Izugarrizko jende pila etorri da asteburu honetan gurekin ondo pasatzera!
Gazteek badakite nola funtzionatzen dugun, eta jada ekintzak eskatu eta antolatzen dituzte!
Ostiralean DBH 1 eta 2ko neskentzat sexualitate tailerra eskaintzera etorri zen emale bat, eta gure gazteek haien zalantzak eta galderak argitu zituzten. Oso gustura ibili ziren!
Zapatuan gazte batzuek zirko tailerra eskatu ziguten, eta ekarri bezain laster probatzen hasi ginen. Barre algarak bota genituen!
Beste batzuek pelikula bat ekarri zuten: “El ultimo escalon”
Domekan, joan zen astean bezala, Dantza ikastaroa izan genuen, eta pausu batzuk ikasteko aukera eman zigun emaleak.
Horretaz gain, asteburu osoan zehar, komikiekin diruzorroak egiteko tailerra izan dugu. Honekin bakoitzak pertsonalizatutako diruzorroa eraman ahal izan zuen etxera.
Hankapaloak, futbolina eta pinpona beti dira ekintza arrakastatsuak, eta baita asteburu honetan ere, baina benetan arrakasta izan duena ekarri ditugun mahai jolas berriak izan dira; oso ondo pasatu dugu orokorrean!!
