Udaberria heldu dela eta, Txatxilipurditik eskaintza zabala dugu Arrasateko haur eta gaztetxoentzat.
IRAJOSI:
Irudimena erabiliz, Arrasateko auzo desberdinetako haurren artean ipuin erraldoi bat sortuko dugu. Honenbestez, auzoz auzo gerturatuko gara larunbatero 16:30etatik 18:30etara bitartean. Beraz, aurreko auzoan hasiera emandako ipuinari jarraipena eman eta eskulanen bitartez ipuina sortzea gustuko baduzu, zatoz gurekin irakurri eta jostera!!
Larunbat honetan Arimazuriko plazan elkartuko gara 16:30tan, zatoz zu ere guztion artean sortuko dugun ipuinari hasiera ematera!
PLAZALAI:
Herriko plazetan jolas ezberdinak ikasi, lagun berriak egin eta auzoetako plazak kolorez busti nahi badituzu, zatoz igandero arratsaldetan 16:30etatik 18:30etara gurekin jolastera!
Igande honetan San Andreseko Maiatzak 1 izeneko plazan elkartuko gara 16:30tan, zatoz plazak alaitzera Plazalai-ra!!
LARUNBLAI:
Hilean larunbat batez lagunartean tailer ezberdinetaz gozatu nahi baduzu, zatoz gurekin larunbat honetan Musakolako San Antolin herri eskolara 11:00etatik 13:00etara bitartean. Beraz, larunbat honetan poltsak apaindu nahi badituzu, zatoz gurekin eskulan zoragarriak egitera!
UDABERRIKO ASTEBURUTAN…
EZ ZAITEZ ETXEAN GELDITU!
