Arrasateko San Andres auzoan kokatzen da Bastida akademia eta 800 m2-ko eraikinean hainbat eskola ematen dituzte: hizkuntza eskolak, ikastaroak edota klase partikularrak, besteak beste. Akademiako zuzendari Lourdes Azkoagarek eman ditu xehetasun gehiago.
Arrasateko San Andres auzoan kokatuta dagoen Intersport Loramendi bi pisutako denda da. Obrak egin dituzte eta igogailua jarri dute, besteak beste, denda irisgarri bat izateko helburuarekin. Kanpotik ere berritu dute eta dendan dagoen eskaintza zabala ezagutzeko aukera dago erreportajean.
Prentsa agerraldia egin du Musakolako erretiratuen tabernan Arrasateko Hondakinen Mahaiak, hondakinen bilketa sisteman herrian emango diren urrats berrien gaineko argibideak emateko. Bertan azaldu dute urtarrilean hasiko direla organikoa bereizten eta informazio gehiago jaso ahal izango da erreportajean.
Arrasateko Musakola auzoan dagoen Hiper Eroskiren 25. urteurrena ospatzeko zapatuan jaia egin zuten. Bertako langileak dantzan jarri eta flashmob-a grabatu zuten. Langile eta bezeroekin batera ospatu zuten urteurrena eta berrikuntzen berri ere eman dute langileek; harategia zabaldu dute dendan, adibidez.
Irailaren 30ean inauguratu zituzten Arrasaten gizarte zerbitzuen bulego berriak Txaeta kalean. Jendearen pribatutasuna bermatzen dute, eta horregatik, kalitate hobea eskaintzen du zerbitzuak. Amaia Larrañaga Gizarte zerbitzuetako zinegotziak bulego berriak erakutsi ditu.
Gaur egun Gasteizen, Gamarrako ostalaritza eskolan, ikasten ibili arren, sukaldaritza ikasketak Arrasateko Lanbide Hastapen eskolan hasitakoa da Iker Esteban eskoriatzarra. Plater bat prestatzeko proposatu, eta txipiroiak tintan arrozarekin nola egiten den ikus daiteke erreportajean.
