{"id":15,"date":"2011-11-13T11:34:29","date_gmt":"2011-11-13T11:34:29","guid":{"rendered":"http:\/\/goiena.net\/blogak\/asel\/a20-kanpainaren-desinformazioa-argitzen"},"modified":"2011-11-13T11:34:29","modified_gmt":"2011-11-13T11:34:29","slug":"a20-kanpainaren-desinformazioa-argitzen","status":"publish","type":"post","link":"https:\/\/blogak.goiena.eus\/asel\/2011\/11\/13\/a20-kanpainaren-desinformazioa-argitzen\/","title":{"rendered":"A20 kanpainaren desinformazioa argitzen"},"content":{"rendered":"

Hauteskunde ziklo baten aurrean gaude eta, berriz ere, asko dira
\naukera bakoitzak -alderdi jakinentzako botoa, boto zuria, boto
\nbaliogabea edo abstentzioa- esan nahi duenari buruz irakurri eta
\nentzuten diren zalantzak, informazioak eta desinformazioak
\nZenbait ildotatik, proposatzen ari den aldaketa desiragarriaren
\nikuspuntutik, eta egungo egoerara ekarri gaituena berriz nagusitzea
\ninola ere bultzatu nahi ez dela ulertuta, zenbait ahots entzun dira
\nhonako aukerak sustatu, argitu edo zehaztu dituztenak, eta haiei helduko
\n diegu:<\/p>\n

1. Alderdi txikiei boto ematea.
\n2. Boto zuria ematea.
\n3. Boto baliogabea ematea.
\n4. Abstenitzea.<\/p>\n

Objektibotasun ahalik eta handienaz eta , doktrinetatik at,
\npraktikotasunaren eta esanahiaren ikuspegitik azaltzen ahaleginduko
\ngara. Horretarako, lehenago, jesarlekuak banatzerakoan botoak zelan
\nzenbatzen diren ezagutu behar da.<\/p>\n

Kongresuko jesarleku kopuru osoa (gauza berak balio du Senaturako,
\nBatzar Nagusietarako, Udaletarako\u2026), %100, alderdi guztien artean
\nbanatzen da, zein ere den parte hartze indizea, hots, ez da jesarleku
\nhutsik uzten. Botoa, sistema parlamentarioan, norberak daukan banakako
\nbotere zatia da, eta ordezkapen sisteman eskuordetu edo, ez erabiliz,
\nberetzat gordetzea erabaki dezake. Boto baliogabeak ez dira zenbatzen
\neta, beraz, jesarlekuen banaketa legez emandako boto guztien artean
\n(legezko hautagaitza duten alderdientzako botoak + boto zuriak) egiten
\nda. Legez emandako botoen kopurua hartuta, jesarleku bat lortzeko behar
\nden gutxieneko kopurua ezartzen da. Boto zuriak eta jesarlekua lortzeko
\ngutxieneko boto kopurua lortu ez duten alderdi politikoei emandakoak,
\nD\u2019Hont sistemaren bidez banatzen dira, eta boto gehien jaso duten
\nalderdiei eransten zaizkie, gehien bat irabazleari. Aritmetikoki, horrek
\n ahalbidetu ohi du alderdi batek gehiengo osoa lortzea legez emandako
\nbotoen %50 eskuratu beharrik gabe. Parte hartze handia dagoenean,
\njesarleku bat lortzeko, boto kopuru handiagoa behar da. Aitzitik, parte
\nhartze txikiak jesarleku bat lortzeko behar den boto kopurua murrizten
\ndu.<\/p>\n

Ikus ditzagun orain arestiko aukerak argibide horien argitara<\/p>\n

1. Alderdi txikiei botoa ematea: Aukera honen bidez, egungo egoera
\naldatu nahi dela oinarri hartuta, ordezkapen sistema onartzen da, bere
\nmaila guztietan, hots, norbaitek ordezkatua izan gura da, baina
\nalderdi-bitasuna edo ordezkatuak izan ohi diren alderdiek politika
\nkontrolatzea saihestu nahi da. Zentzu horretan, erabilgarria izan
\ndaiteke, bozkatutako alderdiak boto kopuru nahikoa lortzen badu.
\nBestela, arestian ikusi denez, D\u2019Hont sistemak alderdi irabazleari
\nemango dizkio horietako gehienak, haren abantaila handituta.<\/p>\n

