Gaztetxokoak

Kaixo kaixo!!!

Badakigu sukaldaritza piiiila bat gustatzen dela Erguineko Gaztetxokoan, hori dela eta, bertako afizio hori Arrasateko nerabe guztiei zabaldu nahi diegu!

Hemendik aurrera, OSTEGUNERO SUKALDEAN ARITUKO GARA eta 18:00ak aldean piztuko ditugu suak eta jantzi amantalak. Otsailerako hainbat errezeta proposatzen dizkizuegu baina, desiatzen gaude zuen errezeta kuttunenak ezagutu eta denon artean sukaldatzeko!

Gainera, erronka bat jarri diogu gure buruari…. ERREZETARIO ERRALDOI BAT SORTZEA! Non, eta sukaldeko paretan! AUPA ERGUINGO TXEFak!

Gazteek gogoko duten musika talde baten murala egiten hasi gara gaztetxokoaren paretan batean. Murala amaitzean, arte lanari argazki elegante batzuk atera eta musika taldeari bidaliko dizkiogu.

Mugikorren erabileran inguruan hausnartzeko  tartea ere izan dugu urtarrilean zehar. Asanbladan elkartu eta irudi batzuen bitartez, erabilera egokiaren inguruko lanketatxoa egin dugu guztion artean, ondorio interesgarrietara iritsi dira gazteak.

Ordenagailu txokoaren instalazioa guztiz amaitu dugula aprobetxatuz, musika taldeen bideoklip zein film ezberdinak ikusten aritu gara. Sukaldean asko ibili gara eta etxeko lanak egiteko abagunea ere izan da gurean. Ikus dezakezuen bezala, Sanandresen ez dago aspertzeko aukerarik.

Aurrera begira jarriz gero, otsailean zehar sexualitatea lantzeko asmo daukagu.  Horrez gain, egun osoko txango bat antolatzeko asmoarekin ere bagabiltza.

Urte berri hau ekintza desberdinak eginez hasi dugu. Material berria sortzeko asmoz, pin poneko palak egiten ibili gara egurra eta zerra erabiliz. Beste egun batzuetan neguko hotzari aurre egiteko goxotasunean eta mahai inguruan mahai jolasetan ibili gara. Badago gorputza mugitzeko aukera ere, horregatik pinponean eta futbolinean ere ederto pasa dugu!

Animatu eta hurbildu guregana!!

Urte berri on denoi!
Beeeeno…. oporretatik bueltan zaudete zuetariko asko, ezta? gu ere itzuli gara eguneroko dinamikara baina…. Gabonetako agea oraindik buruan! Ze ondo ibili garen!
Bost egun eder pasatu ditugu denetariko ekintzak eta jarduerak eginez.

Lagun berriak egiteko aukera izan dugu Goiengazte II.edizioan, eta baita barre algara ederrak bota eta gazte musika taldeen talentuaz gozatzeko ere! Jakin badakizue, behintzat kontatu izan dizuegu jaialdi berezia antolatu genuela Oñati, Bergara, Eskoriatza eta Atxabaltako Gaztelekuen batera, ezta?

Ikusi, ikusi!

Gabonetako ekintzei estreinu ederra eman genien! ez duzue uste?

Hurrengo egunetan, Erdiguneko Gazte Gunetik abiatuta, txistorrada, dantzaldia, urteko azken afaria eta, nola ez, urteko azken mendi irteera ere egin genuen!
Urteari “AGUR!” tontor batetik esatea modukorik ez dago!

Eta…. 2017ko lehen egunetan ere, auzoetako zerbitzuetan ekintza bereziak izan ditugu!!!
Esaterako, San Andresen, “ESCAPE” izeneko Ginkana misteriotsu bat egiteko aukera izan genuen!

Gora GAZTETXOKOAK, GORA 2016 eta GORA 2017! URTE OPAROA IZANGO DA!

Guardar

GABONETAKO EKINTZA BEREZIEN BARRUAN, GOIENGAZTE II.gazte topaketa antolatu ditugu Atxabalta, Bergara, Eskoriatza, Oñati eta Arrasateko Gazte txoko eta Gazte lekuen artean.

Abenduaren 26an, arratsaldez, saltsa ederra izango dugu!
Talde jokoak (speed cups erraldoia, Jungle Speed erraldoia, Bottle Chalenge erraldoia, 3 linean erraldoia, Polilla tramposa erraldoia) + Kontzertuak izango ditugu!

