Ludotekako haur, gaztetxo eta hezitzaileok ate irekietarako San blas opilak egitea adostu genuen asanblada bidez.

Honetarako, guraso baten parte hartzea izan genuen, honek, etxean egiten dituzten san blas opilen errezeta ekarri zigun.

 Arrakasta haundia izan zuten guztion artean prestatutako opiltxoek. Hau honela izanik eta astean hezitzaile batek egindako madalenak dastatu ostean, haur taldetxo batek, madalenak egitea proposatu du. Astean,beste guztiokin adostu ondoren, ostiral honetan sukaldaritza saiotxo dibertigarri eta goxo batez gozatuko dugu elkar. Beraz gonbidatzen zaituztegu gurera hurbiltzera, parte hartzera eta ondoren elkarrekin dastatzera!!!

Usaetxen ate irekietan ludoteka gure gustura jartzen jarraitzen dugu.

 Oraingoan zutabe bat koloreztatu dugu eta zikin tankera kendu diogu. Benetako artistak ditugu ludotekan. Marrazkilari, margolari,…

Eta hori gutxi balitz , ludotekako bazkide baten aitonak ekarritako igelarentzat kaxa egitera ere animatu dira. Ludotekarako jolas propioa egin eta jolasteko aukera izango dugu bukatzean.

Arrainaren izena erabakita dago. Kostata eta diferentzia txikiarekin, baina bakoitzak berea defendatu ondoren, Usaetxeko arrainak badu izena.

Hilero egin ohi dugun bezala, oraingoan ere ate irekiak ospatuko ditugu Udal Ludoteketan. Bertako erabiltzaileek ekintza bereziak pentsatu dituzte bisitan joan nahi duten guztientzako. Hau da Ludoteka bakoitzean haurrek pentsatu dutena, guztiok gonbidatuta zaudetelarik:

Usaetxen asteazkenean (urtarrilaren 29an) ospatuko dira eta Ludoteka itxura aldatzen ari direla aprobetxatuz honekin jarraitzeko ideiak proposatu dituzte! Gainera, ludotekan duten laguntxo berriari, izena ere jarriko diote!

Okendon ostegunean (urtarrilaren 30ean) ospatuko dira eta laster San Blas-ak direla aprobetxatuz San Blas opil goxoak prestatuko dituzte.

Santamainako ludotekan berriz, ostiralerako (urtarrilak 31) prestatu dute ekintza berezia. Beraien ortuan lanean fin fin dabiltzala aprobetxatuz eta auzolana bultzatzeko asmoz ortuan birlandatzen jarraituko dute. Gainera, ludoteka apaintzeko eta beraien ideaik bertan jasotzeko asmoz arbela berri bat ere sortuko dute!

Animatu zaitezte gurekin gozatzera!!

Gaurko honetan Santainamako berriekin gatoz. Pasa berri den astean ludoteka kanpoan daukagun ortuko egin berrien heldu diegu umore eta gogo handiz.

Asanbaldan erabakitako barazki batzuk landatu ditugu dagoeneko; letxugak, brokoliak, patatak…

Guraso batek ekarritako haziak gure hazitegian ernatu ostean ortuan birlandatu ditugu.

Landatzen ari ginela, ezuzteko ederra eman zigun naturak. Iazko lorontzi batean letxugak hazi dira!!!!!

Honetaz gain aurreko ostiralean txistorra jana antolatu zuten haurrek.

Aurten gure Okendo maiteak, 11. urte bete ditu, jada 11 urte pasatu dira Txatxilipurdik Udalarekin elkarlanean ludotekako ateak ireki zituela.

Ludoteketako haur eta hezitzaileok gogor aritu gara lanean azken aste honetan. Ohikoa izaten da urteurrenetan gurera artistarenbat gonbidatzea, mago, ipuin kontalari edo dena delako bat. Aurten ordea, artistak gu geu izan gara Sudur gorri artista koadrila ederra elkartu ginen ostiralean Okendoko ludotekan.

Bertan ludoteka ezberdinetako haur , hezitzaile eta helduak elkartu eta arratsalde ahaztezin batez gozatu genuen. Ikaragarria eta gozoa izan zen, batetik, haurrek prestatutako ikuskizunengatik eta bestetik, jaki gozoak dastatu genituelako. Izan ere, gonbidatutako beste ludoteketakoak ez baitziren esku utzik gerturatu, ikuskizun eder eta jaki goxoez beteta etorri ziren gurera. Gurekin batera egun zoriontsua konpartitzera.

 Beste behin ere aho zabalik utzi gintuzten gure haur eta gaztetxoek, duten sormen eta ekimenarekin.

