Gaztetxokoak

Azaroaren 25ean emakumeen aurkako indarkeriaren kontrako nazioarteko eguna izan zenez, asteburuan gure aldarrikapena egin dugu.
Gai honen inguruko irudi desberdinak erabilita txapak egiten ibili ginen eta gero kalera eraman genituen. Jendeari txapa bat oparitzea zen asmoa, honen truke, emakumeenganako hitz polit bat edo indarkeriaren kontrako hitzak jasoz. Ekintza oso ondo joan zen eta hitz asko lortu genituen.
Bestalde, ekintza desberdinak ere egin ziren asteburu guztian zehar: mahai jolasetan, futbolinean, pinponean, … gustura ibili ziren.
Gainera, alde batetik soinu eta panderoarekin eta bestetik yembeekin kontzertutxoak inprobisatu zituzten erdiguneko gazte lekua erritmoz betez.
Hasi da abendua eta hilabete honetan ere ekintza desberdinak ditugu! Etorri eta parte hartu!!

Azaroaren 20an haur eta nerabeen eskubideen aldeko eguna izan zen eta honen haritik, ekintza desberdinak egin genituen gazte lekuan, aldarrikapen hau musikaren ildotik eginez.
Ostiralean gazte talde bat emausera joan zen aurreko gelarako sofa bat ekartzera eta atzeko gelarako besteren bat ikustera. Orain osatuago dago aurreko gela!! Bestalde, gazteek pelikula ikusi nahi izan zutenez, beraien kabuz liburutegira joan eta “El Orfanato” pelikula ekarri zuten. Bertan egon ginen beldurrezko pelikula hori ikusten. Eguna bukatzeko eta haur eta nerabeen eskubideen aldeko eguna zela aprobetxatuz, gai honekin lotutako bideo bat ikusi genuen. (Bideoa ikusgai hemen https://www.youtube.com/watch?v=G8O_i3KU3p4 ).
Zapatuan bisita berezia izan genuen. Telle etorri zen gazte lekura txalaparta ikastaroa eskaintzera. Hasieran txalapartaren jatorria, historia… azaldu zigun eta ondoren, gazteek instrumentu hau jotzeko aukera izan zutenqa3<0.. Parte hartzea ona izan zen eta gazteak oso gustura ibili ziren txalaparta soinuen artean. Eskerrik asko Telle!!!
Asteburua borobiltzeko, igandean “Libertad Condicional”-eko kideek beraien lehenengo kontzertua eskaini ziguten gazte lekuan. Oso ondo aritu ziren eta guztiok animatzea lortu zuten. Oso giro polita sortu zen eta oso ondo ibili ziren oholtza gainean. Eskerrik asko mutilak!! Gainera, kontzertua bukatzean Gazte Tentsioa irratsaiorako entrebista egin zieten taldekideei eta galdera desberdinak erantzuten aritu ziren.
Ikusi bezala Erdiguneko gazte lekuan giro polita sortzen da, beraz, animatu eta parte hartu!!

Ostiral honetan Haur eta Nerabeen eskubideen aldeko nazioarteko eguna ospatzen dela badakizue? Duela 56 urte finkatu ziren nerabeei eta haurrei dagozkien eskubide unibertsalak eta, ospakizun horrekin bat egiten dugunez, egitarau berezia osatu dugu!

Nerabeen eskubideen aldeko aldarria egingo dugu musika bidez. Zapatuan, txalaparta hotsez jantziko dugu Gaztegunea eta domekan, Libertad Condicional musika talde gaztearen kontzertua egongo da.

Gazteak entzunak nahi dute izan, eskubide hori haiena da eta guri, denoi, dagokigu eskubide hori babestea!!!

Ekintza desberdinak egin ditugu asteburu honetan eta naturarekin bat egiteko aukera izan genuen Garaioneko lagunei esker.
Ostiralean Libertad Condicional taldeko kontzerturako kartela egin genuen (azaroaren 22an, igandea, kontzertua erdigunean!!). Bestetik, gazte lekua txukundu eta berritzeko asmoz, emausera joan ginen sofak ikustera.
Zapatuan Garaioneko lagunak etorri ziren gurekin batera Naturartean tailerra egitera. Denok dauzkagu ametsak eta ametsak egi bihurtu daitezkeela ikusi genuenez, amesten hasi ginen. Beraz, animatu zen taldeak Arrasate alaiago bat nahi zuela erabaki zuen. Monterronera joan ginen eta bertako zuhaitz eta inguruak apaindu genituen, Arrasate alaitzeko asmoz!! Oso ondo pasatu genuen, eskerrik asko neskak!!!
Asteburua ondo bukatzeko, igandean argazki ginkana antolatu genuen. Alde batetik bestera ibili ziren, korrika batean argazkiak ateraz! Harrapaketa jolasetan ere gustura asko ibili ginen!

