Gaztetxokoak

Ir a descargar

Urriko igandetan perkusio eta hankapalo tailerrak egongo dira gaztegunean.

Noiztik
zara hezitzaile? Noiztik Musakolan?

Hau nire
bigarren urtea da Musakolako Gaztetxokoan hezitzaile lanetan ari
naizela eta hemen bertan hasi nintzen.

Nerabezaroa
krisi aroa dela esan ohi da, ume izatetik heldu izatera pasatzeko
adin tarte zaila. Ados zaude baieztapen horrekin? Zergatik?

Bai ados
nago. Hala ere badirudi krisia hitzak konnotazio negatiboa duela eta
ez du zertan horrela izan. Garai konplexua izaten da nerabezaroa,
alor ezberdinetan aldaketak ematen baitira, esaterako, alderdi
fisikoan ematen diren aldaketak daude eta hauek onartzea zaila izan
daiteke zenbait kasutan. Bestalde, garai honetan haur izateari uzten
dioten gazteek, beste erreferente eta eremu batzuk topatzen dituzte.
Pixkat lehenago gurasoak (etxekoak) ziren beraien erreferente eta
babesa, orain berriz, lagun taldeak (koadrilak) garrantzia handiagoa
hartzen du eta taldearen onarpena bilatzea gazteen kezka
nagusienetako bat izaten da.

Gainera,
nerabeak ordura arte etxetik jaso duen zenbait gauzarekin apurtzea
bilatzen du eta esploratzea tokatzen zaio garai honetan, ordura arte
ohikoa izan denak ez du zertan horrela jarraitu eta
gutxinaka-gutxinaka bere interesak definitzen joango da.

Nerabezaroa
garai zaila izanda, eurekin lan egitea ez da erraza izango, ezta?
Hala uste baduzu, zergatik da zaila eurekin lan egitea?

Esan
bezala, nerabezaroa ez da garai erraza eta gazteek gurekin
konpartitzen dituzte beraien kezkak, zalantzak etab. Eta konpartitzen
ez dituztenak ere ikusten ditugu, laguntzen ahalegintzen garelarik
baina beti ez da erraza izaten. Hala ere, gazte bakoitzak bere egoera
pertsonala bizi du eta kasuen araberakoa izaten da, batzuetan
errazagoa, beste batzutan zailagoa.

Zailtasun
hau baina, aldagai ezberdinek baldintzazen dute, izan ere, gu ere
(hezitzaileak) pertsonak gara eta egunero ez gaude aldarte berean,
hau igarri egiten delarik. Baliteke egun batean edozein arrazoi
pertsonal dela medio norbera oso aldarte oneko ez egotea edo nekatuta
aurkitzea eta nerabeek sekulako energia dute, beraz indarrak ahal den
lekutik atera beharra izaten da, nahiz eta gazteekin dugun
harremanaren arabera, beraiek ederto dakiten nola aurkitzen garen.

Gainera,
ez da ahaztu behar, hezitzaile garen heinean, uneoro beraien eredu
garela, baina, berriz ere diot, pertsonak garen einean gu ez gara
perfektuak eta gure akatsak ere egiten ditugu, hala ere, beti gaude
hauek onartu, gure artean (hezitzaileon) eztabaidatu, hausnartzeko
eta hobetzeko prest. Pertsonekin lan egiten dugu eta badakigu gazte
askorengan eragin dezakegula. Hau ardura handia da, baina era berean
pribilegioa, egiten dugun lanean sinesten baitugu eta daukagun onena
ematen saiatzen gara.

Nolakoa
da gaztetxoekin duzuen harremana? Zein da zuen lan metodología,
funtzionamendua?

Ez da
erreza gazteekin dugun harremana definitzea, izan ere, harreman
ezberdinak ditugu gazte ezberdinekin. Batzuk Gazte Txokora noizean
behin etortzen dira, zerbaitetan jolastu edo gurekin pixkat egon eta
joan egiten direlarik (asko eskolaz kanpoko ekintzak egitera) , beste
batzuk, auzokoak batez ere, sarriago etortzen dira eta erlazio
sakonagoa eta aberatsagoa egin ahal izaten dugu.

Gazteen
konfidantza irabazteak bere denbora eskatzen du eta egunez egun
elikatu behar da harremana gazteak ongi ezagutu ahal izateko.

