Quantcast
Guraso.eus

Elkarretaratzea Iruñean Haur Eskolak Euskaraz plataformaren eskutik

Iruñeako Udalak haur eskoletan euskarazko plazak errotik murriztu ostean, hizkuntza eskubideak defendatzeko eta datorren ikasturtean plaza publikoak berreskuratzen saiatzeko ez ezik, aurtengo eskaria herri eskolaren bidez hornitu ahal izateko sortu da HE Gurasoak plataforma eta asteazkenean elkarretaratzea egin zuten Iruñean, Udal plazan,18:00etan.

Argazkia: Alternatiba Nafarroa

HE Gurasoak elkarteak ekaina hasieran ohar baten bidez jakinarazi zuen, Iruñeko Udaleko eta Nafarroako Gobernuko talde politiko guztiekin bildu ostean, “Ez zuela irtenbiderik lortu haur eskoletako euskarazko plazen murrizketa saihesteko”. Horregatik, HE Gurasoak plataforma Herri Haur Eskola edo Herri Haur Eskola baten sorreran murgilduta dagoela”.

Proiektu horren berri emateko, plataformak txosten bat egin du, eta bertan azaltzen du Herri Haur Eskolaren helburu nagusia  “kalitatezko hezkuntza eskaintzea, Iruñean bizi diren pertsona guztien euskara-eskubidea bermatuz eta helburua sistema publikora itzultzea eta hura defendatzea izanik”.

Aurrematrikulazio garaian gaude eta kezka nabaria da familia askoren artean; izan ere, Navarra Sumak iragarri duenez, Iruñeko Udalaren menpe dauden eskoletan euskarazko plazen kopurua murriztuko du –hurrengo hiru urteetan %14raino–. Epaitegiek “atzera bota zuten aurreko legealdian eginiko plazen gehikuntza eta epai hori bete beharra argudiatzen dute orain, atzera duela bost urteko kopuruetara jaisteko”. 

Iruñeko Udalaren Haur Eskolen Erakunde Autonomoa datorren ikasturtean zehar haur eskolen eskaintza egokitzeko bilduko dela ere gogorarazi du EH guraso plataformak ateratako oharrak, eta “data horri begira mobilizatzen jarraitzea garrantzitsua” izango dela gaineratu zuen. Honen adierazgarri izan da asteazkenean Haur Eskolak Euskaraz plataformak deituriko elkarretaratzea.

Interesa duten familiak harremanetan jar daitezke hegurasoak.harrera@gmail.com helbidera idatziz txostena eskatzeko edota edozein zalantza argitzeko.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading