Gaztetxokoak

Azaroko asteazkenetan gazteentzako tailer bereziak antolatu ditugu Erguin eta San Andreseko gaztetxokoetan. Bata DJ tailerra, bestea Funky eta Hip Hop tailerra.  Hasiera batean 4 saioko tailerrak izango dira eta bertaratzen diren gazteek erabakiko dute tailerrekin aurrera egin edo ez.

Tailerretako plazak mugatuak dira eta izen ematea Gaztetxoko , Gaztegune eta Gazte bulegoan egin ahal izango da. Baita 943 795446 telefonora deituta ere (Txatxilipurdi).  Izen ematean 5 euroko fidantza eskatuko da,  ikastaro amaieran dirua itzuliko delarik.

DANTZA TAILERRA ERGUINEKO GAZTETXOKOAN (AZAROKO ASTEAZKENAK)

Funky eta Hip-Hop dantzak izango dira oinarri tailerrean. Mikel Aranzeta Soraluzeko dantzaria izango da Tailerra bideratuko duena eta helburua dantza mota hauetako oinarriekin ondo pasatzea da. Ez da dantzarako gaitasun berezirik behar, gogoa izatea eta ondo pasatzeko nahia izatea nahikoa da. Ea gaztetxokoetako dantza taldea osatzen dugun!

Azaroak 6-13-20 eta 27 Erguineko gaztetxokoan.

DJ IKASTAROA SAN ANDRESEKO GAZTETXOKOAN  (AZAROKO ASTEAZKENAK)

Disko jartzaile aritu batekin lehen trikimailuak eta teknikak ikastea da tailerraren helburua. Sesio bat osatzeko beharrezko dena jakitea. Ondoren bakoitzaren sorkuntza izango da bidea. Asier Galiano Aretxabaletar disko jartzailea izango da tailerra bideratuko duena. Tailer hau 14-17 urte bitarteko gazteei zuzenduta dago.

Musakolako gaztetxokoko kuadrilak ondo ospatzen ditu bertako kideen urtebetetzeak!  Honetarako tresna aparta daukate gaztetxokoan: Sukaldea!!!

Estrrella izan zen atzokoan protagonista. Zorionak!!

Azarora begira jarri gara. Hau gure proposamena da ondoren gazteekin batera fintzen eta osatzen joango gara!! Etorri eta zuk proposatu!

Pasa den asteburuan gauza mordo bat egin genuen gaztegunen eta lagun artean une atseginak igaro genituen!

GazteGune kanpoaldeari itxura berria emateko asmotan, pareta txuritu genuen gazte batzuekin, eta aste honetan etortzen denarekin erabaki eta pintatuko da egingo dugun murala!

Larrugintza Tailerra ere martxan izan dugu asteburu guztiak zehar. Gure gazteek haien sormen gaitasunez eta larruaz baliaturik pultsera, giltzatako,… sortu zituzten!

Eszenatokia ere erabili genuen, eta bertan gure gazetak gimnasta eta dantzari paregabeak direla erakutsi zuten gure oholtza gainean!

Beti bezala, gure gazteen nahiak errespetatuz, haiek txetik ekarritako filma ikusi genuen: “3 metros sobre el cielo”

Asteburu honetarako ere plan izugarria prestatu dugu, beraz, animatu!

Gaztetxokoen helburua auzo bizitzan eragitea  ere bada! Baita  bertako eragileentzat tresna izatea ere. Musakolako auzoko batzordeak Gazte Eguna antolatu zuen eta bertako Gaztetxokoa eta hezitzaileak bertan egon ginen!

Goizean ekintzak,eguerdian  bazkaria, arratsaldean murala eta jolasak, kontzertua…  Gaztetxokoak parte hartu zuen egun guztian zehar!

Auzoa bizirik dagoela argi ikusi zen larunbatean! Aupa zuek!

Antzerkia, arte damatrikoa, laburmetraiak egin, aktore lanetan hasi… zerbait egin nahi dugu, guk gogoa badaukagu eta zihur gaude Arrasateko nerabe eta gaztetxo batzuek ere edukiko dutela! Guk eguna eta lekua jarri dugu; elkartu, hitz egin eta zerbaiti (tailerra, ikastaroa, grabazioa, ikuskizuna…) ekin nahi diogu. Bertaratzen den jendearen artean erabakiko dugu zer!

Deialdia DBH3-4 eta batxi 1eko gazteei zuzendu nahi diegu. Urriaren 18an 18:30etan  elkartuko gara Erguineko Gaztetxokoan. Bertan hitz egin eta zerbait egin dezakegun edo ez erabakiko dugu. Jon Olibares da egitasmoa koordinatuko duena .

Aurtengo Maritxutan Kalera irten gara! komisioekin hitz egin eta gazte nerabeentzako  ekintza bereziren bat prestatuko genuela esan genien…  5 baietz! kalera irten eta telebistako saio bat imitatuz maritxu kajoi jaien inguruko galderak egin dizkiegu gazteei. Bost minutu zituzten ahalik eta galdera gehien asmatzeko! dena grabatu genuen… ea laster bideoa eskaintzerik dugun!

M

Oso asteburu atsegina igaro dugu erdigunen. Gauza mordo bat egin ditugu eta giro oso polita sortu da.

Ostiralean, eguraldia aprobetxatuz monterronera joan ginen Zirko tailerrarekin. Oreka-zinta, mazak, okarinak, … eraman geniten, ederto pasatu eta izugarrizko barreak egin genituen.

Beste egunetan barruan egon gara, hala ere, ez dugu aspertzeko astirik izan!
Murala margotu zuten batzuk, Zirko tailerrarekin jolasean ibili ginen, futbolin eta pinponean, mahai jolasetan, …

Eta hau gutxi balitz, ginkana bat ere egin genuen!!
Izugarrizko asteburu polita! Datozenak ere bide berdinean jarraituko dute!

Pasa zen asteburuan 12-14 urte bitarteko gaztetxoekin irteera egin genuen Elusuko aterpetxera, gaubela, mendibuelta, jolasak… bertan eguna eta gaua pasatu genituen. Uztailean igarotako egunak baloratu eta ikasturtean zehar gaztetxokoetara begira asmoak bildu genituen.

Larunbatean tipi-tapa oinezean jaitsi ginen Bergarara eta ondoren autobusean Arrasatera.