Quantcast
Guraso.eus

Hezkuntzaren erronka berriak ezagutzen

EHUko Udako Ikastaroetan “Hezkuntzaren erronka: online eta aurrez aurreko ikaskuntza prozesuak uztartzeko estrategiak” ikastaro online-a emango du Virginia Lacarra irakasleak. Ikastaroa Eusko Jaurlaritzako Hezkuntza Saileko baliozkotzea eskatuta dago unibertsitateaz kanpoko irakasleentzat eta ikastaroan zehar 4 gai jorratuko dira: Hezkuntza ereduaren paradigma berria (Blended learning, hibridazioa, ikastaro mistoak), Zer eta nola ebaluatu? (Online eta aurrez aurreko metologian nola integratu ikasleen ebaluazioa), Estrategia metodologikoak (unitate didaktikoak eta tresnak digitalak. Gamifikazioa, multimedia digitalak, bideo tutorialen ekoizpena) eta Proiektua (unitate didaktikoa ekoiztea, tutorial bat, app-a…).

Ikastaroaren helburu nagusiak pandemiak eragindako hezkuntza ereduari buruz hausnartzea, ikasleei egokitutako bideo digitalak garatzen ikastea, horien atentzioa errazago lortzeko, paradigma berria eta ebaluazio hezitzailea integratzeko baliabideak bereganatzea, Flipped classroom eta blended learning deituriko metodologien gakoak ezagutzea eta datorren ikasturteari begira irakasleei baliabide gehiago helaraztea. Jarduera unibertsitateko ikasle zein irakasleei zuzenduta dago.

Informazio gehiago eta argazkiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading