Gaztetxokoak

Erguineko Gazte txokoan, sukaldaritza afizio handia dago. Astero-astero sukaldaritza saio bat (eta askotan baita bi ere!) egiten dugu.

Errezeta pentsatu, osagaiak eskuratu, suak piztu eta sortu eta gozatzera! Hori izaten da dinamika. Dena den, jakizue sukaldaritza tailerra ez dela mugatzen sukaldeko espaziora. Ez horixe!

Auzoko dendara joaten gara osagaiak erostera, eta batzuetan ere, dakizuen bezala, gure ortu txikira! Oraingoan baina, auzoko mugak gainditu eta sarera egin dugu salto Erguinen.

Sukaldaritza saioetan egiten duguna, blog honetan aurkitu ahalko duzue (erguindongadak.blogspot.com.es) eta, Gazte txokoan egindako errezeta berberak etxean ere egin nahi badituzue, ideia pila jasoko dituzue!

Erguineko gazteek sortutakoa da! Ze ona!!!

Asteburu honetan narrugintza tailerra izan dugu. Hiru egunetan zehar diru zorroak, mugikorrerako zorroak, giltzatakoak … egiten aritu ginen. Jende askok hartu zuen parte bertan eta oso giro polita izan genuen.

Hortaz gain, ostiralean taldetxo batek Auskalo mahai jolasean jolasten zuen bitartean, beste batzuk, futbolinean ibili ziren.

Larunbata jendetsuagoa izan zen eta ekintza desberdinak aurrera eraman genituen. Sukaldaritza saioa izan genuen, krepak egin eta tripa betez. Bestalde, talde batek atzeko gelako murala bukatu zuen, zuek bai artistak! Gainera futbolinean ere aritu zen jendea eta baita karaokean eta dantzan ere.

Asteburua ondo bukatzeko, igandean asanblada egin eta aurreko gelan “La Horca” pelikula ikustea erabaki zen, atzeko gelan narrugintza tailerrak jarraitzen zuen bitartean. Pelikula bukatzean dantzan, futbolinean, pinponean…ibili ziren.

Ekintza ugari egiten ditugu Erdigunean!! Etor zaitez gurekin ondo pasatzera!!

Hasi da Erdigunera jendea gerturatzen. Aste honetan kanpoko murala bukatzeko asmoa geneukan, baina kanpoko lanak direla eta ezin izan dugu. Hala ere, ez dugu aspertzeko denborarik izan!
Ostiralean mahaiak eta aulkiak gazte leku kanpora atera eta bertan mahai jolasetan jolasten gustura ibili ginen. Barruan dantzaldia antolatu genuen, batxata ikastaro eta guzti!! Giro oso polita sortu zen eta guztiok batera dantzan primeran pasatu genuen!!
Zapatuan talde batek pelikula ikustea proposatu zuen eta “Spanish Movie” ikustea erabaki zen. Atzeko gelan mahai jolasetan aritu ginen. Pelikula bukatzean Bat Irabazteko lehiaketan jolastea proposatu eta talde bat animatu zen. Eguna ondo bukatzeko wii dance eta karaokean ibili ginen, baita pinponean eta futbolinean ere.
Domekan gazte talde batek sukaldaritza saioa egitea proposatu zuen eta krepak egitea erabaki genuen. Berehala antolatu ginen: batzuk osagaiak erostera, beste batzuk zartaginaren bila eta beste batzuk bukatzean dena garbitu zuten. Merienda ederra izan genuen!! Ondoren beldurrezko pelikula bat ikustea nahi izan zuten eta “Paranormal Activity” filma ikusten aritu ginen. Gainera atzeko gela apaintzeko asmoz, pareta batean murala egiten aritu zen taldetxo bat.

Oso ondo pasatu genuen, beraz, animatu eta parte hartu!!

Gazte eguna ospatuko da zapatuan Musakolan eta Gazte txokoa nola ez, bertan izango da!