Bestalde,
hezitzaileon papera ere berezia da, izan ere, egunean ordu batzuez
beraien “arduradunak” izaten gara, baina ez gara ez beraien
irakasleak eta ez beraien gurasoak . Gure hezitzaile irudia
ezberdina da, agian autoritate maila gutxiagokoa, hori dela eta,
beste era batean hurbiltzen zaizkigu, era adiskidetsuagoan. Honek,
gazteak ezagutzeko eta zenbait lanketa egiteko aukera ematen digu,
beraien bidelagun garelarik etapa honetan. Hala ere, batzuetan
jarrera autoritarioa hartzea ere tokatzen da.

Gazte
Txokoen funtzionamenduari dagokionez, alde batetik bitartekoak
eskeintzen dizkiegu gazteei beraien aisialdia antoltzeko eta
bestetik, guk ere ekintza eta tailer ezberdinak antolatzen ditugu.
Gazte Txokoen asteko egitaraua erabiltzaile guztien artean (asanblada
bidez) adosten saiatzen gara, baina beti ez da erraza izaten.
Bestalde, Gazte Txokoen funtzionamendu ona guztion ardura izaten da,
errespetuzko elkarbizitza bat bultzatzen dugularik eta lehen
autoritatea aipatu badut ere, saiatzen gara gazteek uler dezaten
guztiona dena ez dela zaindu behar arau bat dagoelako, elkar
errespetatzen dugulako baizik. Materialarekiko, hezitzaileekiko,
kideekiko eta bizilagunekiko errespetua gazte txokoaren
funtzionamenduaren oinarria da.

Nolakoa
da, beti ere zure esperientzian oinarrituz, gaztetxoen sorkuntzarako
gaitasuna orokorrean?

Gazte
guztiek dute sorkuntzarako ahalmena eta sortzeko milaka modu daude,
marrazkia, musika, sukaldaritza, bertsoak, antzerkia, txisteak, skate
trukoak… edozer gauza.

Kontua da,
betidanik esan izan digutela gauzak nola egin behar diren eta bat
batean ez badigute zerbait zehatza eskatzen ez dugu jakiten nola
egin. Gainera, konplejo asko dago eta gauzak gaizki egiten
ditugulakoan nahiago izaten dugu badaezpada ez egitea. Hau ez da
gazteen arazoa soilik, gizarteko arazoa da.

Sortzailetasunak
berez irten behar duela uste dut eta gainera uste dut guztiok dugula
era bateko edo besteko ahalmena, baina denbora ere eskeini behar
zaio, elikatu egin behar da eta batez ere gozatu.

Euskaraz
lan egiteko arazorik bai?

Hizkuntza
errealitate ezberdinak bizi dituzten gazteak etortzen dira gurera,
ama hizkuntza euskara dutenak, ama hizkuntza gaztelania dutenak,
etorkinen seme-alabak, koadrilan euskaraz egiten dutenak, gaztelaniaz
egiten dutenak…

Aniztasun
handia dago eta guri gehienak euskaraz hurbiltzen zaizkigun arren
askok beraien artean gaztelaniaz hitz egiteko joera daukate. Gu hor
eragiten saiatzen gara.

Ahaztu
zaidan zerbait? / Zerbait gaineratzerik nahi?

Gazte
Sailean talde lanean aritzen gara eta hau neretzat oso esperientzia
aberasgarria da, etengabe ikasten eta hobetzen gaudenaren sentsazioa
baitut eta sekulako taldea dugula uste dut. Gainera, lehen esan
bezala, pribilegioa da sinisten duzun eta motibatzen zaituen proiektu
batean lan egitea.

Bukatzeko,
esan beharra dago, gazteekin lan egiteak, satisfakzio eta poz handiak
ere ekartzen dituela eta uste dut gazteek gure lana eskertzen
dutela.

…

• Noiztik zara
  hezitzaile? Noiztik Erguinen?

Aurtengoa hirugarren
urtea izango da txatxilipurdin. Aurreko bi urteak Musakolako Gazte
Txokoan egon eta gero, aurten Erguineko Gazte Txokoan egongo naiz,
beraz, neuretzat erronka berri bat izango da.

• Nerabezaroa
  krisi aroa dela esan ohi da, ume izatetik heldu izatera pasatzeko
  adin tarte zaila. Ados zaude baieztapen horrekin? Zergatik?