2. Boto zuria ematea: Aukera honek esan nahi du ez digula axola nork
\ngobernatuko gaituen, edo inork ez gaituela konbentzitu, baina norbaitek
\negitea nahi dugula. Praktikan, hitzez hitz, irabazleari txeke zuria
\nematea da. Parte hartze indizea handitzen du eta, beraz, garestiago
\njartzen du jesarlekua (alderdi txikiek zailago izango dute tartaren
\nbanaketan leku bat lortzea), eta D\u2019Hont sistemaren bidez gehien bat
\nalderdi irabazleari gehitzen zaizkio.<\/p>\n

3. Boto baliogabea: Aukera honek esan nahi du aurkeztutako alderdi
\npolitiko guztien aurka gaudela, baina hauteskunde sisteman parte hartu
\nnahi dela. Sistemaren funtzionamenduaren aurkako protesta edo zigor modu
\n bat da, osorik zalantzan ipini barik. Abstentzioak bezala, legez
\nemandako botoen artean zenbatzen ez denez gero, merkeago uzten du
\njesarlekua, eta aukera handiagoa ematen die alderdi txikiei ordezkapena
\nlortzeko.<\/p>\n

4. Abstenitzea: Aukera honek esan nahi du ez garela hauteskunde eta
\nparlamentu sistemaren partaide egiten, orokorrean. Prozesuari berari
\nzilegitasuna kentzeko modua da, zein ere den emaitza. Boto baliogabearen
\n kasuan bezala, emaitzan duen ondorioa da, legez emandako botoen
\nproportzioa murrizten duenez, merkeago jartzen dela jesarlekua, eta
\nerrazagoa dela alderdi txikiek ordezkapena lortzea. Aukera bien arteko
\naldea ordezkapen sistemari aitortu nahi zaion zilegitasun maila da.<\/p>\n

Bizkaia adibide hartuta, guztira 8 jesarleku banatuko dira bertan
\n(9tik murriztu ziren, lurraldearen demografia murrizketaren ondorioz).
\nParte hartzea zenbat eta handiagoa, 8 jesarleku horietako bakoitzak boto
\n kopuru handiagoa beharko du, eta parte hartzea zenbat eta txikiagoa,
\nboto kopuru txikiagoa. 2011n, 11 hautagaitza aurkeztu dira. Horrek esan
\ngura du, pentsa litekeen kasurik lehiatuenean, haietako 8k lortuko
\nluketela ordezkapena, bana, alegia. Azken hauteskunde orokorretan,
\n2008an, Bizkaian 21 alderdi aurkeztu ziren , eta jesarleku horiek
\nhiruren artean banatu ziren: PSE-EE (4), EAJ (3) eta PP (1). Boto zuriak
\n eta gutxienekoa (esan denez, parte hartze handiago edo txikiagoaren
\narabera aldatuko da) lortu ez duten alderdi politikoek jasotakoak,
\nlurraldean garaipenagatik lehiatzen diren alderdi politikoei gehituko
\nzaizkie, jesarleku gehiago edo gutxiago emanez. Boto zuriak eta
\nabstentzioak dira ezein hautagaitzari gehituko ez zaizkion bakarrak,
\nbaina osotasunari eragingo diote.<\/p>\n

Orain aukera zurea da, gura dituzun ondorioen, mugitzen zaituenaren
\neta zure kontzientziak diotsunaren arabera. Zuk baino ezin duzu
\ninterpretatu zugan bizi dena. A-20an, eta zure bizitzako egun guztietan,
\n askatasunez, erantzukizunez eta elkartasunez pentsatu, erabaki eta
\njardun. Informa eta presta zaitez, parte hartu, lagundu eta izan.<\/p>\n

\"\"<\/p>\n

Sarean dabilen Anonymousen #OP20N<\/a> kanpainari buruzko bideoari dagokionez, honakoa argitu behar da:<\/p>\n