Asteburu hau nahiko lasaia izan da. Ostiralean giro oso polita sortu zen bai atzeko gelan, baita aurrekoan ere. Berriketan egon ginen eta gabonetako egitaraua beraiekin adosteko asmoz, beraien iritzi eta nahiak ezagutu nahi genituen. Beraz, ideia desberdinak jasotzen ibili ginen! Gainera, mahai jolasak, futbolin partidak, … ez ziren faltatu!
Zapatuan, Ekin Emakume Taldeko eta TTak-eko kideak etorri ziren gazte lekura indarkeria matxistaren aurkako tailerra ematera. Tailerra oso interesgarria izan zen eta alderdi desberdinak landu genituen. Eskerrik asko neskak!!
Igandean ekintza desberdinak egin genituen. Alde batetik, ginkana antolatu genuen eta talde txiki batek hartu zuen parte bertan. Beste batzuk mahai jolasetan, futbolinean, pinponean…ibili ziren. Bestetik, djembeekin abesti desberdinak sortzen ere aritu ginen.
Ekintzaz beterik dator azaroa, beraz, animatu eta etorri gurekin ondo pasatzera!

Arimen gaua ospatu genuen asteburuan.

Beldurrezko giroa sortzeko, ostiralean kuiak hustu eta apaindu genituen, aurpegi desberdinak sortuz, hurrengo egunean, kandelak sartzeko asmoz. Bestalde, taldetxo bat djembeak jotzen aritu zen, gazte lekua erritmoz betez.
Larunbateko arratsaldea oso aktiboa izan zen. Koko pertsonaiaren mozorroak sortu genituen arratsalde hasieran. Gero gazte leku kanpora irten ginen TTak-eko kideekin elkartzeko asmoz. Ondoren, San Kristobalera joan ginen, linterna eskuan hartu eta Monterronetik gora abiatuz!! Bidetik ezustekoak eta guzti izan genituen!! Behin goian ginela, gure txokoa egokitu eta aspaldi bertan gertatutako beldurrezko istorioa kontatu genuen.
Igandean, beldurrezko asteburuari bukaera emateko, “La Huerfana” beldurrezko pelikula ikusi genuen. Aukera hau gustatu ez zitzaienak mahai jolasetan ibili ziren. Gainera TTak-eko kideek pintxoak ekarri zituzten, beraz, tripa betetzeko aukera izan genuen!

Bukatu da urria eta orain azaroan murgiltzera goaz!! Animatu eta etor zaitez Erdiguneko gazte txokora!!

Oraingo asteburua jendetsua izan da.
Ostiraleko arratsaldea lasai joan zen, wii dancean gorputzak mugitu, mahai jolasetan jolasten eta futbolinean ibili ginen.
Zapatuan,berriz, gore tailerra egin genuen eta jende dezente animatu zen aurpegia, eskuak, … apaintzera eta beldurrezko giroa sortzera. Gainera kalera irten ginen kaleko jendea beldurtzeko asmoz. Eguna ondo bukatzeko pin ponean, futbolinean eta wii dancean ibili ginen, disko festa ederra sortuz.
Domekan, asteburua ondo bukatzeko asmoz, txokolatea eta txurroak egin genituen. Beharrezko materiala gazte leku kanpora atera eta bertan aritu ginen sukaldatzen. Parte hartze handia eta giro oso ona egon zen. Oso merienda goxoa jan genuen!!
Badoa urria aurrera, animatu eta gerturatu Erdigunera gurekin batera ondo pasatzera!!!

Beldurra izango da protagonista egun horretan Erdigunean. Beldurra pasa araziko dugu eta baita beldurra pasatu ere.

Gure aiton-amonak gazteak zirenean bezalaxe, Koko pertsonaiaz mozorratuko gara. Etxeko trapu zaharrak hartu, aurpegia eta gorputza eztali eta mozorratuta irtengo gara kalera TTak!eko lagunekin batera. Baina adi! arratsalde horretan Gaztegunera hurbiltzen denak beldurra ere pasa dezake zeren… Ttak!eko kideak agurtu eta gu, San Kristobalera igoko gara bertan duela urte asko gertatutako beldurrezko pasartea kontatzera!

Asteburuan irteera polit bat egin dugu Otaza auzora.

Zapatu goizean irten, azken erosketatxoak egin, motxilak eta ondo pasatzeko gogo pila furgonetan sartu eta Garaionera abiatu ginen poz-pozik!

Asteburu pasa ederra izan da. Bertako paisaiaz eta aire garbiaz gozatu dugu. Sukaldean fin fin aritu gara eta fin fin ere, gaubelan! A ze nolako festa!

Gustoko ditugu halako irteerak egitea egunerokotasuneko erritmotik irteten garelako eta lagun artean, talde arteko harremanak pila bat indartzen direlako!

Gora Gazte txokoak!

Urriak 17an, Musakolako auzoak egun berezi bat ospatu zuen: Musakolako Gazte Eguna. Auzoko haur eta nerabeen eguna da eta duela hiruzpa-lau urte ospatzen hasi zen.

Egun horretan haur eta gazteak dira zentrua eta haientzat eta haiekin egitarau polit bat osatzen da. Eta, beste post batean esan bezala, Musakolako Gazte txokoa,  jai horretan hor egon zen Gazte txokoa osatzen dugun familiak baduelako zer ospatu egun horretan!

Ikusi, ikusi zeinen ondo ibili ginen!

Musatxef, sukaldari lehiaketa

Gazte bazkaria

Bat irabazteko abilezia lehiaketa

Aupa Musakolako haur eta gaztiak!!!