Okendo ludotekak, urte askoz jarraitu nahi ditu horrelako uneak guztiokin partekatuz!!!! Besarkada eta esker beroenarekin Eskerrik asko guztioi!!!

LUDOKENDO

 Gaurkoan, Usaetxeko ludotekatik notizia berri batekin gatoz., Laguntxo berri bat daukagu gure artean eta ongi etorria merezi duela uste dugunez, tartetxo bat eskainiko diogu.

 Oraindik izena zehazteko daukagu, baina oso ondo zaindu eta gugandik maitasuna jasoko duela argi daukagu. Izan ere, lehenengo momentutik, jana ematen eta bizilekua garbitzen aritu gara.

 Tamainaz txikia eta laranja kolorekoa da. Bere bizilekua oso umela da eta alde batetik bestera mugitzeko, hegatsez baliatzen da. Gainera, ludotekako bazkide guztiak bezala bihurri aurpegia dauka eta xelebrekeriak egitea gustuko duenez, ziur gaude oso ondo eramango garela berarekin.

ONGI ETORRI ARRAINTXO!

Haurren gabonetako oporraldiak aprobetxatu guran, ludotekak elkartu eta elkarrekin bi egun ezinhobeak pasa ditugu. Alde batetik, 26an Okendoko ludotekan zine emanaldi erraldoian Basalagunak filma ikusi genuen, bertako gela bat egokitu eta goxotasunean arratsaldea pasatuz. Beste gelan ordea, ederto pasa genuen ludoteka desberdinetako haur zein helduek jolas eta irri artean.

Bestetik, aurreko urteko arrakasta kontuan harturik, aurten ere Durangoko izotz pistara txangoa egin genuen hiru ludoteketako haur, guraso eta ludotekariek. Goiz osoa bertan igaro genuen ipurdiko, labankada eta algarak lagun izanik. 2013ari agur esan eta 2014. urteari jolasean jarraitzeko desioz eman diogu ongi etorria.

Urteko azken aste hauetan ekintza desberdin ugari egin ditugu Santamainako ludotekan 2013a agurtzeko eta asanbladaren bat edo beste ere egin izan da 2014ra begira, batez ere ortuan egingo ditugun ekintzak erabakitzeko. Argazkietan ikus daitekeenez, betiko jolasetaz gain, eskulanak egiten ere ibili izan dira haurrak guraso batzuen laguntzarekin, beti ere ongietorria den parte hartzea noski !

Gogoratu aste honetan, ludoteketatik ekintza bereziak antolatu direla. Abenduaren 26an Okendoko ludotekan zine emanaldia izango da eta 27an berriz, Durangoko izotz pistara egingo dugu irteera ludoteketako gaztetxoekin, bizi pozez beteriko agur bat emateko amaitzear dagoen urte honi, euskeraren eta jolasaren eskutik.

Urte berri on guztiontzako Santamainako ludotekatik !!!

Oraingoan Usaetxe ludotekako gurasoak txalotzera gatoz. Hauen parte hartzea oso aberasgarria baita, bai haurrak animatu eta txalotzeko eta baita gurekin jolastu eta ekintzetan parte hartzeko ere.

Ludotekan egin oi dugun bezala euskaraz jolastuz hezitzaileoz gain, beste eredu oso garrantzitsu bat eskaintzen baitizkiete haur eta gazteei. Euskaraz ez dakienak ere, saiatuz jarrera ona erakusten badu, guztiz onargarria eta txalotzekoa da.

Hauekin batera gure ludotekako nagusienei ere milaka esker ematen diguten laguntza eta alaitasunagatik.

ESKERRIKASKO DANOI !!! AUPA ZUEK!!!

Ludoteketan egunero ospatzen dugu euskararen eguna, baina abenduak 3an eguna indartzeko asmoarekin jolas erraldoi bat burutu genuen. Haur asko elkartu ginen eta primerako arratsaldea pasatu genuen. Mimika bidez egoera desberdinak antzeztu genituen, musika lagun hartuta abesti desberdinak kantatu genituen, marraztuz sormenari egin genion leku eta froga desberdinak eginez gure erronkak lortu genituen bakoitzean puzzle zatiak lortu eta amaieran horma irudi bat egin genuen Seber Altube plazan jartzeko. Lema garrantzitsu batekin “Jakingo bazau ze poltta dan zu euskaraz entzutia”.

Baina berriz ere gogoratu behar dugu euskara ez dela urtean behin ospatzen eta erabiltzen den hizkuntza, Ludotekak eredu hartuta, zatoz gurekin 365 egunetan jolastera!!