Kaixo lagunok!

Gaurkoan ere, hemen gaituzue gure ekintzen berri emanez. Gogotsu hasi dugu astea, aurreko asteburuko istorioa ahaztezinak atzean utziz.

Aurreko asteburuan neguak eta eguraldi kaxkarrak ongi etorria eman eta hainbeste itxarondako eguna goitik behera zapuztu gintuen. Larunbatean, Eskoriatzako eta Arrasateko lagunekin batera eskiatzera joatekoak ginen baina eguraldiak ez gintuen lagundu.

Ostiral arratsaldean, gazteon artean ilusio zen nagusi eta irteeraren nondik norakoak antolatzeari ekin genion. Sukaldean elkartu eta hurrengoko eguneko hamarretako goxoak prestatu genituen.

Ba al dakizue zer prestatu genuen?

Izugarrizko patata tortila. Gure helburua Arrasateko eta Eskoriatzako lagunei harrituta uztea zen. Horretarako suondoan lan eta lan ibili ginen atsalde osoan zehar.

Larunbatean, eguraldiaren ondorioz Gaztelekuan geratu behar izan ginen eta eguraldiari irribarre bat atera genion ekintza desberdinak eginez, horien artean, afari merienda goxo goxoa antolatu genuen.

Asteburuari amaiera emateko, Gaztelekuari txoko lasaia gehitu diogu gure txokoari bizipoza eta kolorea emanez.

Oraindik gauza asko ditugu egiteko, animatu eta parte hartu!!!

Gogoratu, oporrak ate joka ditugula. Gu iada Gazte Konkisean murgilduta gaude lan eta lan. Dagoeneko itxura ederra hartu dute Gazte Konkiseko bi egunek.

Gogoratu izena emateko azken eguna martxoak 16 izango dela. Ez galdu aukera eta etorri Gazte Konkisera.

Ondo izan.

Itxura berri bat eman nahi diogu gaztelekuari eta horretarako lanean hasi ginen aurreko astean.

Lehenengo lanak aurrera atera ahal izateko 14 gazteen gogo eta kemena beharrezkoak izan ziren, lana gogoz egin baitzuten lehenengo egiteko hauetan.

Tartean, indarrak hartzeko merienda ederra prestatu zuten beste gazte batzuek eta honela, lanak bukatu ostean, ondo merezitako saria izan genuen.

Oraindik asko dago egiteko, baina bide onetik goaz. Asteburu honetan ere eskeiniko diogu tartetxo bat lan honi.

Badatorrela, badatorrela…. Oraindik edurra joan ez den arren, gu bagabiltza udaberriko gazte konkisa antolatzen. Pasa den urtean bezala, sortu 5-8 personako taldea eta etorri abenturara!

Martxoak 21 ( astelehena) eta Martxoak 22 ( asteartea) izando dira aurtengo egunak, Egun hauetan zehar ekintza desberdinak egingo ditugu herriko txoko desberdinetan. Aurten mendiaz eta sukaldeaz gozatzeko aukera izango dugu.

Gogoratu, izan ematea MARTXOAREN 1etik 16ra izango dela internet bidez ( Mugikorretik)

Besterik gabe, ondo izan eta animatu parte hartzera.

Kurtzeberrira dagoeneko heldu da edurra, gu edurraz gozatzeko desietan gaz eta zuek? Otsailak 27ko aukera  ez galdu eta etorri ski eta snow-az gozatzera.

Asteburu on! beti bezala Gaztelekuan itxarongo zaituztegu.

Aurreko larunbatean Aramaixoko Sustrai musika taldearen bisita izan genuen Atxabaltako gaztelekuan. Asteburuko hotzari aurre egiteko aukera paregabea izan genuen

Gaztelekuan. Sustrai taldearen kontzertuaz gain txokolatada goxo bat antolatu genuen gazteok. Zer hobeto txokolate beroa baino? Sukaldean giroa berotu genuen. Taldekideekin hitz egiteko eta Aramaixoko neskak ezagutzeko aukera izan genuen mahainguru apropos batean. Bapo jan eta edan ostean kontzertuari paso egin genion. Aramaixoko neskek abesti desberdinak eskeini ziguten, horien artean, Ken Zazpi taldearen Zapalduen Olerkia eta Mikel laboaren Martxa Baten Lehen Notak, Zea Mays taldearen Negua Heldu Da Eta. Kontzertu bukaeran Gaztelekuko gazteak berotu eta taldekidearekin batera abesteko aukera izan zuten.

Gaztelekua herriko gazte ugariz bete zen, giro paregabea izan zen bertan eta hurrengoan ere Aramaixoko Sustrai talde gonbidatzeko desiatzen gaude.

Pasa den ostegunean, hilak 4an hojaldrezko mokadutxoak egin genituen gaztelekuan 16 gazterekin. Txistorra, txokolate eta gazta eta urdaiazpikoz beteak!

Sukaldari bikainak eginak gaude eta inauterietako asteari buelta goxoa eman genion!!

Ihauteriak gainean ditugu eta hori nabaria da. Aurreko asteburuan, Txapeltxinekin batera, torrada lehiaketa izan genuen Aretxabaletan, eta Gaztelekuak ezin izan zuen kale egin.

Herriko torrada onena prestatzeko asmoarekin ekin genion arratsaldeari eta gerturatu ziren gazteekin sukaldatzen hasi ginen. Torrada goxoak prestatu genituen dudarik gabe eta lehiaketan parte hartu genuen. Lehiaketako emaitzak irten zirenean… Gaztelekua hirugarreeeennnnnnn!!!! Zer nolako poztasuna!!

Giro aparta izan genuen herrian eta arratsalde bikainaa izan zen.

Beldurra izan da protagonista asteburu honetan Atxabaltako Gazte lekuan.

Arbasoak gogoan izan ditugu eta haiekin harremanetan jartzen saiatu ginen erritu baten bitartez… Sorginkeriatan ibili ginen: errituan parte hartuko zuen nerabe bakoitzak saku-telazko poltsatxo bat sortu zuen bertan lurra, belar usaintsuak, ilea, lurra eta bestelako kontuak sartuz.

Sakutxoak prestatuta, afaltzeko ordua iritsi zen. Mahai baten bueltan, tripak bete eta beldurrezko pasarteak kontatzen ibili ginen. Eta, gaua jausi zenean, Porrukutxara abiatu ginen. Su txiki bat egin eta, sakutxoak erre genituen arimei deituaz.

Gazte koadrilla ederra bildu ginen, baina animak… ba… gu beldurtu beharrean, haiek beldurtu ziren ze… atera genuen zaratarekin ez zen espiriturik azaldu … jaja!

Domekan ostera, beldurrezko pelikula bat ikusi genuen: “The Ring” .

Asteburu polita izan da, jendetsua eta, beldurgarria!!!

Pasa den zapatuan, ikasturteko lehen irteera berezia egin denuen Eskoriatzako Gazte lekuko eta Aretxabaltako Gazte lekuko lagunok.

Eguerdian irten eta Galarretan (Araba) dagoen Paintball parkera abiatu ginen 40ko talde handi bat eta bertan, bokata bat jan ostean, pinturaz bete genituen gorputzak goitik eta behera! Herrien arteko lehia egon bazen ere, jolasaren parte izan zen eta, behin ekintza amaituta barre pila egin genituen bakoitzak bere esperientziak kontatzen!

Gainera, esan beharra dago, inguru ederretaz gozatzeko aukera ere izan genuela. Udazkenean sartuta, paisaiak izugarri politak dira Galarretan!