Oso polit dago eta zenbait egia dio, baina zer pentsatu asko ematen
\nduten zenbait akats eta ahazte bitxiak dauzka. Hasteko, Konstituzioa eta
\n gizarte bakea, ez ziren hainbeste onartu eskuinaren azpijokoagatik,
\nbideoan berariaz diotenez, ezkerren -PSOE, PCE eta UGT eta CCOO
\nsindikatuak- ekarpen eskuzabalagatik baizik. Multzo politiko-sindikal
\nhorrek zelaitu zuen bidea, gogoz hartu zuen parte idazketan, eta sari
\noparoak jaso zituen neska-mutil zintzoak izateagatik. Filmeko gaiztoak
\naurkeztarakoan, behin eta berriz aipatzen ditu lau: PSOE, PP, CiU eta
\nEAJ, eta \u201cbeste batzuk\u201d ezkutu batean uzten du Estatu mailako botoetan
\nhirugarren indarra dena: IU, besteak bezain partaide egungo politiketan
\neta askotan \u201cardura\u201d politikoaren izenean jokatu duena,
\n\u201cegonkortasunaren\u201d alde (haien egonkortasuna, ez gurea). Proposamena
\negiteko garaian, azterketa alderdikoia eta iruzurgilea da, honakoengatik
\n (eta edonor gonbidatzen dut kontrakoari buruzko datuak ematera): boto
\nzuria eta abstentzioa emaitza beraren baitan aurkezten dira. GEZURRA!
\nBoto zuriak, hala da, alderdi handien alde egiten du, boto zenbakarria
\ndelako eta, beraz, legez emandako botoen %an sartzen denez, jesarleku
\nbakoitzak boto kopuru handiagoa behar izatea dakar, garailea indartuz
\n(proportzioz esleitzen dira ordezkapena lortu duten alderdien artean,
\neta ia osorik doazkio indar garaileari, ordezkapenik lortzen ez duten
\nALDERDI TXIKIEI emandako botoek bezalaxe, bideoan isiltzen den beste
\nkontu bat). ABSTENTZIOAK, aldiz, boto BALIOGABEAREN ondorio berberak
\ndauzka, zenbaketari begira. Boto BALIOGABEA ez da legez emandako
\nbotoetan zenbatzen, eta abstentzioaren ondorio praktiko BERBERA dauka:
\nlegez emandako boto portzentaje txikiagoa egonda (legez aurkeztutako
\nalderdientzako botoak gehi boto ZURIAK), jesarleku bat lortzeko boto
\nkopurua txikiagoa da eta, KASU BIETAN (abstentzioa eta baliogabea),
\nalderdi HANDIAK kaltetzen ditu eta aukera gehiago ematen die txikiei.
\nBoto BALIOGANEA, azken finean, botoa denez, botoa emateko, norberaren
\nboterea hauteskundeak irabaziko dituztenengan, zein ere diren,
\neskuordetzeko ekintzarekin adostasuna adierazten du. Benetako mezua
\nhonakoa litzateke: EZ DUT INOR GOGOKO, BAINA SISTEMA HAU NEURE EGITEN
\nDUT ETA, BERAZ, EMAITZA ERRESPETATZEN DUT. ABSTENTZIOAREN mezua,
\nBALIOGABEAren eragin \u201cpraktiko\u201d berbera izanda, oso bestelakoa da: EZ
\nDUT SORTU DUZUEN SISTEMA HONETAN PARTE HARTZEN ETA NEURETZAT GORDETZEN
\nDUT NIRE EKINTZA ETA ERABAKI AHALMENA. EZ DUT HAUTESTONTZIEN EMAITZA
\nONARTZEN, EZ BAITUT NEURE EGITEN.<\/p>\n

