Urteak dira jada udal ludoteketan material berrerabilgarria erabiltzen dugula. Urtiak dira ere guraso edo tutoreek materialez hornitzen gaituztela, izan ere, asko dira bertara, laneko material, etxeko material edota erabiltzen ez dituzten trasteak ekartzen dutela, denon artean beste erabilera bat emateko asmotan. Aupa zuek, segi horrela!!

Hasiera batean komuneko rolloak izan genituen sormenerako tresna. Eskuetan hartu, ondo begiratu, buruari buelta pare bat eman, eta haurrekin batera hontz txiki batzuk egitea adostu genuen. Haur bakoitzak berea, bere erara, berak nahi zituen koloreekin, baina denok gauza bera. Eskulan bikainak egin genituen, koloretsu eta dibertigarriak, hontzak esnatzeko modukoak!!

Baina zer egin muskuiluen oskolekin paella edera bat jan ondoren? Edukiontzi marroira bota? EZ!! Sormenerako erabili!! Hezitzaile batek, tripa ondo bete eta gero, ludotekara ekarri zituen muskuilu oskolak zerbait berria sortzeko asmotan. Hasiera batean haurrekin batera oskolak, ukitu, usaindu, aztertu genituen, eta oraingoan denok batera eskulan bat eta bakarra sortzea adostu genuen. Tenperak hartu eta martxan jarri ginen, emaitza eder hau lortu arte!

Zaborrari beti eman ahal diogu beste irtenbide bat, topatu zurea!!

Aste honetan hainbat jolas asmatu dituzte Usaetxeko haurrek. Sormenaren hegalak zabaldu eta ludotekako materiala erabiliz jolas berriak asmatu dituzte.

Eraikuntzako piezekin  eta hainbat haurren gorputzaz baliatuz labirinto ederra egin dute guztiontzat.

Bestetik, Eiffel dorrea bezain ikusgarriak ziren dorre ezberdinak egin dituzte. Txikienek nagusiagoen laguntza izan dute eraikinak egiteko orduan. Irakasle ederrak benetan!!

Koltxoneta, alfonbra eta kuxinez baliatuz psikomotrizitate txokoa ere sortu dute. Bertan gimnasta profesionalen antzeko txatxilipurdi eta saltoak egiteko aukera izan dugularik.

Eguraldiak lagunduta, kanpo espazioa ere asko erabili dugu asteon eta hemen ere jolas edota ikuskizun berriez gozatzeko beta izan dugu.

Ezkuta-susto jolas berriaz gain, “Etxe misteriotsu”ko zonbiak emandako bildurraz gozatu dugu. Ezkutuan zegoen zonbia ikusteko irrikaz itxaron zuten hilaran. A ze nolako susto aurpegiekin bueltatzen ziren guztiak!

Ia zer asmatzen duten hurrengoan!!!

Hona hemen azkenengo asteetan Santamañako ludotekan bizitakoak!
Berri goxo bateaz hasiko gara…

Begira, begira ze gustora ari diren Usaetxeko urteurrenerako bizkotxua prestatzen!

Bestetik, aipatu izan dugun bezala, ortua negurako prest itxi dugu eta oparitutako landaratxuak  iada landatuta  daude!

Baita babarrun , idar eta zerbak ere.

Ortua txukun antolatzeko asmoz; landaretxuendako  espazioa pentsatu, eremua markatu eta landare bakoitzaren karteltxoa egin dugu.

Ate irekietan, haur batek proposatutako kalabazaren eskulana egin genuen.

Sormena landuz beste mila ideia ezberdin irten ziren arratsalde horretan: letxugak, erremolatxak, karameluak…

Gustora asko hartzen dira zuen proposamenak!

Animatu eta bota zeurea!!!

Hilabetero bezala atzokoan ere ate irekiak burutu genituen Okendoko ludotekan. Astean zehar haurrekin asanblada bidez adostutako ekintzak eraman genituen aurrera. Aste guztian zehar, ludotekako gaztetxoek txotxongilo antzezlan bat prestatzen ibili dira, beraien sormenari ateak ireki eta ikuskizun zoragarri bat prestatuz.

Bestetik Ludokendon oso gustuko dugun sukaldaritza tailerra burutu genuen. Beti bezala herriko denda desberdinetara joan ginen erosketak egitera, bertako salmenta sustatuz eta beraiekin harremandu eta gure egunerokotasuna herriko sektore desberdinekin konpartituz. Italiako txoko ezkutuetara hegan egin eta pizzak ederrak sukaldatu genituen. Masa eskuz esku ibili, bueltak eman, airera bota eta osagai goxoez osatu genituen gure ludopizzak!!

Arratsalde paregabea pasatu genuen bazkide eta herriko haur desberdinekin!

Hurrengo hilabeteko AZKEN OSTEGUNEAN ere ateak zabalik izango ditugu, beraz ekarri zuen laguntxoak elkarrekin jolasteko!

Iritsi dira ludotekako ate irekiak!

Ostegunean Arrasateko ludotekak denontzat zabalik. Bertan, ekintza desberdinak izango dituzue aukeran.

 Santamainako ludotekan, “ortuko barazkiak sortzen” eskulana egingo dute.

Usaetxeko ludotekan, Doke jolasean nola jolasten den erakutsiko digute.

