Ni galdeketa demokratikoen alde nago, jakina! baina pentsatzen dut hondakinak jasotzeko sistemaren inguruan ezin dela galdeketarik egin. Zergatik? galdetuko du norbaitek. Oso sinplea da. Hondakinak ondo kudeatzea ez da eskubide bat, ahal eta gehien birziklatzeko betebehar bat baizik. Gauza batean denok ados gaude, edo azaletik hori ematen du gutxienez, birziklatzea ezinbestekoa da!<\/p>\n
Hori horrela baldin bada, bilatu behar dugu gehien birziklatzeko aukera ematen duen sistema. Beraz, ezin da bozkatu zein sistema erabiliko den, edo zein den erosoena niretzat, gehien birziklatzen duen sistema ezarri behar da eta kitto. Eta hori zerbait objektibo eta neurgarria da! Kontzientzia ere indartu behar da, baina hori ez da nahikoa. Zergatik? galdetuko du berriz norbaitek. Eta oraingoan adibide batekin erantzuten saiatuko naiz.<\/p>\n
Zuek uste duzue gidatu behar denean alkoholik ez edateko kontzientzia badagoela? Jakina! Horretan ere kontzientzia asko igo da azken urteetan eta jendea kontuz ibiltzen da. Uste dut honetan ados egongo zaretela nirekin, ez? Hala eta guztiz ere, isunak ez balira egongo eta gidatzeko puntuak ez balituzte kenduko\u2026 Kuadrilla asko eta asko nola uste duzue joango zirela horiek kendu eta hurrengo larunbatean sagardotegira? Denok ezagutzen dugu erantzuna, ez? Beraz, gizakiok garen bezalakoak gara eta momentuz neurri zigortzaile batzuk behar ditugu, horiek gero eta gutxiago izatea espero dut.<\/p>\n
EAJ-PNV, ordea, beste edozein gai inguruan orain arte galdeketa guztiak oztopatu eta debekatu izan dituenean, bat-batean galdeketen babesle handiena bezala agertu nahi du. Edozein gauzaren aurretik, galdeketa bat egiterakoan zintzotasunez jokatzeaz gain, konfiantza ere eskaini behar da. Eta hori da, hain zuzen ere, EAJ-PNV-k galdu duena Zizurkilen. Nik, egia esan, ez nuen ulertzen herritar talde batek eskaera hori eginda, zergatik ez zuten onartzen begiratzaileak mahaietan. \u00a0Beste talde batek, ordea, ederki frogatu du zergatik ez zuten nahi begiratzailerik\u2026<\/p>\n
Begira Egoitz Sorozabalek, Zizurkilgo EAJ-PNVko zinegotziak, nola uzten duen iruzurra egitea bideo honetan:<\/p>\n
https:\/\/www.youtube.com\/watch?v=V5uadTgD2ZI&feature=player_embedded<\/a><\/p>\n EAJ-PNV-ko Zizurkilgo alkate ohiak, Mari Angeles Lazkanok, ere iruzurra gauzatzen utzi du esteka honetan ikus daitekeen bezala:<\/p>\n http:\/\/www.naiz.info\/eu\/mediateca\/video\/irregulartasunak-atez-atekoaren-kontrako-plataformak-deitutako-herri-galdeketan<\/a><\/p>\n Beti lezioak ematen eta ipurdia bistan gelditu dira. Hauei herriko dirua kudeatzen uzteko moduan\u2026 Beste batzuen dimisioa eskatu beharrean, zeren zain zaudete zuen alderdikideena eskatzeko?<\/p>\n","protected":false},"excerpt":{"rendered":" Ni galdeketa demokratikoen alde nago, jakina! baina pentsatzen dut hondakinak jasotzeko sistemaren inguruan ezin dela galdeketarik egin. Zergatik? galdetuko du norbaitek. Oso sinplea da. Hondakinak ondo kudeatzea ez da eskubide bat, ahal eta gehien birziklatzeko betebehar bat baizik. Gauza batean … Jarraitu irakurtzen