Anonymousen bideoaren egileek nahi dutela diotena (sistema aldatzea,
\neta ez hura salbatzea edo ukitu batzuk ematea) benetan nahi balute,
\nABSTENTZIORAKO dei masiboa egingo zuketen. Onartu egiten dute abstentzio
\n masiboa litzatekeela eraginkorrena sistema baliogabetzeko, baina
\nberehala baztertzen dute ezinezkoa delakoan. Aukera hori gutxiesteko,
\nzurigarri, seguruenik alderdi politikoek eta desinformazio hedabide
\nmasiboek erabiliko duten diskurtsoa darabilte; dirudienez, horien
\niritzia da kontuan hartu behar duguna eta alderdi eta hedabide horiek ez
\n dira gai diskurtso gutxiesle eta manipulatzaile bera beste aukerei
\nburuz, komeniko balitzaie haiek ikusezin bihurtuz edo euren interesen
\narabera interpretatuz. Ez zatekeen sistemaren baliogabetasuna erakustea
\negingarriagoa izango, hautua alderdi txikien (lerro artean argi ikusten
\nda zer alderdi \u201ctxikiri\u201d begira dauden) eta boto baliogabearen artean
\nsakabanatu beharrean, aukera bakarrean, botorik ez ematean, pilatu
\nbalute? Aitortu gabeko arrazoiren batengatik batzuei beldurra ematen die
\n horrek eta M15eko partaide batzuk hastapenetatik garatzen ari diren
\nmugimenduari buruz ohartarazi behar digu: abstentzionistak erakarri eta
\nhaien haserrea alderdi \u201ctxiki\u201d baterantz bideratzeko maniobra, izena
\naipatu barik, oso nabarmena izan ez dadin, ea Estatu mailako boto
\nkopuruan hirugarren indarra ez ote den. Drakula odolez elikatu eta hura
\nbarik geratzen zaion bakarra bere hilkutxan atseden hartzea den legez,
\nalderdi politikoak, GUZTIAK, eta haien kideak, botoz elikatzen dira, eta
\n haiek barik\u2026 ez dugu esan behar zer geratuko litzaiekeen, ezta? Bideoa,
\n erdiko zatiko egiek interesa izanda ere, manipulazio trebea da,
\nhasieran historia kontatzeko eta amaieran aukerak azaltzeko moduari
\ndagokionez. Erne!<\/p>\n","protected":false},"excerpt":{"rendered":"

Hauteskunde ziklo baten aurrean gaude eta, berriz ere, asko dira aukera bakoitzak -alderdi jakinentzako botoa, boto zuria, boto baliogabea edo abstentzioa- esan nahi duenari buruz irakurri eta entzuten diren zalantzak, informazioak eta desinformazioak Zenbait ildotatik, proposatzen ari den aldaketa desiragarriaren … Jarraitu irakurtzen →<\/span><\/a><\/p>\n","protected":false},"author":6,"featured_media":0,"comment_status":"open","ping_status":"open","sticky":false,"template":"","format":"standard","meta":{"ngg_post_thumbnail":0,"footnotes":""},"categories":[1],"tags":[42,11,39,41,38,12,40],"class_list":["post-15","post","type-post","status-publish","format-standard","hentry","category-sailkatugabeak","tag-abstentzioa","tag-anarkismoa","tag-anonymous","tag-baliogabea","tag-boto","tag-gandorra","tag-hauteskundeak"],"_links":{"self":[{"href":"https:\/\/blogak.goiena.eus\/asel\/wp-json\/wp\/v2\/posts\/15","targetHints":{"allow":["GET"]}}],"collection":[{"href":"https:\/\/blogak.goiena.eus\/asel\/wp-json\/wp\/v2\/posts"}],"about":[{"href":"https:\/\/blogak.goiena.eus\/asel\/wp-json\/wp\/v2\/types\/post"}],"author":[{"embeddable":true,"href":"https:\/\/blogak.goiena.eus\/asel\/wp-json\/wp\/v2\/users\/6"}],"replies":[{"embeddable":true,"href":"https:\/\/blogak.goiena.eus\/asel\/wp-json\/wp\/v2\/comments?post=15"}],"version-history":[{"count":0,"href":"https:\/\/blogak.goiena.eus\/asel\/wp-json\/wp\/v2\/posts\/15\/revisions"}],"wp:attachment":[{"href":"https:\/\/blogak.goiena.eus\/asel\/wp-json\/wp\/v2\/media?parent=15"}],"wp:term":[{"taxonomy":"category","embeddable":true,"href":"https:\/\/blogak.goiena.eus\/asel\/wp-json\/wp\/v2\/categories?post=15"},{"taxonomy":"post_tag","embeddable":true,"href":"https:\/\/blogak.goiena.eus\/asel\/wp-json\/wp\/v2\/tags?post=15"}],"curies":[{"name":"wp","href":"https:\/\/api.w.org\/{rel}","templated":true}]}}