Jose de Azpiazu Musika Eskola irabazi asmorik gabeko elkartea da eta bere helburu nagusiak musika zabaldu eta Oñatiko bizitza kulturalaren zati garrantzitsua izatea dira.
Gaur egun Jose de Azpiazu Musika Eskola 15 irakaslek osatzen dute eta honako espezialitate hauek eskaintzen dira: Eskusoinua, Baxua, Bonbardinoa, Kantua, Klarinetea, Zeharkako Xirula, Gitarra Klasikoa, Gitarra Elektrikoa, Panderoa, Perkusioa, Pianoa, Trikitixa, Txistua, Tronboia, Tronpeta eta Biolina. Baita irakasgai osagarriak ere; Musika Tailerra, Lengoaia Musikala, Korua, Informatika Musikala, Armonia, Analisi Musikala, Band in a Box / Cubase eta espezialitate desberdinetako Talde Instrumentalak.
Musika eskolaren helburua da, azken finean, espresatzeko eta gizarteratzeko balioko duen heziketa artistikoa eskaintzea. Baita zaletuaren jarduna zabaldu eta ikasle tituludunen garapena indartzea, modu horretan, inguru kultural esanguratsua sortuz.