Gazte bakoitza bakarra
denez, nerabezaroa bakoitzak bere modura pasatzen duen krisi bat dela
uste dut, beraz, guztiz ados nago. Aldaketa asko jasaten duten garaia
da, nortasuna finkatzen hasten dira, beraien autonomia areagotzen
hazten da, erabakiak hartzen hasten dira, lagunekin harremanak
aldatzen joaten dira, espazio publikoaren parte sentitzen hazten dira
eta itxura aldatzen joten zaie besteak beste.

• Nerabezaroa
  krisi aroa izanda, eurekin lan egitea ez da erraza izango, ezta?
  Hala uste baduzu, zergatik da zaila eurekin lan egitea?

Gure hezitzaile lana
ongi burutzeko, beharrezkoa da beraiek gugana hurbildu eta gugan
konfiantza izatea. Hori litzateke beharbada hasiera baten zailena eta
ondoren egunerokotasunean, beraien beharrak detektatzea, beraien
kezkak argitzea, gatazken aurrean berauek kudeatzea, beraien artista
txikia azaleratzea eta abar izaten da gure lana. Nahiz eta egun edo
garai batzuk zailak izan, beste momentu askotan asebeteta irteten
gara lanetik gazteengatik harro sentituz.

• Nolakoa da
  gaztetxoekin duzuen harremana? Zein da zuen metodologia,
  funtzionamendua?

Gu gazteekin bide-lagun
izaten saiatzen gara eta horretarako, beraiekin daukagun harremanak
sendoa izan behar du, konfiantzazkoa. Lehen aipatu bezala, gazte
bakoitza bakarra eta berezia denez, ez da berdina izango guztiekin.
Gazte batekin, agian, hilabete beharko duzu harremana sendotzeko,
beste batekin, aldiz, bost hilabete. Bakoitzak bere erritmoa dauka
eta gainera ezinezkoa izango da denekin konfiantza berdina izatea.

Gure Gazte Txokoetako
metodologia, labur esanda, helburu batzuk finkatuta hauek lortzeko
estrategiak burutzea litzateke. Estrategia hauek modu eta baliabide
ezberdinak erabiliz burutzen ditugu eta amaitzeko, baloratu egiten
dugu emaitza edo prozesua bera.

• Nolakoa da,
  beti zure esperientzian oinarrituz, gaztetxoen sorkuntzarako
  gaitasuna orokorrean?

Gazteak etengabe ari
dira sortzen baina aspektu askotan, neure ustez, mugatuta daude. Beti
eman diete egin behar duten eredua eta hortaz, librea denean sormena
askatasunez erabiltzea batzuei kosta egiten zaie. Gizarteak etengabe
ereduak eskaintzen digu/die eta gu hauek apurtzen saiatzen gara,
gazte bakoitzak, nahi bezala askatasunean sortzeko eskubidea
daukalako.

• Zein ekarpen
  egiten dio Erguingo Gazte Txokoak auzoari berari?

Nahiz eta ni bertan
hasi berria izan, badakit Erguingo Gazte Txokoak auzoari egiten dion
ekarpena, anitza dela. Gazteak bertan elkartzeko, euskaraz
mintzatzeko, jolasteko, proposatutako proiektuak egiteko, berriketan
egiteko, kezkak argitzeko… espazio bat izateaz aparte, aurten auzoa
biziberritzeko asmoz gatoz. Gazteak auzoa beraiena sentitu eta
eskaintzen dizkigun txokoak erabili dezaten nahi dugu.

• Euskaraz lan
  egiteko arazorik bai?

Gazte Txokoan aurreko
bi urteetan, ez dut euskaraz lan egiteko arazorik izan, gazteen
gehiengoak euskara menperatzen du. Kasuren baten gazteak euskaraz
ezer ez jakiteagatik euskaraz eta gazteleraz egin behar izan diogu
hezitzaileok baina hau ez da oztopo bat izan guretzako.

Gaztetxokoak ireki dira eta aurtengo hezitzaile taldea martxan da!

Normal
0
21

false
false
false

MicrosoftInternetExplorer4

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

Udaixe
ekimenaren barruan azken irteera, 8.ekintza, egin dugu hiru egun hauetan.
Orio-Aiako Zingira kanpinera joan gara 18 neska mutilekin hain zuzen ere.
Bertan bi hezitzai8le egon gara, Jon Olivares eta Olatz Urkia.  Primerako eguraldia egin digu hiru egunetan
zehar eta ezin hobeto pasa dugu arrainak bezala uretan ordu asko pasata.

