Quantcast
Guraso.eus

Eskolak naturara zabaltzeko grinak pizten

Gaur egun bizi dugun pandemia-egoeran, haurrak eskoletara itzultzeak kezka handia sortu du hezkuntza-komunitate osoan. Iparraldean, haurrak alarma egoerak agindutako segurtasun neurriekin itzuli dira, eta hegoaldean, itzulera hori nolakoa izango den jakiterik ez dagoen arren, antzeko neurriak hartzea espero dutela dirudi.

EHUko Udako ikastaroko antolakuntzaren arabera, beste zenbait herrialdeetan (Norvegian, Danimarkan eta Eskozian, esaterako), eskoletara itzulera alarma egoerako lehen fasetan egin da eta birusaren kutsadura gutxitzeko neurri ezin hobea hartu dute: haurrak ikasgela barruan sartu beharrean, eskolak naturara irekitzea erabaki dute. Neurri honek, gainera, haurren behar afektiboak, ongizatea eta eskubideak (jolasa eta ingurumenarekin harremana) bermatzen dituela diote antolakuntzatik.

EHUko Udako Ikastaroetan gai honek lekua izango du  “Naturan hezi, orain da unea!” ikastaro online-an, Maialen Sistiagaren eskutik. Bi ikastarotan izango dira, eta lehenengorako plazak agortuta daude. Ikastaro honen helburua, eskolak naturara zabaltzeko grina piztea da, egun bizi ditugun egoerei aurre egiteko irtenbide gisa. Eskola-sistemako eragileengan jasangarritasunarekiko konpromezua indartu nahi dugu eta horretarako, irakasleak naturan hezteko prestatu nahi ditugu.

Ikastaroaren helburu nagusiak naturan ikasteko ereduak, egungo pandemia eta klima-larrialdi egorei aurre egiteko tresna bezala ulertzea, irakasleak naturaren ezagutzan, jolas librean eta entzute-aktiboetan oinarritutako pedagogietan formatzea, euskal curriculuma naturalizatzea eta haurrek naturaren bidez konpetentzia guztiak bereganatzeko eta naturarekin harremana handitzeko aukera ematea dira. Jarduera unibertsitateko eta beste unibertsitateetako ikasle zein irakasleei, profesionalei eta publiko orokorrari zuzenduta dago.

Informazio gehiago hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading