Azaroa amaitzear dagoela eta, iritsi dira berriro Udal Ludotekako ate irekiak. horregatik, oraingoan ere bertako bazkide ez zaretenok gonbidatuta zaudete gurekin parte hartu eta ondo pasatzera!

Azaroaren 27an Usaetxeko ludotekan, hau apaintzeko apaingarriak egingo dituzte. Apaingarriak animalia desberdinez osatuta egongo dira.

  Azaroaren 28an Okendoko ludotekan, pizzak egin eta jateko aukera izango duzue.

Azaroaren 29an Santamarinako ludotekan, hazitegia sortuko dute ondoren landareak ortuan jarri ahal izateko. Aurreko hilabetean ortua prestatu zuten berriro martxan jartzeko, baina orain, landareak behar dituzte. Lagunduko ahal diegu hau prestatzen?

Animatu zaitezte gurekin ondo pasatzea!

Hona hemen azken aste honetako ekintza ezberdinak. Ate irekietan, ortuko txokoan zer nahi dugun jakiteko mural bat osatu genuen idei berriak jasoz.

Haurrak botatako idei zaparrada kontutan hartuz, ortuari bizitasuna ematea pentsatu genuen. Berehala konturatu ginen, gure ortutxoak lur gehiagoren beharra zuela, eta guraso batek bere ortura gonbidatu gintuen. Ondoren,gure txokoa txukuntzen hasi ginen, jasotako lurra gure ortutxoan bota, lurra nahastu eta inguruko belarrak ere moztu genituen, areka txukuntzeko asmoz.

Bestalde gure Euskarari bultzada bat emateko, gurasoekin euskara lantzeko jolas bat sortu genuen haur eta hezitzaileen artean. Panel batzuetan ludotekako argazki ezberdinak itsatsi eta hauen inguruko galderak pentsatu genituen. Ondoren haurrek, gurasoei galderak egiteari ekin zioten .

Oso jolas polita izan zen eta esan beharra dago guraso zein tutoreen jarrera oso egokia izan zela. Mila esker!

Pasa den astean egon zen haize boladekin, Telepizzako esku orri bat iritsi zen Usaetxe plazara, eta ludotekako haur, gazte eta hezitzaileoi pizza egin eta jateko gogoa etorri zitzaigun. Beraz, hurrengo egunean egitea erabaki genuen.

Ostiralean, asanblada bidez pizzak nolakoak nahi genituen erabaki genuen.

Zerrenda egin ostean, dendara joan eta osagaiak erosi genituen. Jarraian pizzak egiten hasi ginen:

Itxura ederrekoak prestatu genituen eta nola ez gustura jan ere!!!

Bitartean 6.mailako ludotekako gazteak Uribarri – Erguineko Gaztetxokoa eta bertako gazteak ezagutzera joan ziren. Bertan, postrerako bizkotxo bikain bat egin zuten Gaztetxokoko sukaldeaz gozatuz.

 Ea hurrengoan haizeak zein ideia dakarkigun…

Aste honetan, Arrasateko hiru udal ludoteketan ate irekiak izango dituzue. Beraz, bazkide ez zaretenok ere bertara gerturatu eta parte hartzeko aukera izango duzue.

Urriaren 23an Usaetxen, bertako ortua berpiztuko dute eta bitartean lurra eta lokatsaz jolasteko aukera izango duzue.

Urriaren 24an Okendon, eszenatoki berrian Karaokea izango duzue kantatuz gozatzeko!

Urriaren 25 Santamainan. Hemen ere, ortua berpiztuko dute lur kaxak atonduz lurrarekin jolasten duten bitartean!

Animatu zaitezte gurekin gozatzera!!

Ostiral honetan, Urriaren 18an, Usaetxe udal ludotekako 6.urteurrena ospatuko dugu. Hau dela eta, KARAOKEA, aurpegi margoketa,  jolas erraldoi eta merendola izango dugu arratsaldeko 17:00etatik 20:00etara.

Merendolarako ludoteka bakoitzak aurrez prestatuko du jatekoa!

 Animatu zaitezte gurekin ondo pasatzera!!

Kaixo!

Ludoteka egitasmoaren nondik norakoak azaltzeko guraso/arduradunei zuzenduriko bilerarako gonbidapena luzatzen dizuegu:

OKENDON;

Eguna: Urriaren 15ean, asteartea

Ordua: arratsaldeko 18:00etan

Tokia: Okendoko ludoteka

USAETXEN;

Eguna: Urriaren 16an, asteazkena

Ordua: arratsaldeko 18:00etan

Tokia: Usaetxeko ludoteka

SANTAMAINAN;

Eguna: Urriaren 17an, asteazkena

Ordua: arratsaldeko 18:00etan

Tokia: Santamainako ludoteka

Bertan elkar ikusiko dugulakoan, laster arte!

Zer da?

Arrasteko haurrek, euskaraz jolastuz, lagunartean ondo pasatzeko gunea.

Non gaude?

Erdiguean (Okendo kalean), Santa Marinan (Galizia kalean) eta Uribarri Erguinen (Usaetxe plazan).

Zein ordutegi dugu?

Astelehenetik ostiralera 17etatik 20:00etara. Sartu irtenak libreak dira.

Ezaugarriak;

– 3-12 urte bitarteko haurrak denek elkarrekin jolasteko aukera.

-.Haurren behar eta nahiak behatu eta asetzen ahalegintzen gara eta ekintzak, jolasak… burutzerako orduan, haurren bidelagunak gara.

– Ludoteka jolasteaz gain, herriko kale eta parkeetan ere arituko gara.

– Familiek ludotekako ekintzetan zein antolaketan parte hartu ahal izango dute. Proposamenak luzatu daitezke.

Bagatozela, bagatozela…

Aste honetatik aurrera Udal Ludoteketara hurbiltzeko aukera izango duzue.

Hasierako bi asteetan (Irailaren 30a arte)  ATE IREKIAK izango dira. Horietako hiru egunetan, ZABALKUNDEA egiteko EKINTZA BEREZIAK burutuko ditugu herriko txoko ezberdinetan.

         Irailaren 18an     SAN ANTOLINEN

         Irailaren 20an   HERRIKO PLAZAN

         Irailaren 27an   ARIMAZURI PLAZAN

Zatozte ondo pasatzera!

 Aste bukaeran bertako jaiak ospatuko direla eta, bertan izango gaituzue gure  jolasteko gogo, alaitasuna eta goxotasuna elkarbanatzeko prest!

Gaur, 16:30etatik 19:00etara, frutez eginiko pintxo morunoak, sormen txokoa, puzgarria eta slickline-a izango dira gozagai. 

Hurbildu eta hartu deigun parte auzoko jaietan!

Gaur ludoteketako azken eguna izango da. Ikasturteari amaiera polit bat emateko, AZKEN FESTA ospatuko dugu gune bakoitzean. Ludoteka bakoitzean gauza ezberdinak burutuko dituzte; ginkana, pata tortila lehiaketa, diskoteka, sanwich begetalak egitea, zezen jolasak…

Hurbildu bertara eta gozatu!

Eskerrik asko ikasturte eder hau gurekin egote arren!