Okendoko ludotekan, txontxongilo ikuskizuna eta pizzak egingo dituzte.

Animatu eta hurbildu! 

7 urtetxo pasa dira jada Usaetxeko ludotekan jolasean hasi ginenetik. Guraso, haur, bizilagun eta hezitzaileen konpromiso eta partehartzea ezinbestekoa izan da ludotekako proiektuari forma emateko eta, aurreko ostiralean, beste behin, ondo pasatzen apartak garela frogatu genuen.

Ludotekara heldu bezain pronto, pirata mozorroak jantzi astean zehar eraikitzen aritu ginen pirata txalupa kanpora atera eta ingurua hondartza balitz bezala atondu genuen. Okendo eta Santamainako ludotekako haurrei txalupan jolasean itxaron genien batzuk, beste batzuk platano eta sagar batidoak prestatzen genituen bitartean.

Gainontzeko piratak iristen zihoazen heinean jolas batzuk proposatu genien, eta gustura asko ibili ginen batak bestearen puxika zapaltzea helburu duen jolasean. Arratsaldea inoiz baino arinago igarotzen ari zenez, kanpoan jarri genituen mahai inguruetan bildu eta beste ludoteketatik ekarri zituzten pastel eta bizkotxo goxoak dastatu genituen, gure batidoez lagunduta. Ummm!!

Arratsaldeari bukaera emateko, Usaetxeko pirata batzuk ikuskizuna eskaini ziguten denoi: gitarra doinuekin zorionak zuri abestu genuen, bertso ikaragarri polita abestu eta Pirritx, Porrotx eta Marimototxen abesti baten koreografia dantzatu.

Penaz baina hurren arte esanaz agurtu genituen gure pirata lagunak.

Zorionak Usaetxe eta eskerrik asko denoi bene benetan!!

Ikasturteari hasiera emateko, ortuko txokoa martxan jarri dugu berriz; belar txarrak kendu, lurra arrotu, areka garbitu eta ortua txukundu landare berriei ongi etorria emateko!
Hau zortea gurea! auzoko jubilatuek gure ortuarekiko interesa erakutsi eta laurela eta iodo bedarra ekarri ziguten landatzeko!

MILA ESKER!

Bestetik, Maritxu Kajoi egunean, mahaiekin pasarela prestatu eta desfile dotore bat egin genuen.

Ludotekak jada zabalik daude eta gure berri herri osoak izan dezan ekintza bereziak burutuko ditugu iraileko 3 egunetan. Horretarako hiru ludoteketako hezitzaileak batu eta kalejiran ibiliko dira (egun hauetan beraz, ludotekak itxita egongo dira).

Elkarguneak, arratsaldeko 17etan:

–          19an, Santamainako ludoteka

–          23an Arimazubi plaza

–          25ean Biteri plaza

Animatu gurekin jolastera!

Irailaren 15etik aurrera ludotekak zabalik!!

Irailaren 15etik aurrera irekita egongo dira Santa Marina, Usaetxe eta Okendoko ludotekak, ohi bezala astelehenetik ostiralera, 17:00-20:00 ordutegiarekin.

3-12 urte bitarteko haurrek disfrutatzeko guneak dira ludotekak, haien garapenerako horren garrantzitsuak diren jolasak, lagunak, emozioak, abenturak, … bizitzeko espazioak.

Irailaren 15etik 30era bitartean sarrera librea da hiru ludoteketara, nahi duten haur guztiek ezagutzeko eta ongi pasatzeko.

Urriaren 1etik aurrera, matrikula eginda duten haurrak bakarrik sartu ahalko dira.

Izena emateko:

• Ludoteketara edo Gazte Bulegora jo
• Fitxa beteta, bi argazki eta 30 €ko kuota (ikasturte osoa) ordaindu.

 Animatu eta etorri jolastera!!

Maitatzeko ate irekiak zirela eta, haurrekin hawaiiar festa bat egitea adostu genuen, baina horretarako lan asko egiteko genuen, eta egun gutxi, baina gogotsu ekin genion lanari.

Aurreko egunetan mural eder bat marraztu genuen elkarrekin, eguzki eder, itsaso eta mendi eta guzti! Pintzelekin nahiko ez eta eskuekin askoz errazago margotzen genuela konturatu ginen, eta oso gustura aritu ginen murala egiten.

Muralarekin nahikoa ez eta haurrekin batera eskulantxo bat egin genuen, soka desberdinetan aurretik egindako loreak sartu eta gorputzeko atal desberdinak atontzeko erabili genituen, ideia bikainak dituzte gure haurrek!!!

Azkenean iritsi zen gure jaia burutzeko eguna! Haurrak gogotsu agertu ziren ludotekara eta azkar azkar, auzoko dendetara abiatu ginen erosi beharreko osagaiak erostera. Marrubiak, jogurtak eta izotza erosi genuen irabiatu tropikal batzuk egiteko. Borobilean jarri ginen eta denok daztatu genuen edari magiko freskoa, ederra benetan! Ondoren arratsaldeaz gozatzeko, abesteko eta dantzatzeko ordua iritsi zen.

Arratsalde bikaina benetan elkarrekin pasa genuena, eguraldi ona soilik falta zitzaigun egun benetan TROPILA izateko!