Ostiralean Maritxu Kajoi izan zen. Hori dela eta elegante jantzi eta Niri Bost! lehiaketan jolasten aritu ginen! Bertan ederto pasatu genuen galderak erantzunez eta probak irabaziz!
Larunbata lasaiagoa izan zen eta eguraldi ona aprobetxatuz Monterronera joan ginen slack-linearekin, oreka mantentzeko prest!

Bertan ginela, gazteek Gaztegune kanpoan mural bat egitea proposatu zuten. Beraz, margo txuria hartu eta pareta txuritzen hasi ginen!!

Igandea euritsua eta jendetsua izan zen. Atertu zuen momentua aprobetxatu genuen muralarekin jarraitzeko. Eta, zer egingo dugu paretan? izan zen zalantza. Ba… gazteek ideia desberdinak esan zituzten, eta guztion artean adostu ondoren, norberak bere itzala paretan marraztea eta beltzez margotzea erabaki genuen.

Bitartean beste batzuk beldurrezko pelikula ikustea proposatu zuten. Ikustea nahi zutenen artean “La sombra de los ojos” pelikula ikusiko zutela adostu zuten.
Primeran pasatu dugu asteburu honetan, beraz, ANIMATU ETA ETORRI!!

Kaixo gaztiak!!!! Hasi da ikasturte berria Erdigunean!! Lehenengo bi aste hauetan hasi da jendea gerturatzen, hori dela eta uda hontako abenturak eta istorioak kontatu ditugu, geure artean bizitakoak elkarbanatzeko asmoz.
Udalekutako jaiaz gozatzeko, GazteXtrem-eko bideoa hainbatetan ikusi, merendola izugarria dastatu eta balorazioa ere egin dugu. Aurrerago, Wii-dancean gogotsu ibili gara gorputzak astintzen, tarteka youtubeko bideoez lagundurik. Gainera, laburmetraiak eta gai ezberdinetako bideoak ere ikusi ditugu.
Ikusi bezela indartsu hasi gara momentu ezin hobeak bizitzeko asmoz.
Animatu zaitezte parte hartzera!!

Aurten ere iritsi dira Maritxuak Arrasatera eta, nerabeek ere badute arratsalde polit bat pasatzeko aukera!

Gazte txokeroak kalera irtengo gara eta “Niri bost!” lehiaketa martxan jarriko dugu.

17:30etan izango da hitzordua, Biterin. Bertatik abiatuta Arrasateko Alde zaharretik ibiliko gara galdera-erantzun frogak gainditu nahi dituzten koadrillen bila. Baina adi! zuon, herritarron, laguntza beharko dugu lehiaketa hau aurrera ateratzeko!

Hara amalurrak emandako oparia Erguineko gazteei!

Udaberri bukaeran, patata hazi bat (bakarra!!!) landatu genuen lur zati txiki batean eta sekulako patata pila jaso dugu uda amaieran!!!

Ikasi dugu Erguineko Gazte txokoan pazientziaz eta mimoz tratatuz gero lurra, harek mimoz eta pazientziaz egindako oparitxoak ematen dizkigula.

Eta, opari honi muzin egin barik… erguindarrek jakin izan dute nola aprobetxatu!

Aupa Erguingo Gazte txokoa!

Auzoetako Gazte txokoek ireki dituzte ateak jada eta, indar berri pila sartu da Erguin, Musakola eta San Andresen!

Proiektu proposamen pila asanbladatan, sukaldaritza saioak, bat irabazteko, Sua! partidak  … laugarren eguna izango da hau eta, dagoeneko martxa hartuta!

Erdiguneak ostera, gaur irekiko ditu ateak arratsaldeko 18:00tan. Ze giro egongo den eta zer egin dugun jakiteko, hurrengo astera arte itxaron beharko! 😛

Gora Arrasateko Gazte txokoak!

IRITSI DA EGUNA GAZTEAK! 18:00etan zabalduko ditugu Gaztegunearen ateak. Zuen udako abenturatxoak entzun eta ikasturte berriak ekarriko dituen erronka zein ametsei heltzeko unea iritsi da.