Lehenengo
egunean kanpinean kanpinak muntatu, gure artean antolatu eta ezagutu eta
inguruak ezagutu genituen. Orioko hondartzan arratsalde pasa ederra eman eta
berriz ere kanpinera bueltatu ginen. Gauean, afal ondoren, apur bat berriketan
egin genuen pasatako egunari buruz eta hurrengo egunekoari buruz eta gero jolas
batzuk egin genituen korruan. Honen ondoren oheratu ginen eta gazteen oheratu
aurreko berriketan egon ziren arren gustura egin genuen lo.

Bigarren
eguna berriz oso intentsua izan zen. Goizean goiz jaiki eta gosaldu eta
indarrak hartu ondoren, Oriotik Zarautzera oinez egin genuen eta gero han
bertan Surf ikastaroa jaso genuen. Oso ondo pasa genuen olatuetan, gainera
itsasoa ere zakar xamar zebilen eta olatu dezente zeuden surfean aritzeko. Eta
arratsaldea bertan lasai pasa ondoren Oriora bueltatu ginen, dutxatu eta
afaltzera. Gaubeletan berriketa asko egin dugu eta atzo baita kantuan egin ere,
gitarra  doinuak eta abesteak gazteak
apur bat lasaitu ondoren, ohera joan ginen eta denak lo seko gelditu ziren,
leher eginda baitzeuden.

Azken
egun honetan, gosaldu, kanpin guztiak jaso, den atxukundu eta Orion
hamaiketakoa egin dugu. Hondartzan bandera gorria zela eta ezin izan dugu azken
bainua hartu baina bertako gazte batzuekin jolasean bukatu dugu goiza.
Arratsaldeko hiruetarako Arrasatera iritsi gara poz-pozik. Gazteak agurtu eta
uda ona izan dezatela opa diegu.

Normal
0
21

false
false
false

MicrosoftInternetExplorer4

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

Gaur,
Udaixeko 7.ekintza bezala, Paintball egitera joan gara Lasturrera 37 gazte eta
lau hezitzaile. Goizeko 10etan elkartu gara Aramaixoko gazteekin han bertan,
eta Arrasateko Garibai geltokitik jaso ditugu beste hainbat gazte.

Lasturrera
heldu eta euri zaparrada batek egin digu ongi etorria, baina gogotsu ekin diogu
ekintzari. Paintballeko arduradunen azalpenak adi-adi entzun eta taldeak egin
ondoren, jolasteari ekin diogu. Aitortu beharrean gaude azalpenak entzun
ondoren, jolas honek izan ditzakeen arriskuak kontuan hartuta, urduri xamar hasi
garela jolasean, baina hastearekin bat, gustua segituan hartu diogu jolasari.
Bertan bi ordu eta erdi pasatxo eman ditugu jolasean eta hau bukatu bezain
laster, Zumaiako hondartzarantz joan gara.

Bertan
bazkaldu eta bainu eder batzuk hartu ditugu. Eguraldia ordu honetarako ederki garbitu
da eta zoragarri gelditu da uretan arrainak bezala ibiltzeko. Nahi baino
motzagoa egin zaigu hondartzaz disfrutatzeko momentua, baina 6ak aldera berriz
Arrasaterantz bueltatu gara eguna fenomeno pasa ondoren. Taldea bikaina izan da
eta denok egun ezin hobea pasa dugu.

Normal
0
21

false
false
false

MicrosoftInternetExplorer4

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

Gaur,
uztailak 18 asteazkena, Udaixeko egitarauarekin jarraituz, ederto pasa dugu 21
gazterekin Erdiguneko Gaztegune kanpoko pareta margotzen. Kosta ala Kosta
udalekuetan parte hartu duten gazteak animatu dira ekintza honetan parte
hartzera.

Astelehenean
iritsi ziren mendiz mendi igaro zuten udaleku ibiltaritik eta aitzakia ederra
izan da beraientzat berriz guztiak elkartzeko eta pasa dituzten abentura
guztien argazki bezala mural eder bat margotzeko.

Lau
hezitzaile eta 21 gazte buru-belarri pareta margotzen aritu ondoren, bertan
bazkaldu dugu denok, kontu kontari, eta ondoren udalekuetako argazki muntaia
ikusi dugu.

Oso
oso gustura pasa dugu eguna guztiok arte lan bikaina eginaz.