Gaztetxokoak

Kaixo kaixooo!!

Zer moduz joan zen Maritxu Kajoi eguna??? Guk behintzat ezin hobeto pasatu genuen!!

ETB1-eko “Hi, selfie!” saioa imitatuz arratsalde ederra pasatu genuen Arrasateko kaleetatik selfiak ateratzen!

Gazteek asko disfrutatu zuten jokuaz dotore-dotore jantzita 🙂

Baina Maritxu Kajoi egunarekin ez genuen nahikoa izan, zapatu eta domekan gauza ezberdinak egin genituen, beti bezela ezin geldirik egon!

Pipa azalak bertan botatzeko edalontziak apaindu genituen, “pipontzi” izena jarri genien:

Domekan bisita polit bat izan genuen, Miren izeneko neska batena.  Mirenek Hego Amerikatik bidaiatzen pasatu ditu azken 18 hilabeteak eta bere bidaia eta esperientzia kontatzera etorri zen.

Askooo gustatu zitzaigun bidaiaren kontakizuna eta horrelako abenturetan murgiltzeko irrika sortu zitzaigun!!

Erguinen ere ederto hasi dugu ikasturtea!! Ekintza eta proiektu berriak ditugu esku artean. Sukaldaritzekin hasi gara jadanik, errezeta goxoak eginez. Gainera ortua martxan jartzeko asmoz, haziak eta lurra erosi eta hauek erein ditugu, barazkiek duten zikloa ikusi eta ikasteko asmoz.

Gainera lekua itxura berritzeko nahia daukagunez, kanpokaldea txuritzen ibili gara, aurrera begira grafitia egiteko asmoz.

Beraz, aktibo gaude eta gurekin ondo pasa nahi baduzue, gerturatu gugana!!

Kaixoooooo!!!

Erdigunean topera ibili gara irailean!!!!

Duela bi asteburu sukaldari lanetan ibili ginen errezeta beganoak egiten!

Arroza barazkiekin, barazkiez betetako berenjenak eta postre bezala fruitu lehorrekin eginiko gailetak!!

Azken asteburu hontan, aldiz,  gure zabor ontziak margotu eta apaindu egin ditugu, gaztetxokoari bizitasun eta kolore gehiago emateko!

Sukaldari eta margolari lanetan aritu arren beti dago denbora gure artean hitz egiteko, ping pong-ean jolasteko, pelikulak ikusteko…GU EZ GARA ASPERTZEN!!

Sananek topera hasi du ikasturtea!!Gazte asko hurbildu dira Gazte Txokora kurtso hasiera honetan eta udako deskantsuaren ostean sortzaile gatoz!!

Tailerra lokaleko txokorik preziatuena bilakatu da, gazteak gustora aritzen dira proiektu desberdinak sortuz, besteak beste, mikropatinerako aldapa zein parking-a eta bizikletarako otarra eraiki dituzte.

Sukaldaritzak ere badu indarra, saio pare bat egin ditugu gazteen gosea asetzekotan.

Hortaz gain betiko martxan jarraitzen du Gazte Txokoak, gazteen momentuko motibazio eta ilusioak egi bihurtuz!!!

Oraindik ez bazara Gaztetxokotatik pasa, hementxe ordutegia!

SAN ANDRESEN, ERGUINEN, MUSAKOLAN eta ERDIGUNEAN AURKITUKO GAITUZUE!

Udaixe zapore goxo-goxo batekin amaitu dugu!

4 egunez Leixargarate, Alabitta, Erlaitz eta Arlutz inguruan ibili gara hauntzak bezala mendian aske, lagun taldean eta eguneko erronkei aurre egiten!!!

Katamixarrek, Basurdeek, Saiek eta Orkatzek, lau taldeek, sekulako talde sena eta elkartasuna erakutsi dute. Baina aurten, denetan garaile, Katamixarrak izan dira! ZORIONAK ZUEI!!!