Hiruhilabete honetan ez dugu aspertzeko aukerarik izan!! Gazteak gogotsu ibili dira eta gauza mordo bat egin ditugu.

Gune berriak sortu ditugu. Alde batetik ordenagailu txokoa txukun jarri dugu denon artean, ordenagailuarentzat altzaria egokitu eta ordenagailu berria instalatu dugu.

Horretaz gain, atzeko gelaren zati bat tailer bihurtu dugu. Bertan arotzgintza lan ezberdinak egin ditugu, mahai berriak eta armairu bat eraiki ditugu, baita eraikita zegoen sofaren muntaiarekin jarraitu dugu. Tailer hau gazte txokoaren instalakuntza lanak egiteko ere aprobetxatu dugu, adibidez lehen erabiltzen ez genituen kako batzuk moztu eta horman jarri ditugu.

Txoko honetan dagoen materiala erabiliz, pin pon palak eta sare bat eraiki dugu sormena erabiliz. Txukun txukun geratu da eta xoxik gastatu gabe gainera!!!

Hiruhilabete honetan sortu dugun hirugarren txokoa, kirolarena izan da. Bertan, kirol material guztia elkartu eta eguneratu dugu. Gazte txokoan erosketak egiteko edo auzotik ibiltzeko erabiltzen ditugun bizikletak ere erabilgarri jarri ditugu.

Hiruhilabete honetan ere udal euskategiko ikasle nerabeekin elkarlana egin dugu. Gazte txokoen proiektua azaldu zieten san andreseko erabiltzaileek eta ondoren merienda goxo bat egin eta mahai jolasetan aritu ginen.

Beste elkarlan bat, Usaetxeko ludotekariekin egindakoa da. Bertako haurrekin ginkana bat egin zuten eta gurera etorri ziren pista batzuk bilatzera.

Sukaldaritzak ere tartea izan du hiruhilabete honetan ere. Errezeta pila bat egin ditugu, krepak, pizzak, napolitanak, etab.

Bukatzeko eta ohikoa denez, asanblada bitartez funtzionatzen jarraitu dugu, beraien iritziak entzun, proposamenak jaso, kezkak partekatu, gatazkak konpontzen saiatu eta egitarauen berri eman. Askotan erreza ez bada ere, asanbladek fruitua eman dute azkenean! 

Pasa den astean, hainbat ekintza ezberdin gauzatu genituen Arrasateko Gazte Txokoetan eta, ostegunean bandera jolas erraldoi bat antolatu genuen Musakola, San Andres eta Erguineko Gazte Txokoen artean.

Caja Laboraleko parkera abiatu ginen eta neguko freskurak berehala uxatu genituen alde batetik bestera korrika ibili ostean. Barre eta izerdi ederrak bota ostean, txokolate bero-bero bat hartzeko aukera izan genuen eta arratsaldeari amaiera goxoa eman genion horrela.

Ikusi, ikusi ze talde ederra batu ginen! Gora Arrasateko Gazte Txokoak!

Oraingo honetan, euskararen eguna izan dela eta, ekintza desberdinak antolatu ditugu!

Ostiralean, atzeko gelan pelikula ikusi genuen, eta aurreko gelan mahi jolasetan eta dantzan ibili ginen.

Larunbatean, mural bat egin genuen, eta mural horretan euskarari eskeinitako hitz politak idatzi genituen.

Igandean, euskararen inguruko bideo batzuk ikusi genituen, eta euskal kanten karaokea montatu genuen.

Hona hemen argazki batzuk:

Pasa den ostirala, emakumearen kontrako indarkeriaren aurkako eguna izan zen, eta erdigunean gai horren lanketa egin dugu aste-bukaeran zehar, ekintza desberdinekin.

Ostiralean, gaiarekin zerikusia zuten txapak egin genituen, larunbatean herriko kaleetan hitz politen truke emateko. Honetaz aparte, gai berdineko bi pelikulen informazioa eman genuen, lanketa txiki batekin, gehien gustatzen zaiena bozkatzeko asmoz, igandean ikusteko. Honetaz aparte dantza ere egin genuen.

Larunbatean, gazte batzuk pin-pon pala tailerra egitera animatu ziren. SUAra ere jolastu genuen eta atzeko gelan peli bat ikusi genuen.

Igandean, boto gehien lortu zuen pelikula (Monster) ikusi genuen, eta gazte baten bizikletako pintxazua konpontzen ere ibili ginen. EKINeko tailerra ere egon zen non gazte batzuk parte hartu zuten.

Hona hemen argazki batzuk: