiok eta Santamainak bizkotxoekin egin du bere etorrera.

Haur guztion ezaugarriak errespetatzeko helburuarekin, bizkotxo beganoa egingo dugu denon artean eta denok gozatzeko asmoz!!!

Bihar larunbata, otsailak 4,  ludoteka ibiltariak Musakola auzoan egingo du lehenengo saioa.

Goizeko 10:30etan elkartuko gara gaztetxoko atarian eta 13:30ak arte bertan goiz ederra pasatuko dugu gerturatzen garen guztiok.

Euskaraz jolastu, lagun berriak egin eta goiza ondo aprobetxatu nahi baduzu, etorri zu ere gurekin!

Jakingo dozuen moruen, aste honetan ate irekiak ospatzen genitxun hiru ludoteketan. Halatabe, Usaetxen festa zaliak garela esan biharrik eztauku…. danak ospatzeko aukeria izan dogu.

Alde batetik, bazkide baten urtebetetze festa izan geuen martizenien. Egunero 8 urte betetzen ez dielako…. Zorionak eta urte askotarako Txaber! Mahaixen bilduta, etxian eindako bizkotxo goxua dastatu geuen, ze goxuuua!

Bestalde, osteguna be heldu zan ta honekin batera… parranda! Ate irekiak ospatzeko, asanblada bidez Wii Dance-a ekartzeko eskakizuna ein gauen danon artian. Beraz, hezitzaile, guraso eta haurrek ludoteka dantzaleku bihurtu geuen. gerrixak mugitzeko prest! Hori bai martxa!

Gaur, urtarrilak 26, Arrasateko  ludoteketan ate irekiak ospatuko ditugu.

Haurrek proposatutako ekintza desberdinak eramango ditugu aurrera ludoteka bakoitzean:

• Usaetxen, Just Dance saioa egongo da gerturatzen direnentzat.

• Santamainan, Pipi Galtzaluze pelikula eta jolas eta eskulan desberdinak egiteko aukera.

• Okendon, Monterronera irteera, naturaz gozatuz, jolasak egin eta primeran pasatzeko.

3-12 urte bitarteko bazkide ez diren haurrek ludotekaz gozatzeko aukera izango dute.

Gerturatu eta parte hartu!!!

Kaixo Lagunak!

Urte berriarekin batera badator Okendoko urteurrena! Aurten Otsailaren 3an izango da, eta jadanik hasi gara aurre prestakuntzakin. Izan ere, badauzkagu artista ugari eszenatokira igoteko eta dena emateko prest.

Beraz, gogotsu bazaudete eta parte hartzea nahi baduzue, zatozte gugana!

Aukera ezberdinak daude: eszenatokian parte hartu (dantzatu, abestu, antzeztu, txisteak kontatu…), tabernan lagundu, erropak antolatu edota ludoteka atondu!

Ongi pasatzea nahi baduzue, ez pentsatu bi aldiz, zuek ere Okendoko parte izan zaitezkete!

PENTSATU, SENTITU, EKIN!

Kaixo lagunok!
Urte berri hau primeran hasi dugu Santamainako ludotekan! Urte berriak euria ekarri du eta ludoteka borborrean izan dugu.

Ohiko txokoetan jolasteaz gain, gure Olentzero maiteak ekarritako arearen kaxa estreinatu dugu. Haurrei asko gustatzen zaien esperimentatzeko materiala da hondarra eta egia esan arrakasta handia izan du.

Horretaz gain, gabonetako oporretan egin dituzten ekintza ezberdinen inguruan berriketan aritu gara goxo-goxo epeletan.

Urte berri hau aurrek urtea bezain ona edo hobea izatea opa dizuegu.

Urte berri on guztioi!